استشارة اوريون 2010

إذا هذي المواصفات الي تطلبها , فأقترح عليك التالي:
1- تشارجر
2- أكورد

بغض النظر مستعمل أو جديد. المهم هذول سيارات ما يتعبوك إن شاء الله في الصيانة و مريحة و 6 سلندر كما تريد.
التشارجر طبعًا أكثر راحة و انصح بها.

اي و الله ابي سته سلندر تماتيك سيدان يعني داخل البلد و الخط الطويل اكون مرتاح ان شاء الله

لأن عندي سياره ثانية دبل ابي اخليها للبر

للأسف عندي وحده 2011 وخبط قيرها وتوها ماشية 103000

بحكم متابعتي للأعطال و الصيانات , الأوريون قيرها حساس. بالضبط زي ما قالوا الإخوة. و توضيبه ما هو رخيص , و حتى التشليح ما هو رخيص! قيرات تويوتا 4 سلندر ممتازة ما شاء الله و مشاكلها قليلة. إذا تجنبت سوء الاستخدام تعيش معاك عمر. بينما لو تتابع في الصيانة تجد أن قيرات تويوتا الي مع مكاين الـ 6 سلندر مشاكلها كثير.
و على رأي الأخ سالم , سيارات المقاومات يغلب عيلها أنها تكون مهلوكة. طبعًا من النادر تلقى مالك سيارة شبابية محافظ عليها و لكن هذا الأغلب.

سؤالي لك: أنت هل يهمك العزم و تكون 6 سلندر ؟ علشان نقترح عليك خيارات أخرى.

القير يخرب بدون سبب

يقولون حساس القير دايم يخرب وهو سبب خراب القير
عموما انا مانصحك بالاوريون مستعمل لان اغلب ملاكها حقين سرعه ومقاومات

اذا السياره سليمه ومافيها عيوب ولا خرابات انصحك فيها لانه روعه وشبابيه