هذا موضوع نقلته لك بيفيدك ان شاء الله
السلام عليكم ورحمة الله وبركاته
تحية وتقدير لكم ،،،أعضاء المنتدى الكرام
أخوكم جديد على المنتدى والحقيقة إني سجلت فقط لأكتب موضوع استفسر عنه
والله يعطيه العافية أخونا الغالي الكايد ماقصر بالرد
الله يجزاه بالخير
وهذا رابط الموضوع السابق
http://www.toyota4arab.com/forum/t258534.html
مشكلة ذكرتها بموضوعي السابق وماعرفت لها حل
والمشكلة هي عند تشغيل المكيف يبدأ يشتغل المكيف لثواني ثم يفصل كليا
" وتبقى لمبة المكيف A/c تأشر بانتظام كأنها لمبة حزام " والمكيف فاصل مروحة بدون كومبرسر
الان الحمد لله عرفت سر الخلل وصلحته وعشان كذا كتبت هذا الموضوع لعل يستفيد منه غيري
الخلل هذا مرتين يجي للسيارة وكلها حدها بالكثير يوم ويتصلح من نفسه
لكن من يومين خرب المكيف لثالث مرة وعَنّد الا ويبقى خربان ويجلس يأشر الزر ،،،،، الحمدلله برد بس شلت هم الصيف قلت ان ماسويته بالبراد بيجي الصيف واموت بالشموس
1/ رحت لمحل تصليح المكيفات ووريته المشكلة
على طول قالي إمكن كمبرسر إمكن حساسات وقف سيارة يومين افك الطبلون وبعدين إن شاء الله جاهز
رحت للثاني وقال نفس كلام الاول وبالاخير قال سوي كشف كمبيوتر بعدين صلح
ما اقتنعت بكلامهم ورجعت للبيت
قلت خل اشوف النت وابحث
واكتشفت ان المشكلة موجودة اكثر شي بالتويوتا بس مالقيت حل واضح
واحد قال تنظيف فلتر مكيف وواحد يقول كمبرسر وهذا حساسات وهذا الزر عطلان
فغيرت لغة البحث وبحثت بالإنجلش ومع البحث لقيت نفس المشكلة ونفس الحلول
طفيت النت وقلت هو خربان خربان اقل شي خل استفيد من بحثي على النت واتعلم لتنظيف الفلتر عمليا
خاصة اني ماعمري فكيت مسمار بالسيارة
وهذي الصور
http://i.imgur.com/juzAN9A.jpg
http://i.imgur.com/jUERVzr.jpg
انتهينا من تنظيف الفلتر ماشاء الله تبارك الله وياسلام على المكيف اختلف دفع الهواء
كنت دائما احطه على السرعة الرابعة الاخيرة الان السرعة الثانية مثل الرابعة
خسارة بس الهواء ماهو شمالي بدون الفريون والكمبرسر ماله فايدة
فقررت ارجع للنت وبديت ابحث عن المكيف نفسه تشبيكاته وكل شي يتعلق فيه
اقلها اروح لكهربائي ويصلحه على طول مو يجلس يجرب ويوم ويومين
وبالبحث شكيت بشيء انه يكون السبب وقلت اجرب
وبالفعل الحمد لله من اول ماجربت والمكيف اشتغل من الفرحة مشغل المكيف ليل نهار حتى بالبرد
الحل في كتاوت (relay) المكيف موجود بعلبة الفيوزات
غالبا يكون خربان او ضعيف غيره بواحد جديد وإن شاء الله يشتغل
الكتاوت رمزه MG CLT بالكامري فمادري عن رمزه بالسيارات الثانية
وهذي الصور
http://i.imgur.com/LTJZbuT.jpg
كتبت الموضوع بعد ماشفت ان الخلل هذا كثير كتب عنه وخاصة اصحاب التويوتا
وان شاء الله يستفيد احد من الموضوع ويدعي لي
والمعذرة طولت الموضوع عليكم
واغلى تحية للجميع
