ابي جراند شيروكي 2014 و الناس اكلت مخي

السلام عليكم ... في البداية أخي ممكن تأكد لنا أسعار الجراند شيروكي 2014 ...
أنا كنت قبل شهر بالضبط مقرر آخذ الجراند و لكن أجلت الموضوع فترة لسبب ربما يكون تافه
كانت أسعارها غالية نوعاً ما و كانت لي أكثر من زيارة للوكيل ... و كانت هناك أسعار متعارضة
فمثلاً المرة الأولى لما رحت كان سعر الأوفرلاند 200 و سعر الليمتد 181 تقريباً ....
قبل الحج رحت مرتين الوكالة و الشباب السعوديين الموظفين أعطوني سعر اللمتد 175 و الأوفرلاند 200
و بعد الحج واحد موظف سوري أو لبناني أعطاني السعر القديم و هذا خلاني أتردد كثير
لأنه قلت إحتمال أقدر أجمع مبلغ زين و آخذ قرض و أشتري الأوفلاند ... و الآن تقول سعره 191
هذا وكيل الدمام ... ياليت لو تأكدي لي الأسعار لأنه لو فعلاً سعر الأوفرلادة 2014 بـ 191 مقدم على القرض و شاريه بكرة!

بخصوص كلامك و عيوبه ... و مقارنته بالسيارات الأخرى ... بقولك شي و أنت بقناعتك ..
في البداية كل وكلاء السيارات هنا سيئة جداً ... ربما من خلال خبرتي مع الهوندا هو الأفضل على الإطلاق (بعدما قارنت بالبقية!)
لذلك لا تحلم بوكيل ممتاز ... لأنهم هنا شركات ربحية و لا يوجد من يحميك كمستهلك و مواطن ... لذلك انسى موضوع الوكيل تماماً

من جانب قوة السيارة ... يا أخي سيارة عمرها طويل و تاريخها رائع و أجيالها متتالية ... و ماكينتها من أفضل المكاين
و يكفي إنه جيل 2014 تم إضافة تعديلات مهمة و جذرية مثل الجير الألماني و إذا لم تخني ذاكرتي هو نفسه جير الميرسيدس ML و إحدى سيارات الأودي ... ناسي المعلومة بصراحة
و هذا غير شاشة المعلومات الجديدة الي أصبحت تعطي السيارة داخلية ممتازة و كأنك راكب بورش بصراحة
و روح شوف كيف السيارة واسعه من داخل ... فعلاً تحسها سيارة شبابية
و بخصوص موضوع الجو ... هذا الجو السعودي نفسه الي في ولاية تيكساس تقريباً و لا شفنا السيارة يشتكون منها
و السيارة بالمناسبة حازت على جائزة أفضل SUV

نأتي الآن للسيارات المنافسة و يعلم الله إني أتكلم من واقع شخصي فقط ...
بخصوص سيارات تويوتا ... نحن الشعب السعودي الي عطيناها هذي القيمة فقط!
و إلا و بصراحة داخلياً ماهو الفرق بين الكامري و اللاند؟! و ماهو الفرق بين الكورلا و البرادو و الفرنتشر؟!
و بخصوص السلامة جميع سيارات تويتا الوارد السعودي تأتي بأقل مواصفات سلامة بالمقارنة عالمياً ...
أنا أنصدمت بسيارات كامري الوارد الأمريكي كيف فيها 6 إيرباقات!!!
و كذلك سيارات النيسان و ردائة قطع غيارها و كفائته الضعيفة ...
هذي باترول و اللاندكروزر و برادو و ميتسوبيشي باجيرو تقارنهم مع السيارات الكورية مع احترامي لهم
كفاءات السيارات تطورت و السيارات اليابنية مازالت تقليدية مع ارتفاع السعر
مجنون يا أخي تشتري لاندكروز (على قولتها طيس) بـ 200 ألف!!! و هو نفسه لاند 2005!

ما قالوا جيب عبث ... إلا لما يقولوا جيب يعني شركة جيب ...

في النهاية أمرين الأول أ،ت كيف تحافظ على السيارة ... و الأهم توفيق الله سبحانه و تعالى و بركته لك في السيارة

استخر ثم قرر....

