السلام عليكم ورحمة الله وبركاته
هذي اول مرة اسوي تقرير عن سيارتي BMW 730LI 2012 لانها الحمدلله توها ماشية 10 الاف كيلو وسويت لها اول صيانه الاسبوع الماضي
بالنسبة للسيارة ماشاء الله لها حوالي السنة معي
مواصفات سيارتي
-مكينة V6 3.0 277Hp
-جنوط 19 الرمادية
-شاشة كبيرة بالامام مع نظام الخرائط GPS
-5 كاميرات
-3 الوان داخلية
-دركسون رياضي
-جلد فاخر
-نظام سمعي فاخر من 12 سماعه
-بلوتوث و وصلة AUX و وصلة USB
-6 CD CHANGER
ومواصفات اكثر بس جبت الي يتميز فيها الفل اوبشنز عن الستاندرد وبعض المواصفات المشتركه بالفل والستاندرد
بالنسبة لايجابيات السيارة
-راسية وقيادتها ناعمة وتوصل 240 وتحس انك هادي ماشاء الله
-وبالنسبة لراحة المقاعد جداً مريحة وواسعه ولكن كان معي موديل 2005 اعتقد بانه اريح ماادري ليش لكن اريح يمكن لانها جلست معي وتمددت الكراسي او يمكن مع التعود
-4 وضعيات للقيادة رياضي+ و رياضي و عادي و مريح
-نظام التحكم بالسيارة جداً ممتاز ويمسك السيارة في اللفات الخطرة
-كمبيوتر السيارة ذكي ماشاء الله ويجيب لك معلومات السيارة كاملة وبالصورة ومكان الخلل
-فخامة بشكل جديد وعصري عكس المرسيدس S-CLASS فخامة كلاسيكية
-مكينة اقوى من مرسيدس 300 و 350 واقوى من الاودي 3.0 بس بالقومة الاودي يتعدا لانه دفع رباعي
-صرفية بنزين اكثر من رائعه لدرجة اني اعبي مرة بالاسبوع او بالكثير مرتين
بالنسبة للسلبيات
-انا طلبت سيارتي من دون شاشات خلفية والمشكلة طلع مافي اي تحكم من الخلف للمكيف
-القومة ثقيلة شوي بحكم ان السيارة ثقيلة وكبيرة
رأيي خلال انها جلست معي سنه و مشت 10 الاف كيلو
السيارة جداً رائعه وملفته وامنه من بعد الله فصارت معي اشياء الحمدلله لو بسيارة ثانية حادث لا سمح الله والسيارة عملية ولا تخاف عليها من الطرق لكن من حرصي عليها افضل اني اشتري سيارة ثانية مع ان هذي تقدر تكمل عن السيارتين
وبالنسبة للصيانه كانت جداً رائعه وممتازة دخلتها عندهم 10 الصباح طلعتها 12 الظهر فقط ساعتين
وبحكم ان سيارتي خليجية زيتها المفترض انه كل 20 الف كيلو يتغير والسعودي كل 10 الاف كيلو
فقالي العامل بالصيانه ان الصيانه المجانية ماشية لكن علشان نحط لك زيت السعودي لازم كل مرة تجينا السيارة تدفع 600 ريال حق الزيوت المهم سلكت له ومستحيل ادفع 600 ريال علشان زيت وهو من حقي اخذه مجانا لان عليها صيانه مجانية 3 سنوات
وبعد الصيانه ب3 ايام اتصلو علي خدمة العملاء بالناغي فسألني عن الخدمة قلت لهم كل شي ممتاز لكن حكيت له قصة ال600 ريال للزيت وقال هذا شيء مستحيل نرضى فيه و و و و والمرة الجاية كلم المدير وماراح تدفع ريال او اذا مانفع كلمنا ومايصير الا كل خير
والتعامل كان جداً ممتاز والصيانه مريحة عكس قبل كان مركز صيانه وحيد بالرياض وكان مزدحم
وصلى الله وبارك
وانتهى التقرير :)
