طقطقة المكينة - كيا كارنس 2009

[alnhari]

السلام عليكم ورحمه الله وبركاته

انا عندي صوت طقطقه بالمكينه

قبل الصوت سويت حادث الرديتر انعوج

و المروحه انكسرت وفجاه وانا بالخط تطلعلي علامه
الزيت وتروح وبعدها بيومين وانا ماشي طلعت صوت طقطقه والسيارة صارت تمشي بشويش وانا داعس على الأخير بعدين طفيت السيارة. شيكت على
السيخ حق الزيت طلعلي بدون زيت و السيارة ما تشتغل
وبعدين عبيتها زيت واشتغلت بس فيه صوت طقطقه قويه
وبعدين طلعت سيخ الزيت طلعلي الزيت لونه اسود

ارجو الأفاده

[alnhari]

السيارة كيا كارينز
موديل : 2009
ماشيه : 90000 بالزبط

و السيارة ماتمشي

[اوبتيماوي]

وعليكم السلام

ياخي انت يمكن خامس شخص اشوف موضوعه

تطلعله لمبة الزيت ويمشي ويدوس عليها ؟!!!!

انت تعرف ليش ولعت لمبة الزيت ؟

ماولعت لمبة الزيت الا بسبب مشكله بتزييت المحرك

تقوم انت تدوس عالاخر والسياره فيها مشكله بالزيت !!

الله يهديك لو انك موقف سيارتك ووديتها بيتكم بسطحه واستشرت قبل تسوي شي

الحين الواضح ان مكينة سيارتك مخبطه الله يعوضك

[altimaemh]

افحص المكينة يالغالي
سواءآ كمبيوتر ولا اي شي
مع انه احتمال كبير تخبيط
الله يعوضك

[super_safari]

و عليكم السلام و رحمة الله و بركاته

هذي طرمبة الزيت ودعت. ما لها علاقة بالحادث الي ذكرته لكن إنها انتنهت.
يلزم الآن فك الكارتير و رؤية تآكل السبايك(و أغلب الظن كذلك) فيلزم توضيب مع خرط كرنك.
أعانك الله و عوضك بخير. طرمبة الزيت بمثابة قلب الإنسان. إذا توقف الضخ يعني الموت

و نصيحتي توضب و لا تفكر بالمستعمل الي يمشيك فترة ضمانه و بعدها بشوي و بعدين يفرط أنت و حظك. لا يوجد فرق يُذكر بين سعر التوضيب (بقطع أصلية) و مكينة التشليح.

[alnhari]

السلام عليكم
يا اخواني السيارة تشتغل وتمشي بس فيها صوت طقطه مره عاليه وديتها الورشه قالي بجرب انضفلك فلتر يمكن يزبط يمكن لا بس تكلف قالي اذا قلتله سويه وما زبط حخسر فلوس على الفاضي أعيد و أكرر. السيارة تشتغل وتمشي

[altimaemh]

طيب عادي هل عزمها تمام
وصدقني افحص افضل عشان ماتتفاقم المشكلة
ولاتحركها
صوت من مكينه وجربكس لاتخاطر فيه

[super_safari]

و عليكم السلام
أخوي alnhari , أرجو أن ترفع مقطع لمشكلة سيارتك حتى لو صوت يكفي. إما إننا ما وصلتنا فكرة و المشكلة بسيطة (بلوف مثلاً) , أو أن المشكلة كبيرة لكنك لم تعرف أنها من الطرمبة و أنت استستهلت الموضوع و تمشي بالسيارة.
فأرجو التسجيل عاجلاً من أجلك.

و تنظيف الفلتر إيش يفيد؟! هو يتغير ما يتنظف. أستغرب من الميكانيكي الي قال لك هالكلام!