تحياتي لك

اخوي اذا انت خايف من حجم الباترول ترى فيه حساسات اماميه وخلفيه

و 4 كاميرات تعطيك رؤيه شامله من فوق 360 درجه لكن ماني متأكد اذا تتوفر في

السياحي او لا

ابي موتر جديد
[COLOR=Navy] اصعب خمسة اشياء ثلاثة , اختيار سيارة جديدة

وكل تأخيرة فيها خيرة بإذن الله
دامك وصلت للباترول فانت قريب من اللاندكروزر V8

ماشاء الله تبارك الله اللاندكروزر يرتفع سعره مثل الذهب :tongue:
واحد من معارفي كان معه 2006 واظن شراه بـ 150 الف على ايامه
في عام 2011 باعه وهو ماشي قرابة 100 الف بمبلغ 170 الف :smilie16:
[/COLOR]

حياك الله أخي زياد العمري شاكر لك متابعتك للموضوع

فعلا الأستاذ حسن واجه مشاكل في السيارة أولها مشكله تلاعب الوكيل في المواصفات يعني الدفعة الثانية من الاوفر لاند كانت فيها مواصفات مضافة مختلفة عن الدفعة الاولى مع ان السعر في الدفعة الاولى اعلى من الدفعة الثانية

بالنسبة للمكيف تكلم عنها و الرجال شاف انهم تعاملوا معه بشكل جيد مع اني شخصيا اشوف ان هالمشاكل مقلقة إلى حد ما يعني يبيلي كل فترة ارجع للوكيل من آخر الدنيا عشان الشيء الفلاني عطلان او ما يشتغل و هذا صراحة شي مخوفني في الشيروكي خصوصا انك شاري سيارة وكالة بمبلغ وقدره و تبي تريح راسك و بسبب العيوب يبيلك كل فترة تراجعهم لكني اشوف ان المشاكل معقولة مش مقلقة بشكل كبير

بالنسبة للحرارة أشوف ان الاستاذ حسن مبالغ فيها شوي يعني ع حسب كلامه تنزيله للحرارة كان بشكل بسيط و راح يضيف له اضافات على الموتر تساعد بشكل اكبر حقيقة انا ما لي نية اضيف مثل هالاضافات و اشوف ان السيارة مهيأة و الدليل وجود مجموعه لا بأس بها من الشيروكي في جدة و الرياض و بعض الاخوة في المنتدى يقولوا انها معقولة و لا منها خوف ان شا الله

بالنسبة للاستاذ حسن كتبي اتوقع الجميع بلا استثناء يحب هذا الشخص انسان خلوق جدا و حبيب و محترم و اول شخص اقنعني بالقراند شيروكي :xyxthumbs:

حقيقة انا ميال للباترول الفترة هذي لكن لي تجربة للموتر ان شا الله لاني خايف شوي من ابعاد السيارة و لا سبق لي اني ركبتها عشان كذا مأجل الحكم عليها حتى اشوفها و اصعدها و اقيمها ان شا الله البرادو حقيقة بسبب ما فيه نظام التعليق الجديد مو موجود الا في الفل و برضوه سالفة العزل حقيقة اشوف ان الباترول افضل من مقارنات نظرية لكن نبي نشوف الموترين و نحكم ان شا الله

دعواتي لك و للجميع بالتوفيق و الله اني انبسط لما اقرا اي اضافة لكم يعني مخصصين من وقتكم لخدمة اشخاص ما تعرفونهم و تقدمون نصائح ثمينة الله يجعلها في ميزان حسناتكم

اسف على المداخله

حسن كتبي يوم اشترى السياره كان فيها عيبين مصنعيه الاول :

المكيف يهرب فريون والثاني موجهات المكيف مكسوره

وعلى فكرة حسن كتبي مايمشي اكثر من 10 الاف كيلوو في السنه فمن الطبيعي السياره تعيش بقوه

وفوق هذا كله مقصقص الكبوت وشايل غطاء المكينه عشان الحراره ولسى باقي في حراره بالسياره

ومغير الجنوط الى جنوط احادية الشكل عشان مشكلة الفرامل وتبريدها !!!

