سيارة للعائلة : جي ام سي يوكن , تاهو , دودج دورانقو , فورد اكسبلورر , اكسبدشن

انصحك بالاكسبيديشن ، احنى اخدناه عشان انه رخيص وكراسيه الخلفية مريحة ، ولكن بعد قيادة السيارة اكتشفنا انها احسن من التاهو واليوكن والاكسبلورر ! ( قيادتها ممتعة ومريحة بالنسبة لحجمها ) .
اما الدورانجو انصحك تبعد عنها لان وكيلها سيئ جدا ...

الله يوفقك ويكتب لك اللي فيه الخير
على حسب علمي الاكسبديشن بيتغير العام القادم والله اعلم، ولكن مايعيبه انه بيتغير

اكسبدشن

وسيع من الداخل - قوة محرك - قوة تحمل يعني خراباته ما اذكر احد اشتكى منه خصوصا الجديد - اهم نقطه سعره الاكثر من رائع يعيبه شي واحد فقط وهذا الشي بالنسبه لي انا ممكن اختلف عن الجميع اللي هو الشكل الخارجي 6من10

عموما هو خيار رقم 1

والله عن نفسي بقوول لك اخذ دورانقو وانت مغمض لانه ببسااااطه جبااااااااااار رووووووعه

ياليت تعطينى الرابط اخوي

بالنسبة للشباب اللي يقولون دورانجو اللي من دودج
انا معكم بالنسبة للشكل والفخامه ماعليه ممتاز
لكن بالنسبة للامان بعد ماشفت كم مقطع من اليوتيوب صراحة طاح من عيني

طبعا كلها اختبارات في مضمار وايضا المختبرين كلهم مهندسين
يعني مرررررره سيئ

اذا تبي سيارة عائله عليك بالجمس او الشفر
وبعدهم الفورد اكسبيدشن بسسسسسسسس
الدرانجو بعد عنه

انا اشوف اليوكن والتاهو نفس الشي فرق المضهر الخارجي فقط

تصويتي لليوكن

الجمس والاكسبدشن
وانا افضل الاول

اذا تبي الصراحة من ناحية السعة الداخلية والراحة خذ الاكسبديشن ولا تشاور احد وزيادة سفط المرتبةالثانية والثالثة تطلع السيارة مثل الغرفة سطح مستوي..بعكس التاهو واليوكن فلازم تشيل المرتبة الثالثة خارج السيارة يعني فك واربط
انا مثلك بالظبط عددنا 6 الله يصلحنا :smile: وكان عندي اكسبلورر 2008 واستعملته 4 سنوات ..
اما من ناحية الصيانة فتوكيلات الجزيرة لا يعلى عليها . بعكس الجميح كلن يسبه طبعا الان الوكيل الجميح فقط
لايوجد العيسى ولا بالبيد ولا الفاضل ، فالجميح رفع كل الاسعار ..
الان اشتريت الاسبوع الماضي بعد مشاورات اكسبديشن 2012 نص فل 129230ريال والحمدلله مرتاحين الله يعطينا خيره ويكفينا شره..
والله يكتب للجميع التوفيق ... مجرد رأي

مشكور على الرد



الله يخليك يارب

فعلا الاكسبلورر اصغر بس الغريب انه فيه مساحة كبيرة للاغراض في الخلف بسبب التصميم الجديد للكراسي عشان تطوى تصير مساحة اكبر لكن شكله راح يستبعد من الخيارات لانه سعره نوعا ما مرتفع

يتبقى الدورانقو ضايقني انه مافيه مساحة للاغراض في الخلف على كبر حجم الدورانقو

واغلب الناس نصحتني باليوكن اكس ال وانه عملي ومدري ايش وسعر البيع حلو لو فكرت ابيعه بينما الاكبدشن يطيح سعره ؟؟ هل هذا صحيح ؟



الله يحفظك يارب
الدورانقو للاسف مساحة الاغراض الخلفية ضيقة جدا لكن السيارة شكل وهيبة ومواصفات ولا اروع لكن هذا اللي ضايقني



:bigggrin:



فعلا كلامك سليم الاغلبية يقولو خذ يوكن وانا اشوف الاكسبدشن اكبر وارفع واريح
وشاكر لك تفاعلك



يعطيك العافية ياغالي



يعطيك العافية اخوي انا شفت الدورانقو وركبته روعة وشكل فخم وفعلا هيبة ومواصفات روعة لكن اللي مضايقني انه المساحة اللي تحط فيها الاغراض مرة صغيرة ان شاء الله نشوف اليوكن والاكسبدشن والله يكتب اللي فيه خير

الله يعطيكم العافية على الردود والتفاعل

الغالبية يقولولي يوكن وبعدها اكسبدشن ثم الدورانقو

وبعد مالاحظت السيارات هذي اليوكن اكس ال والسوبربان والاكسبدشن الطويل افضل من ناحية المساحة الداخلية بينما الدورانقو ضيق بالمساحة الخلفية بالذات ( مكان الشناط والاغراض )

ان شاء الله نشوف ايش هو الافضل والله يكتب اللي فيه خير

سؤال : الاكسبدشن متى راح يتغير شكله ؟

بالنسبة للخوان الي قالوا دورانقو !!!!!!!! ترا الدورانقو صغير بالمساحة الداخلية مقارنة باليوكن اكس ال او التاهو الكبير الي اسمه سوبربان او الاكسبدشن انا انصحك بال 3 سيارات هذولي

انصحك بالدورانقو .... لانه هييييييييبة ولكني ماعندي خلفية عن الصيانة هناك ... ولكن دامكم ٦ الله يخليهم يارب انا انصحك بالدورانقو ..... ( لا تنسى الاستخارة ) بالتوفيق يا رب

انت بنفسك اركب بالصف الثاني والثالث بالتاهو واليوكن وبعدين اركب بالاكسبيدشن .. بدون نقاش الفورد اريح لعائلتك جدا ... وكيل افضل بمراحل .. وجوده اعلى
ونقطة الامان .. اقرأ عن نظام تعليق الجمس والتاهو مقارنة بالفورد .. الفورد اعلى امان من الجمس اكيد
ف ارشح اكسبيدشن الطويل ب 124 الف اخر سعر مر علي .. وموفق خير ان شاء الله
ومر شوف الدودج .. سعر جميل وجديد ومحرك جميل .. باقي نقطة الراحه الداخليه للركاب الخلفيين ..حطها ببالك دائما .. السياره لهم مو لك :)

أكس بدششششن و بسسسسس

مادام عدد العائله 6 الله يحفظهم انصحك بالدورانجو شكل رائع وسعر اروع وقطع اغيار سعرها معقول ولاتنسى الاستخاره والله يوفقك