موية الرديتر !

الماء المقطر لحاله ما يكفي ؛ لأن ماء الراديتر يمنع الصدأ والتآكل ويخفض درجة تجمد الماء و يرفع درجة غليان الماء

لكن أهم شيئ إستخدام ماء الراديتر المناسب + تستخدم نوع واحد

لأن المواد المستخدمه في ماء راديتر السيارات الإمريكيه تختلف عن اليابانيه والخ...

واذا بغيت تغير نوع ماء الراديتر لازم تغسله وتنظفه من بقايا النوع السابق

أو تفرغ ماء الراديتر وتعبي ماء مقطر ثم تستخدمه ل[SIZE=3]مده لا تتعدى يوم

وتخلي السياره تبرد ثم تفرغ الماء المقطر ؛ وتعبي ماء راديتر مناسب

[/SIZE]

ما عليك من كلام الناس

ركز على كتالوج السياره بتلقى النوع المناسب وكم لتر تاخذ السياره

لأن السيارات تختلف بعضها ألمنيوم وبعضها حديد والخ... ولازم تستخدم ماء راديتر يكون مناسب لسيارتك

اذا كان مركز و ثقيل و غير مخفف ؛ ضروري جدا جدا تخففه بالماء المقطر

أما إذا كان مخفف ومخلوط بالماء المقطر ؛ تحتاج اكثر من جالون وتعبيها ولا يحتاج تضيف ماء مقطر إلا عند الحاجه

وافضل شيء تكون النسبه 50% ماء مقطر و 50% ماء رديتر مركز وثقيل وغير مخفف ( بحيث انك تجمع بين فوائد الماء المقطر وماء الراديتر )

ماء راديتر تويوتا واغلب انواع ماء الراديتر اللي بالسوق تجي جاهزه للتعبئه ومخففه ومخلوطه بالماء المقطر
بنسبة
50% ماء مقطر
50% ماء راديتر

عادي تكون نسبة الماء المقطر أكثر من 50% بشرط ما تتعدى 70%

لكن ماء الراديتر المركز الثقيل الغير مخفف ؛ اذا زادت نسبته عن 50% ممكن يرفع الحراره ؛ لكن ما يكون أقل من 30%

ماء الراديتر المركز والثقيل والغير مخفف بالماء المقطر ؛ يرفع الحرارة لأن الماء ينقل الحراره بشكل افضل
والماء المقطر لحاله يسبب صدأ وتآكل

فائدة ماء الراديتر انه يمنع الصدا والتآكل ويرفع درجة غليان الماء ويخفض درجة تجمد الماء

أما الماء المقطر ينقل الحراره بشكل ممتاز

انا استخدم تويوتا اللي بالصورة بدون اضافة موية