وغير كذا الله منعم عليه الله يزيده اذا طفش من السياره باعها ومستحيل يجلس يسياره اكثر من 3 سنوات

وترى اوضاعنا مو مثل وضع حسن كتبي ابدا ابدا الله يوفقه ويشهد الله اني احبه من قلبي

اذا منت راعي سرعه وانسان على مهلك توكل على الله وخذ برادو

واذا اوقات تمشي وتبي جيب حقيقي مثل مانصحتك بالباترول

جرب السياره افضلك ولاتنسى تصلي الاستخاره وقبلها تصدق كثير الله يوفقك

حياك الله اخوي يوسف 20

فعلا الاستاذ حسن يمتلك جراند شيروكي 2011 اوفرلاند و الرجال مبسوط منها جدا

و قدم تجربة قيادة للشيروكي 2014 ليمتد هيمي 8 سلندر جميلة تكلم بشكل مفصل عن السيارة تخيل المقطع ساعه الا و شفته اكثر من مرة عجبتني السيارة بشكل ما تتصور بس حقيقة الوكيل مخوفني بشكل كبير

: ) .. الله ييسر لك السيارة المناسبة اللي تريح بالك
حسن كتبي صاحب اشهر قناة سيارات سعودية.. معه شيروكي اظن موديل 2011 : )

http://www.youtube.com/watch?v=IVFrWlj0MAM

وعليكم السلام و رحمة الله و بركاته

حياك الله اخوي يوسف 20

فعلا سيارات جيب و كرايسلر جميلة و فيها تقنيات متقدمة مع مكينة هيمي قوية و قير ممتاز يعني سيارة تنحب صراحة

للأسف في الجنوب نعاني من قلة فروع الوكالات مع سوء الوكلاء فوق المعتاد يعني السيء في المنطقة الغربية و الوسطى يعتبر أرحم من الفروع في الجنوب من واقع تجربتي مع الحاج حسين مع إن الوكيل يقال عنه انه سيء إلا أنه لا بأس به موفر القطع و متعبنا شوي في الصيانة يعني العمالة غير متخصصة مثل كل الوكالات بس اللي يميزة أن القطع اللي غير متوفرة أو غير موجودة يطلبها و يوفرها في وقت معقول مع إن السيارة خدمتني كثير ما شا الله خراباتها قليل و ما احتاجت قطع كثير و لله الحمد.

بينما لمتحدة كان أسوء منه بكثير لذلك الوكيل هو السبب في تأخري في اتخاذ قرار الشراء صدقني قبل أسبوع من الآن كنت متأكد من أني راح أشتري قراند شيروكي الآن أميل بشكل أكبر للباترول مع أنه لا تتوفر له فروع في الجنوب حتى الآن لكن السيارة اعتمادية و ما فيه شكاوى تقنيه من عام 2012 بينما الشيروكي أحيانا فيه مشاكل في البرمجة ما اعتبرها مرعبة يعني يمشي حالها و ممكن اتغاضى عنها حتى اصوات الطقطقة من كثر ماأخذ حفر صرت متعود على الأصوات فما كنت شايل همها في القراند شيروكي لكن حقيقة الشيروكي في الموديلات 2011 و 2012 كان بعض الأعضاء عندهم مشكلة التشغيل و هي انك تجي تشغل الموتر ما يشتغل معك و يبيلك تعيد البرمجة يعني يبيلك تشيل السيارة بسطحة من جيزان مثلا لأقرب فرع اللي هو في ابها و هذا العيب كان موجود في موديلات سابقة و ما ادري حلو المشكلة او لا لكني اعتبرها مشكلة مقلقة إلى حد ما
أضف إلى ذلك أن الورش ممكن تشتغل لك نيسان أو تويوتا لكن أتوقع الجراند بحكم الاقبال الضعيف عليه في المنطقة بأواجه صعوبة في اصلاح أي مشكلة لا قدر الله خارج الوكالة في المنطقة

أحسني متقلب حزات اعزم اخذ الجراند و حزات اعزم اخذ الباترول معي شهر اجلس اوسوس لين اشتري ان شا الله هههه:bigggrin:

السلام عليكم ورحمة الله وبركاته
<- سجلني اول واحد معجب بمنتجات جيب وكرايسلر ودودج , وفعلا كنت ناوي على تشارجر SRT8 2013
لكن للأسف انا بمنطقة جيزان ما عندنا إلا موزع والمتحدة اقرب فرع في ابها تبعد عني حدود 170 كيلو
و في الرياض قبل 4-6 اشهر لو تطلب تشارجر SRT8 تنتظر 1-2 شهر

