مشورتكم في جيب بورش او رنج روفر او cls

طلال الشريفـ @user_245232 · 14-12-2012

السلام عليكم

انا محتار اشتري سياره هذي المجموعه وكلها 2012

1- جيب بورش كيان تيربو

2- رنج روفر سبورت

3- مرسيدس cls

,,,,,,,,,,,,,

السرعه ماتهمني ... الي يهمني الداخليه تكون مريحه جدا والعزل يكون ممتاااز جدا جدا ما احب اسمع صوت المكينه ....... احب الرساوه بالخط سرعتي ما تتجاوز 120

بنتظار ردكم

طلال الشريفـ @user_245232 صاحب الموضوع · 17-12-2012

كل الشكر والتقدير لكم جميعا وراح اخذ ارائكم بعين الاعتبار

والي عنده اي تعليق يتفضل ويعطيني رايه ... وشكرا لكم مقدما

m_001 @user_240750 · 16-12-2012

هلا اخوي ...

بصراحة الاختيار محير !!!

لكن ....

لو كنت مكانك كنت راح اختار ...
البورش كايين ( وخصوصا ً اذا انت توربو ) .

وذلك للاسباب التالية :
البورش الكاين شكلها جديد ( مراح يتغير في هذه الفترة ) ، بعكس الرنج ( لان الفوج نزل ولكن السبورت فمن المتوقع ان تتغير في السنة القادمة ان شاء الله )
قوة المحرك
جمال المقصورة الداخلية ( مع عدم الاستهانة بمقصورة المرسيدس ال سي ال اس و الرنج روفر )
المواصفات
الاسم ( اعتقد ان اسم بورش اقوى من الاسماء الاخرى التي قمت بطرحها )

اما لو كان الرنج روفر ( الفوج و الشكل الجديد ) مكان الرنج روفر سبورت
لاخترت الرنج روفر فوج
وذلك للاسباب التالية :
لان الشك توه نازل ومراح يتغير قبل 10 سنوات
المواصفات
جمال الشكل الخارجي
الفخامة الداخلية
المواصفات
عقد الصيانة المجانية ( متوفر عندنا في الامارات ) مادري اذا كان متوفر عندكم ام لا

تحياتي

alpacino911 @user_288961 · 15-12-2012

الله يكتب لك اللي فيه الخير ان شاء الله
المرسيدس افضل بتقولي ليه
باقولك سياره رسميه رفاهيه عمليه
اذا الشكل بيتغير عموما سنه وحده مافرقت لأن بالاخير انت صاحب السياره وانت المستخدم
ارشح لك المرسيدس وحاول تقلص الاختيارات إلى ان تطلع بنتيجه
واسأل الله التوفيق لك

M..A..A @user_280347 · 15-12-2012

والله كلها سيارت حلوه
بس انا انصحك وبقوه زي ما قال اخوي ابراهيم بالكايين GTS اذا ما تقدر عليه كايين S
بس راح تنتظر لل GTS مده 13 شهر والا S مده 6 الى 7 شهور
واذا كانت المده ما تهمك خذ ال GTS
تحياتي لك ... ومبروك مقدما

نــــاصر @user_46236 · 15-12-2012

والله يالغالي كل السيارات الب اخترتها مميزة وحلوة وفخمة ...

بس بما انك حددت الأهمية لديك بالسيارة فـ الجيب بورش والمرسيدس cls
تعتبر سيارات رياضية ومهم صوت المكينة بالدعسة يعني بتسمعه وانت بالسيارة .. لقوة المكينة ...

لذلك اختار لك الرنج مميز وفخم جداً وليس رياضي وما راح تسمع أي صوت وانت بداخل السيارة

Ibrahim Aziz @user_288741 · 15-12-2012

نفس الحيره اللي حصلت لي بس بدال الرنج ،، اودي a7 وبالاخير وبعد تردد كبير اخترت الكايين
لانه هو الوحيد اللي يجمع قوه وفخامه وسبورت ورفيع عن الارض وكشركه اسمها قوي (بورش)

وعن تجربه السياره جباره جدا جدا ،، خصوصا الداخليه كونسول سبورت مرعب وقوي جدا !!
بس انصحك في كايين GTS وفوق واذا الميزانيه ماتسمح S ،، اهم شي ابعد عن ٦ سلندر

vis @user_288880 · 14-12-2012

شوف اخوي .. انا لو مكانك بستثني الرنج [ لأن شكله تغير في 2013 ] < توهـ نآزل اتوقع الاسبوع الماضي كان تدشينه في الوكاله ..
فحرام تدفع مبلغ وقدره على موديل 2012 و 13 توهـ نآزل وشكل جديد ..

هذا من نآحية الـرنج ..

امآ البورش فمع أحد الأصدقاء [ موديل 2012 ســته سلندر ] ومآ شآء الله يمدحه مررره ..
ودآخليت البورش فخمه جدا وانا من المعجبين فيها بصرااحه ..

أمآ المرسيدس cls فأنآ اشوف السياره هذي تحفه فنيه رآئعه من روآئع مرسيدس ! سياره ابدعت فيها مرسيدس بمعنآ الكلمة .. وهذا تقرير عنهآ ان شآء الله يفيدك ولو بالقليل :) http://www.assayyarat.com/forums/thread231191.html

من نآحية شخصية لو كنت مكآنك [ وبحكم تفضيلي للسياره الصغيره ] رآح اختار الـ cls وبدون تردد

والله يكتب لك الخير .. وألف مبروك مقدما يطعمك خيرها ويكفك شرهآ ..