السلام عليكم ورحمة الله وبركاته
صباح الخير ي اعضاء منتدانا المحترمين اما بعد:
والله انا بدخل ف الموضوع دغري < على قولة اخواننا السودانية .. السالفة وما فيها وزي ماهو واضح من العنوان عندي استفسارات عن بعض الامور في الفرت ال11
الموتر ذا اشتراه الوالد وورده للسعودية بدون م ادري < لانه طفش مني بعد م راحت الفرت الاولى ال99 .. قاعد يحاول فيني بال(خجمات) الجديدة (الكامري والسوناتا والماليبو و ذي الطقة وفل كامل ومن ذا الكلام الفاضي ) وانا معيي .. و مثبت ي الموس او ترجع الفرت
فهو لما شاف الوضع ميئوس منه قال يجيب فورد 11 و الموس بعد سنتين او ثلاث ..
مالكم بالطويلة .. والامور حاب استفسر عنها كالتالي:
1 _ إن الوالد الله يجزاه خير م يدري كم الرقم السري حق الابواب ويقول انه م جاء معها البطاقة (اللي اتكلم عنها ) !!!!!! وانا نفضت الموتر ولا لقيت اي شيء
ف كيف اقدر اطلع الرقم السري ؟؟
2 _ بالنسبة للمكيف كيف اقدر اقفل (الهواية) بدون لا يكون المكيف شغال ؟؟
و كيف احوله من فهرنهايت إلى مئوي ؟؟ او كم اخلي درجة التكييف بالفهرنهايت (علما بأني ف العادة اظبط درجة الحرارة على °18 اذا كان الماكسموم °16 ) ؟؟
3_الفحمات والهوبات باين عليها صدا !! فهل هو طبيعي مع التحميل والنقل والرطوبة و يكون طبقة خارجية او انه تحتاج تغيير ؟؟
4_ الموتر بصراحة لونه سيء (ابيض😟😟) ف وش افضل طريقة اغيره ؟؟ رش جديد ؟؟ او مطفي ؟؟ او غيرها ؟؟ وهل في ورشة معينة او محل معين ينصح به ؟؟
5_ وش الاشياء اللي تحتاج تشييكات او تغييرات ؟؟ علماً بان ممشى الموتر 85.000km
6 _ وش الاشياء اللي تتغير ف الموتر غير ( التضليل و التكييس و الشاشة ) وهل في محل كويس يضلل ويكيس (م ابغى الماركات زي 3m و drive7 وباقي الشركات ، ولا ابغى الخياس زي الغرابي ، في محلات كويسة وتكون حول ال350 و ال400 ؟؟
و أخيراً هل في نصائح عامة او ارشادات
وآسف ع الاطالة و التعبيير الملعوب فيه و اعذرونا .
