رايكم في كآبرس مستعمل ؟ 2007 - 2009

يالربع ردو جزاكم الله خير
معقوله فوق100 مشاهده

يارجال اشتري ولا تشاور اذا تبي خذ 2009 افضلك اهم شي تمشي مع العالم
والله مع واحد من اخوياي 2007 اول مانزل LTZ 6 سلندر الا وقتك هذا مايطلب منه الا مساعادات خلفية غيرها مرتين لانه حق طلعات يوميا واشياء استهلاكية مثل الاقمشة
وطقتها وممشاه بالخط لايقل عن 200 ويمدح فيه ليل نهار يقول الكابريس والله سيارة تخدم على كيف كيفك وقطعه بلاش واحد من اخوياي معاه 2007 وخرب عليه حساس
ABS واشترى القطعه من الجميح 250 ريال والاقمشة الطقم حقت SS بـ 330 ريال
وتخدم والله سيارة اشترى ولاتشارو بالذات 6 سلندر يسمونه حمار مكده اكرمك الله

الكابرس حلاوته ب ال٨ بسس وحش

والبنزين نحمد الله ارخص دوله بالعالم البنزين ارخص من الماء !

واظن يلبق له ال٩١ يعني الفل ٢٨ ريال

شباب وش الدعوه ؟

يعطيكم العافييه وبيض الله وجيهكم
ماتوقع اببد اخذ 8 سلندر عشان الباننزين
الموديلات الي ببالي 2007 - 2009 = عشان الميزانييه تسسمح

الي عنده خبره لايبخل علينا
جزاكم الله خير

الكابرس 6 سلندر 2007 اشتريته مستعمل ماشي 100 الف وبعته قبل 6 شهور وهو ماشي 146 الف ...
سافرت عليه من المدينه لجيزان ورجعت والثانيه من المدينه لابها والثالثه من المدينه لدبي ورجعت الرياض ثم لدبي مره ثانيه ثم الى عرعر عروس الشمال ثم المدينه وكم مره جده وكم مره ينبع ...

المهم
السياره بالخط اكثر من رائعه .. كل سفري ما انزل عن 200 ابدا الا بخط الجنوب قياده ممتعه والدرفته فيها بشوارع الرياض ممتع فيها ومحركه ابدا مو قاصر كيف لو كان ال8

لكن صيانة السياره مرتفعه .. تغيير الزيت 7 علب يعتبر مكلف للبعض
انا انصح انك تسوي تأمين سند بلس من التعاونيه اللي ب1000 ريال عشان اي دقشه لاسمح الله بتزعل :)
لكن ماشكيت من السياره ابدا وحبها في قلبي لايزال ... وموفق خير

السلام عليكم

انصحك ما تاخذ 6 سلندر الكابي ما ينفع الا 8 سلندر ولا تاخد اقل من موديل 2009 لان القير تغير وصار 6 نمر و مضاف له مبرد قير اللي حل مشاكل القيور في الكابريس واللومينا

اما قطع الغيار اعتبرها متوسطة ولا تخاف كل الشركات صاير متقاربة في اسعار قطع الغيار بس كلها معقولة في الشفر

ومبروك مقدما

يفيدونك الاعضاء