رايكم بالفلكس فاجن جيتا 2013

وعليكم السلام

الجيتا سيارة ممتازة ومواصفاتها رائعة وعزلها ممتاز على فئتها ومقاعدها مريحة وهي الاكبر بين مثيلاتها .

لكن يعيبها شيء واحد وهو انها فقط في الحفر الكبيرة تكون قاسية لكن على الشارع والحفر الصغيرة والمتوسطة جيدة جداً.

وقطعها ليست الغالية جدا لكنها متوسطة مثلا فلتر البنزين ب120 ريال فلترالزيت اعتقد ب20 ريال.

بالتوفيق

الكروز من السيارات الي حاطنها في القائمه لكن الفل اوبشن مابيي الاشهر 5

حاليا الجيتا والكيا سيراتو والشيفروليه كروز هم الي حاطنهم في القائمه

الجودة حسب قرائتي لتقييمات فولس فاجن عموما ليست بذاك الشي الواو ا اللي حقت كرف

بالنسبة لي بهذه الفئة باخذ كرزو فل اوبشن

مبروك مقدما

مشكورين شباب على ردودكم

السياره امتدحولي فيها كثيرا لكن يقولون انه قطع غيارها مكلف شوي

لكن السياره بيكون استخدامها خفيف خاصه انها استخدام سيده وطلعاتها قليله وفي المدينه

والله انا ركبت الثنتين ولا حسيت بفرق في الجودة , الي حسيت انه يفرق شي واحد فقط وهو الفخامة فقط لا غير .

صدقني يا عزيزي مالي مصلحة اذمها
وانا احب الباسات خصوصا الجيل السابق كان رائع

استأت جدا من الجيل الجديد وحتى في امريكا طالع كلام كثير عنها
كونها صارت تصنع في امريكا بدال المانيا

نفس التصميم ممكن لكن جودة المواد والبلاستيك تختلف
وانا ما اتكلم من فراغ ركبت الثنتين وقارنت بينهم (الباسات الجديدة والسي سي)

طيب خلنا نقارن الجيتا الحالية بالجولف الالمانية .... الداخلية متشابهة جدا والقطع نفسها , الديكورات الداخلية نفسها ( فرق بسيط ) ولا في فرق ابداً في جودة المواد .

بالنسبة الى الباسات الجديد لا يُعلى عليه ابداً . من ناحية الداخلية كانت جودتها ممتازة. لكن حسيت ان بابها اخف من باب الجيتا والسي سي يمكن لان بابها كبير نوعاً ما .

بالنسبة الى اصوات الديكور , هذي كل واحد وحظه حتى لو كانت السيارة مرسيديس بتظل اصوات الديكور ما اليها حل ابداً . يعني يمكن تشتري سيارة وا يطلع فيها اصوات الدنيا و لكن شخص اخر ما تطلع عنده .


اخوي التجربة خير برهان , يعني مو من حق اي احد يحكم على سيارة بالجودة الضعيفة لانها تُصنع في غير بلدها من دون ما يجرب ويشوف بعيونه هل الجودة ضعيفة ام لا .


انا عندي جيتا 2012 واول ما اخذتها كان فيه اصوات عند الطبلون حق العدادات ورحت الوكالة و صلحوه وطلعت المشكلة انه يبغله تربيط فقط . وهذا ما خلاني ازعل واقول ان السيارة جودتها سيئة بالعكس هذا الشي يحصل في اي سيارة في العالم . على سبيل المثال انا شايف بعيوني جاغور الجديد اخر موديل كان في بخار في اللمبات الامامية من الداخل وكأن الشمعات حقتها تجارية وهذا الشي ما خلاني احكم على الجاغور بالجودة السيئة من اجل نقطتين ماء داخل احد شمعاتها .


للأسف المجتمع العربي دايم يحكم على الاشياء من دون ما يجرب. الايفون اول ما نزل الكل قال انه صيني وجودته ضعيفة لكن بعد ما جربوه الناس اكتشفوا ان جودته عالية بالرغم انه مصنع في الصين ومع ذلك في ناس اشترته وكان فيه عيوب مصنعية وهذا شي طبيعي . مو لاجل عيب واحد في ايفون نحكم على كل الايفونات بالفشل . السالفة سالفة ارزاق و توافيق .

^
فاهم الفكرة لكن صدقني فيه فرق
اركب الباسات الامريكية واركب السي سي الالمانية
ولاحظ الفرق

اخوي الجودة هي هي سواء في المكسيك او المانيا . الي يخلي اغلب الشركات تصنع سياراتها خارج اوروبا هو اجر العاملين . بكذا ينزل سعر السيارة اذا صنعت سيارتها في المكسيك.

^
هذي الجيتا الالمانية الجيل السابق


الحالية تصنع في المكسيك حسب علمي
وجودتها اقل من الألمانية بدون شك

للأسف فولكس فاجن خربت الباسات والجيتا
لذلك انصح بالجولف اشوفها انسب

الجيتا من فئة الكورولا والالنترا

شاهد هذا الفيديو يوضح مقارنة بين الجيتا والكورولا

http://www.youtube.com/watch?v=IWzAEPZ760k

من واقع تجربة 3 ايام اجرت السيارة 4سلندر 2.0 .

ما حبيت عزم السيارة مقارنة بحجمها , القير سلس جدا .

حجم السيارة جيد جدا والكونسول مرتب والوصول الى الازرار كذلك وطرق التحكم الاخرى . الا ان مواد الكونسول رخيصه من ناحية الازرار طاير لونها شوي و الطبلون بلاستيك غير مبطن .

المرايا الخارجية صعب الرؤية من خلالها لانها محدبه جدا , العزل جيد الا ان عزل النوافذ ما اعجبني لان الربلات نظامها مختلف عن السيارات اليابانية يكون الربل محيط فالباب وليس في الزجاج نفسه . نفس النظام في سيارات المانية اخرى لكن عزلها ممتاز لكن يمكن ان تكون السياره الي جربتها فيها مشكله كونها سيارة ايجار .

ايضا جربت بولو سيارة صناعة هندية فيها ارخص المواد وكرسيها متعب وعزلها زباله ومافيها لاعزم ولا ثبات اللهم كانت وسيعه انصح الجميع بالابتعاد عنها .


بالنسبة للجيتا سعرها ليس بالرخيص وفي منافسين نفس سعرها اكبر حجما من ناحية الحجم وسعة المحرك واريح ومواصفاتهم اكثر ومشهود لهم بالعملانية من امريكا وكوريا واليابان .

التيما , كامري , مازدا , ماليبو , سوناتا .

آسف على الاطالة

السياره روووووعه روووعه من كل النواحي وخاصة الامان
انا امتلك السياره موديل 2012 والسياره لاعيب فيها غير المحرك شوي ضعيف
بس ما دام استخدام سيدة لاتهمها هذه الاشياء بس من ناحية الامان والقوة لايعلى عليها
انا السياره عندي من سنتين تقريباً ولاشكت من شي بالعكس لحد الان ماشي فيها 35000 وهيه موديل 2012
والحمد لله السياره حلوة ومرتبه
توكل على الله واخذها يكفي صناعة المانية
واي شي تحتاج فيها انا موجود