تجربتي: تغيير بواجي و تنظيف ثروتل (ورشة متخصصة) - كادينزا 2012

لما جا وقت تنظيف الثروتل هل كنت معاه ؟ هل سويت برمجة للثروتل ؟ هل سحبت السلك السالب للبطارية قبل الشغل ؟

شرفني مرورك اخي العزيز ووصلت الفكره .

نعم يا غالي لكل من يملك له الحق فيما يملك
ولكن كانت النيه التنبيه لا اكثر
لان القير يصنع بحسب مواصفات علميه كذلك الزيت
محدد النوع من قبل المصنع نفسه
وحبيت فقط ان اوضح لك انه يكون مطابق لارشادات الصانع
وتقبل كل مروري

اشكر لك مرورك اخي العزيز
الشخص اللي غير لي زيت القير كان يعمل في قسم الميكانيكا في وكالة كيا لمدة 12 سنه ولديه الخبره الكافيه وعارف الشي المناسب والغير مناسب .
وفي الاخير قرار تغير الزيت لصاحب السيارة .

انا اتكلم ع المدي البعيد

تقريبا لي شهر مغيره
والسياره ماشاء الله تبارك الله فرررررررررررق

لكل سياره زيت قير مخصص
حتي لو بتغير برا اقل شي تشتريه من الوكاله وتغيره برا
ايش نوع الزيت الذي غيره لك ؟؟؟
ودايم مشاكل القير وتخبيطها
سببه زيت ولزوجه غير مناسبه
تأأدي الي حراره او مشاكل بالحساسات
وبالاخير نسمع القير خبط ومافي جوده ومن هذا الكلام
والسبب الرئسي المستخدم و وعيه
وتقبلوو مرووري

السلام عليكم ورحمة الله ،

قبل 3 أشهر تقريباً أنا وعديلي غيرنا البواجي وفلتر البنزين بنفسنا، وصحيح موضوع التغيير يحتاج لفك الـIntake Manifold "الثلاجة".

الشغلة أخذت تقريباً 4 ساعات ، تغيير البواجي فرق معانا في عزم السيارة ، لكن تغيير فلتر البنزين لمم يفرق في عزم السيارة أي شيء.

أحنا أستفدنا كثير من الموقع الرسمي لصيانة الكيا وفيه معلومات لجميع سيارات كيا "الجديدة والقديمة" وأهم شيء وجود Service Manual لكل سيارات كيا في أمريكا:

https://www.kiatechinfo.com/

الموقع يحتاج للتسجيل لتصفح محتوياته.

ترا نفس الكلام موجود في كتالوج البي أم و سيارتي و و فولفو و جاكوار و غيرهم ... (زيت قيرهم واحد و نفس الصانع). و مكتوب أنه يتم التشييك فقط بدون تغيير. و مع ذلك يفقد لزوجته و له عمر محدد. لونق لايف كلمة لا تسمن و لا تغني من جوع.. بالتجربة.
و زيت قير الجنيسس و السنتنيال نفسهم بعد للمعلومية (ZF). لكن ما أدري الكادنزا نفسه أو لا.
و الي على العلبة مجرد شعار للشركة , و إن كان مكتوب مصدره بلد معين فهو عبارة عن تعبئة من شركة زيوت في مكان آخر أو من شركة أخرى. بالضبط نفس ما يجري لكثير من صناع السيارات حتى الألمانية و اليابانية.
أنا مقصدي من ذلك هو التنبيه. حتى لا تخسر شيء في سيارتك لا قدر الله. لا يوجد شيء اسمه عمر مفتوح حتى لو مكتوب في كتالوج الصانع. المبالغات واردة حتى بالعكس احيانًا يفترضون عمر قصير جدًّا .. مثلاً كتلوج أحد السيارات يقول غير زيت الدفرنس بعد 40 ألف كم! زيوت الدفرنس تقعد فوق المائة ألف كم. يعني على 100 ألف و هذا يعتبر احتياط زيادة.
حبيت أوضح لك .. لمصلحة الجميع. و تقبل تحياتي.

اصلا مجرد فكره فك الثلاجه عشان تغيير ال3 بواجي الي تحتها فكره غبيه
و ...... الي صنعها هذا الصراحه شي يقهر تغيير البواجي اول ماكان يكلف شي عند البيت تغيرهم و الان حوس في الورش و تضييع كم ساعه و خذ المشاكل التهريبات اذا ماركب القز قيت عدل و الله بهدال و مصخره

وشلون عاد الماجنا يالله احصل واحد يقبل يشتغل فيها و ياخذ وقت كم ساعه مو اقل من ساعتين وهو يشتغل فيها الصراحه هذا درس لي ماشتري سياره و محركها كذا لا اذا اضطريت لان تغيير البواجي يكلفني حول 400 ريال او اقل بشوي (بواجي وكاله سعرها حول 120 شغل يد 200 اذا مازاد الان و سعر القزقيت وكاله مع الخلطه احتياط ناسي سعرهم )

اما زيت القير انا اخذا من الوكاله برضو و تغييره عند البنشري شفط + اذا باقي شي يفك الصره من تحت في الاخر اذا جهاز الشفط ماسحبه بالكامل
و معروف افضل زيت للقيور تبع متسوبيشي و كل الورش قالت نفس الكلام
لكن نصيحه لا تستعجل بتركيب اي زيت الا بعد تتاكد من درجه لزوجه او مواصفات الزيت المناسب لسيارتك مو شرط زيت متسوبيشي يتناسب مع سياره من نوع ثاني مع انو افضل زيت ان شاء الله وضحت الفكره

اخي العزيز

اقرا كتلوج السياره

ستجد انه مكتوب ان زيت قير الكادينزا هو زيت من صنع كيا هيونداي الكوريه

و يسمى ل لونق لايف اويل ؟؟؟

و مكتوب ايضا في جدوله الصيانه ان زيت القير يفحص كفحص فقط بعد 150 الف كيلو متر يعني ماتغيره حتى

لك الشكر الجزيل. وصلت المعلومة المطلوبة.
و هو كذلك .. لا بد من فصل البطارية لمنع اختلال البرمجة حق الثروتل.

يشرفني ويسعدني ويزيدني شرفا مرورك وتعقيبك الرائع اخي العزيز

بصراحه لم اشاهد العمل بعيني
ولكني استفسرت منه وافاد بانه من المهم جدا فصل اصبع البطاريه قبل تنظيف الثروتل
والرجل ماشاء الله كان يعمل بوكالة كيا لمدة 12 وافادني بانه لابد من فصل اصبع البطاريه قبل عملية التنضيف

بالنسبة لل rpm وضعه طبيعي جدا

والخلاصه السياره بعد هذه العمليه >>> ممتازه جدا وفرق فرق فرق عن قبل وانصح الجميع بتنضيف الثروتل للمحافظه على السياره .

وفي النهايه اشكرك على الاطراء .

كان بودي لو صورت العملية حتى و لو صور ثابتة.
هل تابعت العمل يعينك؟ تحديدًا ودي أسال: هل نظف الثورتل بعد فصل البطارية؟ لأن السيارات الحديثة الثروتل فيها موتور إلكتروني و ليس بسلك ميكانيكي مباشرة مع دواسة البنزين مثل السابق. و كثير من الي نظفه -في مختلف السيارات- تختلف برمجته و صار الـ RPM يصير يلعب فوق و تحت .. الين سوا برمجة كمبيوتر و تضبط.
كيف صار التنظيف عندك بالضبط؟ و هل فك الثروتل بودي خارج السيارة؟

عذرًا للإطالة , لكنها معلومة فنية تفيد كثيرًا.



تنبيه للأخ الكريم:
الزيوت الآن وصلت بالعمر حتى 100 ألف كم. ما سمعت عن أكثر.
زيوت قير هونداي و كيا هي زيوت متسوبيشي SP4 (لأنها ما زالت تأخذ تقنية متسوبيشي) و التي تصل للعمر الي ذكرته. و هي توازي dexron4 في جنرال أو Mopar ATF+4 في دودج أو Mercon-V في فورد .. و التي عمرها أيضًا 100 الف كم.
انتبه من الي يقول لك يوجد زيت قير عمره أبدي (يعني ما ينتهي)! كل الزيوت لها عمر لكنها الآن طالت و تطورت.

بصراحه ماعندي خلفيه عن طريقته بالتنضيف ولكن طلب مني اني اجيب له بخاخ ac delco
والرجل ماشاء الله عليه خبره في وكالة كيا قسم الميكانيكا لمدة 12 سنه واذا حطيت السياره عنده تطمن وارقد وامن وانا اخوك

بالنسبه بعد التنظيف الوضع صار افظل من قبل والار بي ام على الوضع الطبيعي .
واشكرك على المعلومات القيمه اللي اثريتها .

ماشاء الله والله يعطيك خير الموتر ويكفيك شره
عندي استفسار لاهنت
عندك خلفية بالطريقة الي سوا فيها تنظيف للثلاجة
يعني هل فكها خارجيآ ونظفها
ولا ببخاخ تم التنظيف وبدون اخراجها ؟
بخصوص تنظيف الثروتل احب اضيف حاجة بعد اذنك
الثروتل في اغلب السيارات الحالية كهربائي
وفي سيارات اذا نظفت الثروتل يرتفع rpm
وفيه سيارات مايرتفع rpm
الكادينزا ماعندي علم بالثروتل حقها
ولاكن على العموم يبين نوعية الثروتل بوجود واير من عدمه
فأغلب الثروتل الي بدون واير ( كهربائي ) يرتفع rpm بعد التنظيف
ووقتها اما تمشي بالسيارة مسافة وهيا بنفسها تتبرمج
او تسوي اعادة برمجة rpm
تقبل تحياتي

جدا فرق مع العلم اني مغير بواجي وهذا ايضا فرق زياده

الله يجزاك خير

هل فرق العزم معك ؟