ولذلك صرفت النظر عنها.. من خلال ردودك انك مجرب سيارة يابانية 100% ومعروفة المازدا بجودتها
ولذلك ربما بعض السيارات الأمريكية المنحوسة تعطيك دورات مجانية للورشة وتصير خبير تقني
ولذلك الوكيل وانتشاره مهم بالنسبة لي في شراء اي سيارة :ch19:
[COLOR=Gray]
[COLOR=Silver]مجرب كابرس 2007 + 2009 رويال ..[/COLOR][COLOR=Silver]
الياباني اقل تقنيا , لكن جودته تشفع له ,,
اغلب مشاكل الامريكي الكهرباء دينمو السيارة + طرمبة الزيت + مشاكل التعليق والطقطقة ومن تجربة
واشاهد في اليوتيب حتى الأمريكان يمحدون السيارات اليابانية [/COLOR]



[/COLOR]

حياك الله اخوي turkiq فعلا اخوي بدأت أرى أن الباترول هو الخيار الامثل و سمعت بنزول الأسعار في المعارض بشكل مناسب لأجل تصريف الكمية المتبقية قبل نزول 2014 على الله ألحق العروض مع الشهر القادم ان شا الله شاكر لك متابعتك للموضوع

أهلا أخوي زياد العمري فعلا كلامك كله مضبوط بالنسبة لللاند سعره غالي مقابل مواصفات قليلة لكني أرى أن الباترول ممتاز جدا من ناحية السعر و من ناحية ان السيارة اعتمادية و سلبية الحجم لهاايجابية السعة داخل المقصورة اضافة للصف الثالث

حقيقة المبلغ كبير بالنسبة لي لذلك حبيت آخذ مشورتكم تخيل إن ما أحد من اللي حاوليني نصحني بالباترول مع أنه خيار ممتاز جدا و في حدود ميزانيتي و للآن ماني مصدق إني استبعدت الباترول في البداية حقيقة صرت أميل له بس لازم أجربه على أساس آخذه عن قناعة تامة إن شا الله
شاكر متابعتك للموضوع .

و إلي عنده زود نصايح أو خيارات أخرى ما نستغني صراحة سعيد بمشاركاتكم

شوف انا بعطيك نقاط تخص السيارات المذكورة :

1- البرادو : اعتمادي لين تقول بس وسياره لك ولزمن وماتخرب ههههه - لكن لاتسرع - صنعت لظروف الصعبه والمشي البسيط فقط

2- جراند شروكي : سياره اكثر من رائعه وحش - لكن الاجواء الحاره تنكب كل شي بالسياره واصدقائي بامريكا وكندا مبسوطين بالجراند شروكي مايخرب لان برد والسياره مرتاحه وقطع الغيار رخيصه ومتوفرة بكثرة- وعلى مر الزمن بينباع بيتعبك ويجننك بعد 7 سنين ومستحيل تصدق انك شاريه ب 170 الف واكثر!!!
العيب مو من السياره العيب من الحر الي نكب السياره يكفي مكينة هيمي 8 سلتدر تولد حراره هاااااائله مع حراره الشمس وبعد 5 سنين تقدر تقول باي باي قيري او باي باي سيارتي

3- اللاند كروزر : لاتعليق سياره بكل ماتعنيه الكلمه

4- باترول : مرسيدس على شكل جيب في الخط مستحيل تصدق انك راكب جيب من النعومه والراحه وفي البر مايحتاج كلام
الملك في البر وفي الجبل وفي الخط

والحين باترول دخلت موسوعة جنيس وحطمة 3 ارقام قياسيه اخرها سحب اضخم طائرة في العالم

والله اني ما ابي لك الا الخير وتراك وصلت لمبلغ خرافي وانا اخوك مبلغ تقريبا 170 الف ترى والله موقليل

اتمنى انك تضعه بما تقتضيه مصلحتك وليس هواك لان المبلغ كبير جدا ماشاء الله

وارشح لك الباترول مع اني من عشاق اللاند كروزر لكن اقول لك الحق غير الباترول الجديد لاتدور جيب


الله يوفقك

الله ييسر لك مافيه خير وصالح
مادامك وضعت الباترول كخيار جدي
فتجربتك له راح تخليك تدفع وانت مغمض
السيارة مميزة بحق

