وش جاب الجينسس والانفينتي للوانيت
السيدان لو ببلاش ما اخذه مواتر ماتنفع وقت العازه ابد
الونيت موتر لجميع الاستخدامات بر مدينه سفر عائله احتطاب كشتات حتى لو تبي تنقل عفش بيتك مايقول لا
وشف المواتر العسكريه كلها ونيتات وعليها عيار خمسين
وانت تقول حرام يكون اغلى من السيدان ياخي انت ظلمت الونيت بكلامك اللي قلته
بالنسبه لاسعار الجموس فاشوفها مرتفعه ومثل ماقالو الاخوان شف الفورد اما الدوج رام فاشوف ان مشكلته الوكيل وقطع الغيار حتى لو كان سعره مناسب
الفورد افضل خيار ولاتنسى الاستخاره والله يكتب لك اللي فيه الخير
ولله ياخوك انا ماني حطاب ولا عندي حلال بالبر واذا على الكشتات الجيب موجود
ولو عندي ونيت ما طرالي اشيل عليه عفش والدينات موجوده
والونيت ماهما حطو وشالو ماراح يوصل لراحه السيدان في المدينه والخطوط
ولي تجربه لسييرا HD 2007 بلشه في المدينه ومزعج بالخطوط
فئه البيك اب الفور باي فور متى تكون افضل اذا كنت عايش في بر او في منطقه جبليه او ريفيه
اما في المدينه والخطوط ما يعزك الا السيدان
وبكلامي هذا ما اقلل بقيمه الونيتات بالعكس انا من عشاق الونيتات وخصوصا الجمس بجميع بمديلاته قديماً وحديثاً
لاكن الحق ينقال
وفكره شراء السييرا حباً في السياره وليس للاحتطاب ونقل الاغراض وتركيب عيار 50 عليه
ولو كنت مضطر على الونيت لتوجهت للفورد مواصفات ممتازه وسعر مناسب ووكيل افضل من الجميح والتوكيلات العالميه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
محد عنده علم كم سعر السييرا فل كامل في دبي وكم سعره في امريكا ؟؟
