سيارتي مشت 270 الف كيلومتر وما غيرت زيت الدفرنس وش راي اهل الخبره

[ltz93]

السلام عليكم جميعا
اخواني عندي سياره كابرس موديل 93 ولا بعد غيرت زيت الدفرنس ما ادري هل فيه مشكله لاني سألت بعض الورش وقالو لي اذا نقص زوده ولا له داعي تغيره وفيه ناس نصحوني احط نوع من الزيت قالوا انه كويس ويجي على شكل علب سعر الوحده 30 ريال ويبي لك يمكن خمس علب للدفرنس بس بكلامهم يطلع الدفرنس مع الزيت هذا زي الحلاوه، وانا صراحه محتار وابي رايكم.

[TORNADO]

والله ماندري بس وش وراك غيره



وتحاياي

[ltz93]

شكرا لردك اخوي عاشق عبود بس المشكله اني اعرف ناس ما غيروا زيت القير مهوب الدفرنس من مده طبعا القير التماتيك وبعد ما جو يغيرونه مع الفلتر حقه خبط القير وقالوا لازم توظيب، وبعدين انا اعرف ناس عندهم سيارات من الثمانينات وما غيرو الزيت حق الدفرنس ، بس انا ودي اعرف وش الصح انه يغير والا يزود بس.

[TORNADO]

اخوي اذا حدث اي شئ من الدفرنس او ان احد الميكانيكيه قالك

فيه مشلة ما غيره وسو الذي ينبغي انك تسويه اما اذا مافيه شي

لا تقرب له ممكن تحدث مشاكل اخرى وهاذي مو غريبه ان يضهر

اي اعراض جانبيه يعني لا تغير وتسوي اي شي غير او زوده اذا

سمعت للدفرنس صوت ما ...


تحاياي

[سليل المجد]

اعتقد ان زيت الدفرنس ما يتغير بس تزيد عليه اذا نفص وواحد من الشباب عندة كابرس موديل 87 وما غير الزيت من يوم شراة والسيارة ما شية تمام والحمد لله

[الفني]

أول شيء تروح تدورلك على شي طلي مدهن .. وتذبحه .. وتزعه ( جم بيتنا )...

ما شاء الله ...
زيت الدفرنس يفترض يغيير كل 30ألف كم .. نعم يفضل أن تغييره ..
وإن كنت أخشى إنك تصحيه من النوم ..
أقصد بعض القطع تكون تأقلمت على شيء معين ولما تعملها صيانة تبدأ تخبص .. لا اتصور أن ذلك سيحدث في سيارتك .. بس ممكن .

[متخصص السيارات]

اوافق الفني برايه وخاصة بالي راح تصحيه من النوم .. طالما الدفرنش ماشي تمام مافي صوت ونه او طق تروس لا داعي لتبديله فقط زيادة المستوى اذا نقص .. شكراا

[الفني]

طيب يا متخصص .. والطلي ..؟؟؟ مافي أمل يعني ..؟؟؟