بالنسبة للاسعار اعتقد الان اسعار 2013
تبدأ بحدود 160

هذا واحد من الامور اللي مخوفتني من البرادو هذا اختبار على 2010 اعتقد انه نفس شاصيه 2014 العادة السيارات ما تنقلب في هالاختبار رغم انه مثالي في فتح الايرباقات بس سالفة القلبة مخوفتني شوي

http://www.youtube.com/watch?v=sRl5lDQvzj8

و هذا اللي مخوفني في القراند رغم ان جيب ردوا رد ما اقنعني صراحة

http://www.youtube.com/watch?v=SnWo73jiTUY

صدقت اخي KAMAL HEMI

فعلا انا في حيرة كبيرة لكني اريد الاستفادة من خبرتكم لان المبلغ كبير بالنسبة لي و لن يتكرر ذكرني بقرض الزواج :bigggrin: جلست اسدد فيه لين حفيت و اول ما خلص نبي ناخذ سيارة و بعد ذا قرض البيت و الله يعين

فما ودي استعجل ودي استفيد من خبرتكم حتى اشتري موتر عن قناعه كاملة ان شا الله

يعطيك العافية اخوي Ahmad Al-Sabban اتشرف بمشاركتك حقيقة كنت حاط البرادو ضمن الخيارات بحكم السعرالمقبول و الحجم المعقول و خدمات ما بعد البعيد و كانت السمعة المعروفة انه سريع الانقلاب اعرف شخص قلب فيه لين قال بس و الحمد لله سلم مع ان الخطأ منه وهو أخذ لفة بشكل مفاجأ على سرعه عالية و اتوقع انه شي طبيعي بالنسبة للجيوب.
و للأسف هذي المشكلة مخوفتني أيضًا من الجراند شيروكي زي ما جا في اختبار موس واظن الاخوان نزلوا عنه موضوع هنا بيقولوا السيارة غير آمنة عند المواقف هذي .

المهم ان كثيرا اسمع معلومة ان البرادو سريع الانقلاب بسبب الشاصيه ممعوط لفوق حقيقة كنت خايف منه بحكم صعود العقبات و النزول احتاج سيارة متماسكة المهم وجدت ان التويوتا حلت هذي المشكلة بنظام اظن اسمه kdss وهذا النظام جميل جدا يساعد على تماسك السيارت لانه تعليق ذكي و يساعد في اخذ المنعطفات بسرعه متوسطة و ما تميل السيارة وله مميزات كثيرة لكن للاسف هذا النظام غير متوفر الا في الفي اكس اللي هي اعلى فئة ب 210 الف مبلغ صراحة اشوفه عالى جدا و خارج نطاق قدرتي المادية لذلك استبعدت هذي السيارة من قائمة الخيارات وحقيقة لا اعلم هل فعلا البرادو خطير مثل ما اسمع او انها اشاعة من ضمن الاشاعات الكثيرة بس حقيقة انا قلبي ما طاعني اخذها و ان كان فكرت جديا في اضافتها لكن اتمنى احد من اصحاب الخبرة يفيدنا هل السيارة امنة بدون نظام kdss اذا كان كذلك بلا شك ستكون من ضمن الخيارات المتاحة السيارة فئة ال6 سلندر قدراتها جميلة جدا :xyxthumbs:

هههههههههه

أعتقد الرجال الأن في حيرة كبييييييييرة

كل من علق من الإخوان رشح له سيارة جديدة

وكل يوم تنضاف سيارة جديدة بين خيارات الشراء

أعتقد أنك لن تحصل جيب بمواصفات الجراند شيروكي وبسعر 170 ألف

أستخر بالله أخي وتوكل

الاخوان والخبراء ماقصروا واستفدت من قراءة ردودهم ,,,

انا انصحك بسيارة جربناها عشرة سنين وكانت في خدمة دائما


لاند كروزر برادو


ميزتها ان حجمها وسط بين الجيوب الكبيرة والضخمة وبين الجيوب الصغيرة


سعر الفئة المناسبة لك 167 الف ريال


بها اغلب المواصفات المهمة


المواصفات والاسعار للفئات تلقاها بموقع الوكيل هنا


http://toyota.com.sa/modelsprices.asp?model_id=10


واتمنى لك التوفيق بالاختيار ,,,,

حقيقة زادت حيرتي,
كثير من الاخوان رشح الباترول و انا لي تقريبا يومين او ثلاثة مكسر النت و اسال الازملاء عنها السيارة فعلا جبارة و مميزة على الرغم اني ماني مرتاح للحجم الا اني بدأت اقتنع فيها السيارة عجيبة اعتمادية جيدة و قوة محرك ممتازة حقيقة ما اجد فيها عيب الا الحجم تم اضافتها الى القائمة بنجاح اتمنى ان السعر راح ينزل مع صدور موديل 2014 اللي فيه فيس لفت و كان تغيير في الليتات و الرنقات او الجنوط و هذي الاشياء ما تهمني لاني صراحة ما يهمني الشكل الخارجي يهمني الراحة داخل الموتر لاني باسوق من جوة وما يهمني راي الناس في السيارة من برا

