شايف لك نفس الموضوع بمنتدى مشكات :ch19:
عموما بقولك نصيحتي
لااااااااااااااااااااااااااااااااااااااااااااااااااا أنصح به؟!
بتقولي ليش
أنا كنت أبي أول أشتري ديماكس تماتيك دبل وكنت أبي أشتريه وشايفه أفضل وأريح من الهايلكس لكن لعيب واحد خلاني ما اشتريه
ليس لأن قطع غياره أغلى من الهايلكس
او أذا جيت تبيعه مايجيب قيمة هذي بالأخص ماتهمني
السبب الأول والرئيسي أنه ديزل؟!
فيه عيبين قويين فيه
الأول وهو الي ما أنتبهت له ألا لما نبهني أحد الشياب له فلاحظته وكرهت الموتر خير شر
وهو أن فيه رائحة غريبة تصدر من السيارة تدخل على مقصورة القيادة بسبب أحتراق الديزل والريحة من جد تكتم الواحد حتى لو قفلت الهواية حقت المكيف تدخل عليك وياليت يكون عندك خبر أن أستنشاق الديزل مباشرة خطر جدا وممكن تبحث عن مخاطرة في قوقل وماراح يقل عنه كثير بعد أحتراق الديزل خصوصا أذا عندك مشاكل بالتنفس سواء حساسية صدر أو ربو
الشيء الثاني
طرمبة الديزل فيه ناس حتى حافظو على تغيير المستمر لفلتر الديزل وتخرب عليهم ولا ادري وش السبب طبعا هي مو بالكل تصير لكل أذا صارت للواحد الله يعينه على تكلفتها
شراء طرمبة الديزل بمايقارب 13 ألف ريال وممكن تتأكد من سعرها بالوكالة
وتصليحها بيكلف مايقارب أقل شيء 3000 ريال والبعض مو الكل يقول أنها حل مؤقت وفيه بعضهم يغيرها بحقت الموديل القديم الظاهر حق مكينة 2.8 لتر الي موديلات 2003 وتحت منب متأكد بالضبط
عموما أنا ودي تشوف خيار أخر ويكون بنزين ولا تهمك مسألة أن الديزل يمشي أكثر تراه غير نقي مثل الي يجي بالخارج بأوروبا واليابان وأمريكا يكون أقل تلوث من البنزين نفسه لكن عندنا كئيب ومخيس وملوث حدة دينات وتريلات وباصات وغير أنه غير صحي أستنشاقة وياكل زيت المكينة أكثر من البنزين يتغير أغلبها قبل 5000 كيلو وقليلين الي يعرفون صيانته خارج الوكالة وغير أن البنزين أصلا ولله الحمد رخيص أرخص من قيمة الماء نفسه حاليا الله لا يغير علينا
ودي أنصحك بالهايلكس لأنه يعتبر أقوى محرك 4 سلندر في فئته لكن عيبة أسعاره الفلكية والي وصلت 100 ألف للدبل وهو بالأخير 4 سلندر الظاهر مافي فرق بينه وبين الفورد والجمس شيء بالسعر إلا كم ألف
أو شوف فورد رنجر الي محرك 5 أو 6 سلندر أو تاخذ 4 سلندر ممكن يكون قيمته مناسبة وحقيقة أشوفه أكثر أعتمادية من شفروليه الكولورادو رغم أني ماجربته ولا أعرف أحد جربه لكن عوايد سيارات جنرال موتورز مهي دايم أعتمادية مقارنة بفورد
وعندك نيسان نافارا أو غيره أهم شيء لا تاخذ ديزل
