فور تشنر vs باثفندر

تم اغلاق الموضوع

انا قصدي على الشكل القديم 2012
لحق عليه قوي ومريح وفخم قبل ماينقرض !!

الله يعطيك العافية شفته ع الطبيعة بس ما جاز لي كثير صار زي السنتافي وسعره مبالغ فيه
شكل مالي إلا أبو فشفش

^^موجود في العيسى وتقدر تشتريه وانت في الغربية عن طريق المبيعات الهاتفية
ويرسلون السيارة لك بسطحه والصيانة عند اوتو ستار

صار لي أكثر من شهرين اراجع الحمراني ويقول ما عندنا غير صنيات والتيمات بس.!

الله يعافيك
لا يجي اتو بس العادي يجي في الاكستيرا

يعطيك العافية وانا اغلب استخدامي للمدينة
بس بغيت اسأل هل الباثفندر يجي منه قير أوتو عادي ولا لا؟

السيارة اغلب استعمالها للمدينة واحيانا قليلة السفر او البر
واذا باخذ فورتشنر باخذ vx إن شاء الله

هذولي اللي استقريت عليهم وعلى قد فلوسي
والكوري رغم اللي يمدحونه إلا مني اتحسف إني أدفع فلوسي عليه وانا قادر على اللي احسن منه

يعني دبل خفيف بس مثل الراف فور ؟

الباث الجديد نفس محرك وقير المورانو. أما قفل الدفرنس المركزي، فهي لا علاقة بالمحرك والقير، وهي ليست ميزة كبيرة الصراحة، أغلب سيارات الكروس أوفر فيها قفل مركزي.

السلام عليكم

السيارة بالفعل بالجيل الجديد تحولت الي كروس اوفر تلبية لتوجه المستهلك في مثل هذه الفئة من السيارات والطلب عليها بشكل كبير
هذا مقطع لتجربة قيادة السيارة يوضح الكثير من الامور

http://www.youtube.com/watch?v=zqAVI3HFwMQ

اشكرك كثير على التوضيح ... وصفك عن القير يذكرني بالقشقاي

من جهة اخرى بانت فروقات مهمه عن المورانو وليس كما قال ابو الخل انها هي كما في المورانو ويمكنه ما فصل بس رده يعني انطباع انهم زي بعض 100%
لكن في المجمل ما ينفع للبر بشكل متعمق بسبب قير السي في تي ولا ادري عن الجيل الثالث هل هو اقوى من الي قبله ولا لا ... لكن ما دام انه سي في تي فيبدوا ان الباث تحول للكروس اوفر وترك السوفز !!!!! يعني 3 سيارات كروس اوفر باحجام مختلفة الباث والمورانو والقشقاي !! باقي الارمادا !!

والله يا بو الخل فاتتني هذي .... لكن وش دراك ان هذي مواصفات الباث الجديد !!!! معقوله يصنعون سيارتين بنفس المكينه والقير الي هو المورانو !!!! يعني مثل الباترول se الي مكينته وقيره نفس الارمادا ؟

والله لو كنت من صاحب الموضوع ابحبحها شوي واخذ برادو سته سلندر اقل فئه

على فكرة أخوي، الباث فايندر إللي صالح حاط صورته هذا كروس أوفر، تغير عن الموديلات القديمة، يعني مكينة عرضية وقير CVT، نفس المكينة والقير إللي في المورانو. إللي يبي يلحق على الباث الحقيقي، يلحق على الموديل الحالي قبل ما يتغير. أو ياخذ فورتشنر :ch19:



طيب الفورتشنر أيضاً فقط في الشكل. الفورتشنر ست سلندر (مو أربع)، ويايات من الخلف (مو سست)، وقير أوتو خمس سرعات (وليس أربع كما في أوتو الهايلكس، وللعلم يجي أوتو)، وكذلك فيه مواصفات الرفاهية من ملاحة ومكيف إلكتروني باللمس ومقاعد كهربائية وتحكم بالمسجل ومثبت سرعة بالدركسيون.

أما الباث فايندر، صحيح صناعة أمريكية لكن يبقى نفس شاصي النفارا مع اختلاف في الطول (كما في الفورتشنر والهايلكس)، واختلاف في المكينة (كما في الفورتشنر، مع توفر الأربع سلندر في الفورتشنر كخيار)، والباث إللي يجينا أصلاً ما فيه لا تراكشن كنترول ولا نظام ثبات في المنعطفات. والنفارا أيضاً فيه دبل إلكتروني.

أخي الكريم اذا كان لك تجربة للسيارتين فمكنك طرح رأيك بعرض السلبيات والايجابيات في كل سيارة او تحدث عن ماتعلم فقط هذه استشارة وليس موضوع نقاش
بالنسبة للباثفيندر فلا يوجد الا ابي اس في السعودي ولاحظ ان الاخ قال جديد يعني سعودي لكلتى السيارتين
وصدقني جودة الفورتشنر اعلى من جودة الباثفيندر من تجربة وليس كلام فارغ والقير في الفوتشنر 5 سؤعات وكثر اعتمادية من الباثفيندر وهذا لا يعني ان الباثفندر غير اعتمادي بل يعني اكثر تحمل
وما ذكرت من نقاط تكفي