ماهي عيوب الجي ام سي يوكون

تسلملي والله بس الجموس معروفه بالقوه والفخامه واشكرك مره اخرى

يا خوي أنصحك نصيحة أنا عندي التاهو Z71 رقم 1 وهو نفس اليوكن بكل شيء وممتاز وماشوف عليه أي كلام وهو أرخص من اليوكن بحوالي10000 درهم وما في اختلاف بالمرة غير المقدمة وهي بنظري أجمل لكن ولو ما كنت مستعجل استنى 2004 و شوف الوصلة هذي
www.chevrolet.com/tahoe

تسلملي على النصيحه

بس ماني شايف اعضاء يشاركون معي!!!

بالتوفيق اخوي الخارق ومبروك مقدما وان شاءالله يكون لك عون على الطاعه
وبالعكس لاتعب ولاشيء بس عندي لك نصيحه اخيره ... اذاكانت السيارة للاستخدام اليومي انا انصحك لاتشتري جلد لأن المخمل اريح بكثير من الجلد كذلك الجلد مايطول سنتين الا ويتشقق

يعطيك العافيه يالغالي
وخلاص انا قررت اشتري الSLT وابغا كل كبيره وصغيره عنه..وذا كنت تعبت مني فانا اعذرك واتمنى من اي عضو اخر يرد علي واكرر خالص شكري يا اخوي

هلابك اخوي الخارق بالنسبة لل SLE حسب ما سمعت انه ماينزل بالخليج وهو يجي بمكينه اصغر حجمها 4800 سي سي بقوة 285 حصان

وأي معلومات انا حاضر :)

بحفظ الله

اهلين...بنسبه لي كان عندي موديل ال 2000 والمكيف كل شهرين يتعطل مدري وش فيه وعليه صرف بانزين مهو صاحي وقطع غيار... على العموم تخلصت منه وعندنا يمدحون الجمووس.. بس ما قلت لنا عن SLEولا هو نفسه الدينالي

يجي SL و SLE و SLT واقوى وافخم نوع في الجمس هو الدينالي ويجي 6000 سي سي بقوة 325 حصان ويوجد فيه شاشات و DVD سعره طبعا غالي 14 الف دينار يعني بحدود 165 الف ريال لكن الفخامه فيه شيء مو طبيعي

كذلك ال SLT هو فخم ويعتبر الدرجة اللي تحت الدينالي وهو يجي جلد وفتحه وكراسي كهرباء ودفع رباعي باللمس ومثبت سرعه ودسك بريك رباعي وسي دي وسعره بالوكالة 12750 دينار بحدود 150 الف ريال وفيه ال SL يجي بالمواصفات العادية وبدون دبل وسعره 9450 دينار 11350 ريال

بالنسبة للفورد صراحة انا اول مره اسمع واحد مايمدح الاكسبدشن من ناحية الجوده سبحان الله توافيق
بس ماقلت لي ايش الخرابات اللي مرت عليك ؟ لأن اخوك بياخذ له واحد جديد وكلامك خوفني صراحه :D

على فكرة اكسبدشن 2003 تغير بالكامل وصار تعليق خلفي مستقل يعني كأنك تسوق سيارة صالون ومريح اكثر من الجمس الجديد لأني جربتهم الاثنين بالوكالة والفرق وااضح

وبالتوفيق ان شاءالله :)

هلالالالالالالالا يا مراقبنا انا عندي الفورد اكسبديشن 2000 وبعته بصراحه تعبان اكلني من قطع الغيار والبنزين وماشفت منه شيء من الي تقوله وشريته من الوكاله ب112.000ريال وانت عندك 98 وانا بشتري 2003 اكيد في فرق بين الموديلين فا ياليت تقولي كم نوع هو وكم سعر كل نوع وين الرياضي منه... ويعني العيسى افضل من الجميع؟

الخارق

اليوكن سيارة قوية وعملية وفخمه من الداخل ولكن فيه بعض العيوب --- انا عندي 1998 ومجرب موديل 2002 من عيوب اليوكن النطنطه وانه غير ثابت في السفر وايضا طرمبة البنزين دايما تخترب وتراها غاليه بشكل مو طبيعي 1000 ريال بره الوكالة

تبي النصحية ؟ اذا انت رجال بتستعمل انصحك انك تشتري فورد اكسبدشن 2003 او 2004 روعه بمعنى الكلمة ومواصفات ولا في الخيال وسعر ممتاز واذا انت تحافظ على السيارة تراها بتمشيك 10 سنين بدون ماتشتكي منه انا ان شاءالله بشتري واحد الاسبوع الجاي وعندي كذا واحد من الربع شاري فورد ومافيهم احد اشتكى منه لا الشكل القديم ولا الجديد وانا ملاحظ ان مبيعاته تعدت الجمس في السنه الماضيه وعلى فكره تراه افخم من اليوكن بكثير بعدين محرك اليوكن الجديد 4800 CC او 5300 cc اما الفورد 5400 cc
كذلك قطع غياره نفس قطع غيار الفورك فكتوريا يعني رخييص
روح جربه بالوكالة واطلع فيه Test Drive وانا متاكد انك بتشتريه على طول :)

بالتوفيق

قوي
و رياضي وعائلي
مع تحياتي

تشسلمون والله

لاكن انا ابغا اليوكون وعرفت منكم انه ممتاز جدا ولكن انا خلارص قررت اشتريه..
بس ما قتولي كم نوع هو وكم سعر كل نوع وين الرياضي منه... ويعني العيسى افضل من الجميع؟

وشكرا لكم واتمنى من الرد بالاخص من الاخوان
راعي الـss وسيد مرسيدس

والله اليوكون ما يميزه عن سيارات الدفع الرباعي هي اللقوه مثلا قوة ( السي سي )
5700 بينما اللاندكروزر 4500 على ما اظن .. يعني قووويه المكينه .. والراحه فيه 100% يعني مو زي الاندكروزر في الراحه احسن من اللاند كثير والله حسب التجربه ..



لكن صرفية البنزين بالنسبه للـ99 والله يمكن يمشي اكثر من500 كيلو .. اذا كانت الدعسه مهيب قويه .. لكن ترى تطلع فيه مشاكل كثيره .. يعني عندنا يوكون 99 والله طلعت علينا خرابات كلفت حوالي الـ10.000 ريال سعودي .. علما ان الاستخدام مو استخدام واحد مرجوج او مراهق بالعكس مع رجال كبير <<< يعني مو شايب ولا شباب .. وفاهم للسيارات الامريكيه .. وترى الوكيل حقه (الجميح&العيسى) كلهم عليهم زحمه ويدبلون الاسعااار لكن شغل العيسى افضل من الجميح .. ويمدحون الناس بالبيد . وانصحك اذا تبغى سيارة دفع رباعي خذ لك لاندكروزر ياباني وممتاز في قطع الغيار وفي القوه وعملي .. وفخم ..

آسف على الاطاله .. واتمنى اني افدتك في شي ..


بـــــــــاي ( اخوك : راعي الـSS)

السلام عليكم
بالنسبة لليكون سواقته مريحه رحب من الداخل وذلك من خلال تجربتي له ومريح عند التطعيس بس طبعا" لابد من تنسيم الكفرات ، ومثل ماقال الأخ مهووس السيارت يصرف بنزين , وخطير عند المطبات وخصوصا" عنما تظرب بريك عند المطبات.
ونسيت أهم شي وهو الوكيل حيث ان الوكاله دائما" مزحومه .