مشكلتك شبه شائعه في مكائن الجمس و الشفر من هذا الموديل
و هي فك الكرتير حق الزيت و تغيير ربلة طرمبة الزيت مع تنظيف الكرتير
و صفاية ماسورة الطرمبة
هذا موضوع للعضو وطن العزة في نادي عشاق و ملاك الجمس فيه نفس المشكله و الحل
الموضوع الثاني وهو العيب المصنعي بمكاين الجمس
كان فيه طقطقه بالمكينه قبل سنه تقريبا مع الوقوف فقط لأكثر من 5 دقايق لكن مع المشي الوضع
تمام , وزاد الوضع قبل شهر وصارت الطقطقه حتى مع المشي ولا تروح الا بعد ساعه من التشغيل
زاد صوت الصقع بالمكينه ونزل الأمبير قريب للربع , وتوهقت هل هي مشكلة طرمبه ولا ربلة فقط
لأن ممشى الموتر تعدى 200 ألف
قلت الحين نبي نطبق موضوع وتجربة مشرفنا العزيز كبسوله
شريت ربلة (سيلة) طربمة الزيت بـ 40 ريال وكاله
قازقيت كرتير مكينه حول 160 ريال وكاله
سيفون وكاله 20 ريال
زيت كاسترول 30-10 100 ريال
وعلى ورشة هندي أعرفه وضبت عنده نيسان عام 2008 والى يومك لا نقص ولا حراره
طبعا بعد ما مريت ورش الدمام وشفت العجب والنصب على خلق الله , لدرجة ان بعضهم قال غير
مكينه وانا أجيبها لك من التشليح
المهم رحت لخوينا وقلت غير هالربله قال ما أضمن لك الصوت يروح قلت على مسؤوليتي
غير بس , واتفقنا على شغل اليد بـ 250 ريال ...
غير الربله ولقى القديمه يابسه ونصها متفتت كنها بسكوت شاهي
ونضف الكرتير والصفاية اللي بوسط الكرتير المشبوكه بماصورة الطرمبه لأنها كانت
متسكررره وتمنع الزيت يطلع للمكينه
خلص الشغل وسميت بالله وشغلت و الحمدلله راح الصوت نهااااااااااائيا حتى بعد وقوف ربع ساعه
المكينه صوتها صافي ولا لها حس ما تسمع غير صوت الشكمان
