السلام عليكم
أخوي الله يجعل هذا الموضوع في ميزان حسناتك
يا غالي أنا سيارتي كورولا 93 وفيه مشكلة في المكيف وهي /
إن كلتش المكيف (( يطير ، مدري يطيح ، مدري يضيع )) المهم إنه ليس موجود
والتفاصيل كالتالي /
كان مره المكيف خربان ،، ورحت لأحد الورش ،، وقال لي أنت قطعة الكلتش ما هو موجوده أصلا وينها ؟؟؟
قلت وش دراني
قال يا حبيبي ما يشتغل مكيف بدون كلتش
قلت طيب ركب لي كلتش وكم قيمته وكذا
قال عندي واحد وأركبه لك مع تعبئة الفريون بـ 90 ريال
وركبته وصار المكيف ولا أحلــــــى
وفي آخر الليل والمكيف يخرب
وأجي أدور قطعة الكلتش ما لقيتها
والله مشكله جننتني
وش الحل ؟؟؟؟؟؟
و عليكم السلام
والله يا طويل العمر اللي اعرفه ان الكلتش يكون مربوط مع الكمبروسر و صعب يفلت لحاله وصراحه ما عندي خلفيه وش السبب بس عندي كم سؤال عشان نبحث للحل سوا
لما يطير على قولك تكون السياره ما شيه ؟؟ تاخذ بالك منه لما يطير و لا فجاه و ماتحس؟؟
وش الاثار الللي تكون على الكمبروسر اثار ذوابن الكلتش مثلاا او بقايا متكسره ؟؟
هل الكمبروسر ثابت في مكانه تمام في حالت لما يشتغل طبيعي ولا فيه اهتزاز؟؟
ما مدى اتزان بكره الكمبروسر و البكرات الاخرى اللي يربطهم السير؟؟
كم الفتره اللي يجلسها الكلتش ثم يطير؟؟
صراحه اول مرة تمر علي هالحاله لكن تخميني انه في مشكله مكانيكيه ( حركيه) تؤثر على الكلتش و يفلت من مكانه
الله يعطيك العافيه والله انك رجال من ظهر رجال والنعم فيك
اكيد تتذكرني انا اللي كان موتري واقف اربع سنين هع
الحمد لله ضبطت المكيف وطلع تمام بس الكمبروسر ضغطه متوسط
لكن يمشي الحال وبرودته طيبه
عندي كم سؤال واعذرني على كثرتها وغشامتها تعرف المبتدىء وشطحاته :a1120(86):
1-قلت لصاحب الورشه نظف الفلتر قال الموتر مابه فلتر فيه حاجه مشبوكه قدام رديتر الفريون تكتفي بالغرض
ناظر تحت درج المعاون مالقى فلتر
السياره مازدا 323 92 اذا مرت عليك هالمزيونه :smilie16:
2- اعطيني افضل طريقه للتعامل مع المكيف اقصد طريقة تشغيله واطفائه
سمعت انه اذا وقفت لازم تحط المكيف على اعلى شي بعدين توقفه ؟
وذا شغلته تشغل المروحه بعدين الفريون.... لازم انتظر مده معينه بينهن ؟؟
3- الهواء الصادر من المكيف ضعيف نوعاٌ ما
سألته قال لازم نفك الثلاجه ونظفها
قلت له كم قال 100 ريال :smilie16:
بغض النظر عن التكلفه الباهظه تعتقد كلامه صحيح ؟؟
اسف على كثرة الأسئله مره ثانيه :a1120(86):
ما عليك زود يا غالي
1- الحاجه اللي مشبوكه قدام مع رديتر المكيف صح تفي بالغرض هي اصلا عباره عن مجمع ومجفف للفريون و تعمل عمل الفلتر
2- واللله ما في طريقه محدده مالم يتم ذكرها في كتيب السياره اهم شي ما تشغله على عدد لفات مكينه مرتفعه ( rpm )عدنا سيارات في الدوام المكيف من يوم ندق سلف شغال اصلا ما نطفيه ابد شغل و امش ولا تاثر و لا صار به اي شي
3- الهوا ضعيف يمكن المروحه ضعفه او يبغالها تزييت او الثلاجه متسخه دام انه ما في فلتر
وبالنسبه للفلتر روح صفحه 15 و دور هالاماكن اللي في المقاطع يمكن يكون فيها فلتر او اسال الوكاله اذا تحب
و خذ راحتك في الاسئله و ما عندك مشكله اهم شي نستفيد و نتعلم
العفو يا غالي