عموما الحين صار عندي خيارين متساوية حقيقة الباترول و القراند شيروكي حقيقة ما قدرت اقارن راح اشوفهن على الطبيعة ان شا الله و اختار منهم واحد

كل واحد له مميزاته اللي تخليه جدير بالشراء راح اخلي الحكم الى قبل الشراء و اكيد راح تكون الاستخارة لها دور كبير ان شا الله

لا زلت انتظر مشاركاتكم حتى اوسع قائمة الخيارات بحيث اني ما اتسرع في الحكم واخذ سيارة و بعدين اندم ان فيه موتر ما عملت حسابه و يكون اجود مما كنت اظن

رتبت وضعي باذن الله راح تكون الاجازة مع بداية الشهر القادم باذن الله و راح تكون وقت شراء الموتر باذن الله

شاكر للجميع بلا استثناء تفاعلهم ومشاركاتهم اللي اراحتني نفسيا و لا زلت اطمع في المزيد لاني حقيقة اكتشفت اني كنت مستبعد سيارة جبارة بسبب قلة المعلومات اللي عندي

حيث كنت اسمع ان سعرها واصل 300 الف و مقرب على ال 400 و استبعدتها مباشرة ما توقعت ان فيه فئة و مكينة اخرى للسيارة راح تكون بسعر معقول ومواصفات جيدة .

يعطيك العافية اخوي فاهم عليك حقيقة تعلقي بالسيارة بعد القراءة عنها بشكل كبير و تجربتها لاني احسها مناسبة لكن ما عندي مشكلة في التنازل عنها و اخذ غيرها متى ما اقتنعت في موتر اخر خصوصا اني من الناس اللي ما اهتم بالعلامة التجارية او الشركة الفلانية يهمني مواصفات جيدة و جودة ممتازة و خدمة ما بعد البيع فما عندي مشكله اخذ اي سيارة من اي بلد متى ما توفرت هالامور و راح اكون مرتاح نفسيا ان شا الله

بالنسبة للكزس rx ممتازة جدا يعيبها السعر ما اقدر اوصل له ايضا ابي اشتري سيارة من الوكالة كسول ما احب المطامر في المعارض وفحص و محالف ومجاكر :a120(115): احب اسال بكم ذي بكذا سلم و استلم " دجاجة صقعا" ع قولة صاحبنا :rolleyes1:

يعطيك العافية اخوي midocash فعلا مقارنة صعبة جدا الطوارق يتميز بالراحة و جودة الصناعة خصوصا انا بنسبة 90% قيادتي في الطرق المعبدة و كنت مقدمة على القراند شيروكي اللي يتفوق على الطوارق في القيادة على الطرق غير المعبدة و قوة المكينة
حقيقة افضل الطوارق لكن يعيبه اني اكثر وقتي في العمل في منطقة جنوبية يعني لو حصل فيه اي مشكله ميكانيكية يبي لي احمله بسطحه و على جدة و لو فيه عطل او شي ما راح اقدر اروح وارجع و اتابع السيارة خصوصا ان المنطقة هنا ما فيها ورش على مستوى متوسط فضلا عن ان تكون على مستوى ممتاز و هذا الشي اللي خلاني استبعده من المقارنة و الا من ناحية مقارنة شخصية افضل الطوارق على القراند بسبب الراحة و العزل :xyxthumbs:

اهلا اخي Bader-M السيارة فعلا كمواصفات ممتازة و قطع الغيار لاحظت انها معقولة تقريبا قريبة جدا من اسعار الاكسبلورر اللي اشوفه المنافس الفعلي له كون الحجم متقارب و كلها امريكية لكن العيب الازلي وكيل المتحدة اللي يعتبر اسوء من وكيل فورد
لكن اشوف المواصفات في الشيروكي ممتازة و سعره فيه الى حد ما و يتميز بالشكل الخارجي و ان كان الاكسبلورر اوسع لكني اميل للقراند شيروكي