السلام عليكم ورحمة الله و بركاته
اخوكم عضو جديد ناوي اشتري موتر ان شا الله و كالعادة راح ناخذ قرض و نسدد
طبعا نويت ع القراند شيروكي الليمتد ب 173 الف لكن قلبي يوزني يقولي خذ الاوفر لاند موصفاته احلى و فيه هيدروليك لكن مشكلته السعر 191 الف :c0038:
المهم ما لكم بالطويلة كل ما سألني واحد ايش قررت اقوله قراند هب فين انت مجنون و الله تصير مقاول المتحدة كل اسبوعين و فوق هذا ما راح يصلحون اي خرابات في السيارة و بعد ما ينتهي الضمان راح تصلح الخرابات ع حسابك بمبالغ خيالية :c0214:
حقيقة ما أثر فيني إلا واحد كان شاري باتريوت و حصلت له عيوب مصنعية و طلعوا عينه و في الاخير اضطر يصلحها ع حسابه مع انها لا زالت ع الضمان و كان المبلغ اللي دفعه جامد.
المهم قلت لهم عطوني بدايل اللي يقول برادو و اللي يقول اكسبلورر و اللي يقول اكيديا و اللي يقول الرنج روفر ايفوك ... الخ الخ
المهم المسألة في المقام الأول أذواق وراحة نفسية لاني شريت مازدا 2005 و كلهم قطعوا فيني ليش ما خذيت كامري و الحمد لله مشت معي زي اللوز و لا ندمت على شراءها بالعكس احمد ربي اني ما اخذت كامري و اني وفقت في اختيارها.
المهم الحين فكرت لازم اخذ سيارة عائلية و ابي سيارة مرتفعة خصوصا مع حفر الشوارع اللي كسرت المازدا:smilie20:
المطلوب :
1.السعر المتوفر 175 الف ممكن يزيد شوي بحدود عشرة الاف كحد اعلى.
2.السيارة كروس اوفر او عائلية حجمها معقول (الصف الثالث غير ضروري) متعود ع السيدان :bigggrin: ما ابي يوكن و اكسبيدشن مستحيل اخذها حجمها كبير جدا (و عائلتي صغيره انا و زوجتي وولد لم يتجاوز سنتين)
3.وجود دبل يفضل قابل للتحكم مش دفع رباعي دائم حقيقة عانيت مع سيارتي الحالية كل ما خرجت شوي عن الطرق المعبدة غرزت و ادور من يسحبني راح احتاجه في تمشيات بسيطه ع البحر و ما ادراك ما رمال البحر او في الجنوب في الوديان بيئة صخرية شوي يعني مش مهتم بالتطعيس.
4. المحرك كل ما كان قوي كان افضل لان دوامي في عقبة معبدة لكن عزم السيارة يقل كل ما صعدت, المازدا ماشي وضعها لكن نطمح للافضل.
5.خدمات ما بعد البيع تكون معقوله لان الوكلاء في الغالب سيئين لكن نبي واحد يمش حاله.
6.السيارة لو شريتها راح استخدمها ان شا الله و اورثها لاولادي من بعدي :smilie16: يعني ما تهمني سالفة يمسك السعر او ما يمسك
7.يهمني في المقام الاول المواصفات و السلامة و السعر المعقول , الشكل الخارجي ما يهمني لو كان شكل السيارة قبيح المهم اكون مرتاح في الموتر لو سافرت امشي متطمن و مرتاح و عزل السيارة جيد
8. أفضل الشخص يتكلم من واقع تجربة شخصية لأني كل ما كلمت واحد نصحني بموتر في الاخير اساله قد جربه يطلع لا قد جربه و لا قد صعد فيه و سيارته من ماركة ثانية احسه بيوهقني :c0038:
بهالسعر ايش السيارات اللي تنصحوني فيها طبعا مقر عملي بعيد عن الوكالات فأبي أحصر الخيارات الموجودة ع اساس في اقرب اجازة احاول امر الوكالات و اشوف اسعارهم و المواصفات
مشاركتكم راح تنور لي الطريق حتى اعزم على شراء سيارة خلال شهر الى شهرين بالكثير
اسف على الاطالة اخوكم ابو محمد
شاكر لكم سلفا تعاونكم :xyxthumbs:
