ماهي أضرار إهمال كراسي المكينه ؟ وهل توجد كراسي رياضيه للمكينه ؟

[IbRaHiM_2013]

السلام عليكم ورحمة الله وبركاته

ماهي أضرار ( إهمال ) كراسي المكينه ؟

هل الضرر الوحيد فقط الرجه ؟ أو فيه أضرار أخرى على المدى القريب و البعيد ؟

وهل توجد كراسي رياضيه للمكينه ؟
تكون تتحمل اللي أغلب سواقته مقاومات و اللي قيادته عنيفه .. لمسافات طويله جدا ؟

وشكراً لكم

[RoadKillz28]

الرجة تتسبب ايضا في تلف كرسي الجيربوكس تصور (ولو بشكل مبالغ) بما ان المحرك معلق وغير ثابت.
الرجة اوالاهتزاز تتسبب وتساعد في تفكيك البراغي والمسامير الصغيرة حتى ان الداشبورد (الطبلون) يتفكك شيئا فشياءا على المستوى البعيد على العموم الاهتزازات لها تاثير كبير تاكل المعدن بعضه البعض على المستوى البعيد وبدون عازل ينتج عنها عواقب غير حميدة.
توجد انواع رياضية ولكن ليس مريحة مقارنة بالاصلية, الرياضية مصنوعة من بولياثلين وهي قوية وليست مرنه مثل الربر كما انها تنقل بعض الاهتزازات لمقصورة السيارة اذا كان دوران المحرك على ادنى مستوى ..

[formula one]

وعليكم السلام ورحمة الله وبركاته

تلف كراسي المحرك سوف تعجل في خراب كراسي القير وهذا يؤثر على عمل القير , وزيادة الاهتزاز سوف يؤدي الى خراب شيال عمود الكاردان واحيانا الكاردان نفسه .
كما يمكن ان تتضرر القطع المتصلة بالمحرك نتيجة قربها الشديد من الشاصي , مثل بكرات طرمبة الماء والدينمو وكل شيء متحرك قريب من الشاصي .
واذا انكفأ المحرك الى جهة الامام فقد يؤدي الى اصطدام ريش المراوح بالرديتر .
تحياتي

[IbRaHiM_2013]

معلومات رائعه ومفيده جدا

جزاكم الله خير ومشكورين والله يعطيكم العافيه


بعد البحث بالأنجليزي في الأنترنت لاحظت أن كراسي المكينه نوعين أو 3 أنواع :

1) ربل .. نفس كراسي الشد بلد والوكاله

2) بولي يوريثين Polyurethane فيه شركات متخصصه تصنعها مثل PROTHANE و Energy Suspension .. وتعتبر كراسي رياضيه

3) واتوقع يمكن فيه كراسي حديد .. بدون ربل و بدون بولي يوريثين Polyurethane


أريح شيء هو الربل لكن عمره قصير مقارنة بالنوع الثاني

الـ ( بولي يوريثين Polyurethane) أقوى و عمره أطول لكن الاهتزاز أعلى شوي من الربل لأنها أقسى وأقوى

الحديد قوي لكن اتوقع يسبب رجه عنيفه لأنه لا يمتص الإهتزازت بشكل كافي

فيديوهات عن الـ ( بولي يوريثين Polyurethane)



https://www.youtube.com/results?sear...c..11.youtube.

https://www.youtube.com/results?sear...be.SL72MVaSr2g



لكن اتوقع متوفر لبعض السيارات القديمه جدا

وأتوقع أغلب السيارات الجديده مالها كراسي بولي يوريثين Polyurethane للمكينه والقير

يعني للأسف ما أتوقع راح ألقى الكراسي هذي لسيارتي

[محمد الحربيِ]

2) بولي يوريثين Polyurethane فيه شركات متخصصه تصنعها .. وتعتبر كراسي رياضيه

النوع هاذا قاسي جداً جداً جداً جداً جداً
بما انه رياضي حيسبب لك رجه قويه الا اذا كانت السيارة مخصصه للسباقات

طبعأً معروف عنه انك تركب وتنسى لكن لن تسلم من قوة الرجه وهذا عيبه
اشركة لها موقع يبيع هذه القطع .. بالتوفيق ان شاء الله

[IbRaHiM_2013]

النوع هاذا قاسي جداً جداً جداً جداً جداً
بما انه رياضي حيسبب لك رجه قويه الا اذا كانت السيارة مخصصه للسباقات

طبعأً معروف عنه انك تركب وتنسى لكن لن تسلم من قوة الرجه وهذا عيبه
اشركة لها موقع يبيع هذه القطع .. بالتوفيق ان شاء الله

هذي المشكله انه قاسي و يسبب رجه ؛ لكن عمره طويل ومناسب للسباقات والمقاومات .. ويقولون أنه يحسن اداء السياره

على العموم أتوقع ما راح ألقى لسيارتي كراسي من النوع هذا

مشكور والله يعطيك العافيه

[جاكي2]

خذ لك طقم اصلي ب١١٠٠ ريال وركبه وريح راسك

والشباب ماقصرو.ا. اعطوك ردود كافيه ووافية

[speeed1]

الماركة هذي تقدر تطلبها من امريكا متوفرة بكثرة هناك واذا ما تعرف ممكن اساعدك فيها

بخصوص استفسارك ممكن تاثر على عضلاتا لسيارة بعد فترة طويلة لان الضغط غير موزع بشكل طبيعي