شريت تاهو 2012 ولكن ....

احمد ربك وهم اعطوك سيارة بديلة وفي احتمال يغيرون لك سيارتك

انا مرة وديت سيارتي 460 لكزس لعبداللطيف قبيح وطلعو لي لستة اعطال وقالو لي اقل شي تبقى عشرة ايام لين نطلب بعض القطع وكذا , قلت لهم مااقدر استغني عن سيارتي 10 ايام ممكن تعطوني سيارة بديلة ؟
قلي لا تستأجرها بفلوس ههههههه

هلا اخوي
الله يفرج همك

1- لا تستغرب خلك على بنزين 91 لأن ال95 قريت عن مشاكل بسببه !
2- معروف ان تانكي بنزين الجمس من دون قفل واي احد يقدر يفتح غطاء التانكي ويضع فيه اي شيء.
3- شد على اصابع البطاريه.
4- اعادة برمجة الثروتل لأنه الكتروني.
5- رجة الهوبات هل تغسل السيارة بالمغسله والهوبات حاره يفضل غسل السياره بعد التشغيل على طول تروح للمغسله.


موفق اخوي

اخوي سبب التفتفة في الrpm في الغالب هي من حساس الدعسة ’’ ويكون بجوار الثروتل ,,


وهل فيه لمبة انجين مولعة بالطبلون .؟
لا ، لا يوجد اي لمبة مولعة في الطبلون نهائيا

ايش نوع البنزين الي تستخدمه .؟
95

وهل التفتفة مستمرة ولا متقطعة .؟
لا زالت مستمرة وفي ازدياد وعلى فكرة السيارة ماشية لحد الان 3500 كيلو فقط

اخوي سبب التفتفة في الrpm في الغالب هي من حساس الدعسة ’’ ويكون بجوار الثروتل ,,

وهل فيه لمبة انجين مولعة بالطبلون .؟

ايش نوع البنزين الي تستخدمه .؟

وهل التفتفة مستمرة ولا متقطعة .؟

روح لجنرال موتور اللي عندكم واشرح المشكلة وقول السيارة ما أبيها ولا تنازل عن كلامك لو يقولون السيارة صارت زينة وروح لمدير الجميح مو مدير البياعين روح لاكبر شنب عندهم وقول السيارة ما أبيها وصدقني خلال يومين يغيرونها لك

الله يكون في عونك ويسر امر تاكد اننا نريد ان نقف معك ولا نحرضك على فعل شي
سوى الخير المهم ان تاخذ حقك بدون تهور ولكن بدون ان تسكت عنهم
اما عن السيارة البديله لكيت تقضي بها مشاويرك لاصلاح السيارة شي مهم ولكن الاهم هي سيارتك الجديدة وامكانيه تغيير السيارة الى سيارة جديدة اخرى

أشكر جميع الاخوان الكرام الذين تفضلو مشكورين بالرد على استفساري
واود ان انوه ان السيارة من طراز LT من غير دبل طبعا


والحاصل الان كالاتي :

ادخلت السيارة بالامس الى صيانة وكالة الجميح في خريص طبعا للمرة الثالثة وعلى نفس المشكلتين السابق ذكرها

وطبعا بعد ما قلبت لهم على الوجه الثاني :mad1: اعطوني سيارة بديلة فورا يسمونها (سيارة مجامله)الله لا يجمل وجيهم
وطبعا كان المهندس يقولي لازم تظل سيارتك 48 ساعة عندنا وبعدين نصرفلك سيارة بديلة

قلت لهم والله ماني متحرك لين تعطوني سيارة ثانية المهم صار الي براسي
ومنتظر نتيجة الفحص والاصلاح على احر من الجمر....

لان اقسم بالله العلي العظيم ان لاشتكي عليهم للشركة الام وما راح اخلي طريقة اخذ فيها حقي منهم الا وبسويها وبرممطهم الله لا يبارك فيهم

والله ياني مقهوووووووووووور قهر ما يعلم فيه الا ربي
سيارة جديدة يا عيال الـ......(طوط)........ ويصير فيني كذا
اجل اذا مشيت 10000 كيلو وش بيصر؟؟؟

حسبي الله ونعم الوكيل
حسبي الله ونعم الوكيل
حسبي الله ونعم الوكيل

نعم رايي من راي اخي فني سيارات
سفط السيارة عند الوكالة وقول لهم غيروووو السيارت بلفم المليان ولا تقبل اي تصليح او مفاوضات هذا ابسط حقوقك
لو ما وافقوا لك انتقل للخطوة الثانية
ارسل ايميل على مركز جي ام بالشرق الاوسط في دبي
وهم الي بيوقفون معك

وتحياتي للجميع

ما نقدر نفيدك بشئ غير مراجعت الوكاله او استبدال السيارة بالكامل دام هذا مشيها وهذا الي طلع فيها وهي ماكملت 70 كيلو و ليس 700
سيارة يفترض تعيش بلا مشاكل 100 الف او خمس سنوات
الرجة الي تشعر فيها مع الفرمله لو كانت فقط في دوسة الفرامل وليست في الدركسون او في جسم السيارة فهذا عادي هو نظام الاي بي اس
ماعندك مشكله
ولكن مكوث السيارة اسبوع او اكثر صعبه على الواحد ماخذ سيارة جديدة وكاله علشان يصفها عندهم في الوكاله لاتسكت عن حقك وطالبهم بسيارة جديدة وخلهم يصلحونها على راحتهم بعد ان تاخذ سيارة جديدة بدلها واحتفظ بكل مالديك من فواتير لكي تحاججهم مستقبلا لو استمريت بسيارة لربما بعد انتهاء الضمان يقولون ان هذا الخراب جديد ولا نعلم عنه شي و عليك تصليحه بحسابك

الله يكون في عونك

الله يعينك اخوي

يمكن من التواير بعد انا غيرة التواير وراحت الرجه لحق عليهم قبل يروح الضمان انا رحت لهم بعد 20,000 الاف كليو قالوا راح الضمان حدك 5,000 الاف كليو

الحين طلعت لي سالفة اقفال البيبان اختربة احياناً تفتح واحياناً تعلق او ماتقفل بارموموت ولا من داخل لابد باليد تسكرها .
رحت لهم قلت لهم السالفه قالوا خلص الضمان عندي موديل 2009 قلت لهم انا عندي تمديد الضمان حتى 5 سنوات او 200,000 الف كيلو قالوا نخاطب شركة التأمين الي مسوي عندهم التمديد خذو صوره من كرت الضمان التمديد سوو تقرير على السياره دفعة 185 ريال بعد ها بيوم اتصل عليا المهندس قال مرفوضه قلت له ليش ؟ قال في بعض الصيانات الدوريه ماجبتها الوكاله قلت له انا على طول اجيبها الوكاله في الصيانه والديل تختيم على كرت الضمان الوكاله غير كرت التمديد سويت له صوره رسالته على الفاكس انتظر الرد منهم يخاطبون شركة التامين .

اسف ع الاطاله

خلك حريص في الصيانه الدوريه اذا هيا على الضمان السياره ولا يلغونه عليك


تحياتي صاحب التاهو

المشكله الثانية فحمات الله يطول عمرك او الهوبات تحتاج خرط
اما الاولى فهو حساس tps يوم نظفوا الثروتل اعتقد انه يحتاج تغيير فقط لا غير
والله يعطيك خيره ويكفيك شره