كم سعر عقد المبايعة و نقل الملكية (في السعودية)

الله يوفقك يا أخي على التجاوب معي.

ان شاء الله ماعلي خوف لأني كلمت المشتري و قال لي انه استلم الإستمارة.

بالنسبة للمكتب يقول انه سلم المشتري أصل نقل الملكية. و مافيه صورة من المبايعة.

و قال لنا قبل المبايعة انه لازم الإستمارة تتجدد قبل البيع، و لذلك طلب الـ 150 لتجديد الإستمارة و الـ 100 للتأخير.

العوض على الله.

الله يسعدكم و يكرمكم برضاه و رضى الوالدين.

لو المشتري استلم الاستمارة الجديده خلاص مافيها خوف عليك
لكن لازم تراجع المكتب واخذ صورة من المبايعه وهذا حق من حقوق البائع

بخصوص المبلغ فهوا فعلا كبير جدا تعال احسبهالك ثاني
150 ريال بتتسدد للمرور من بنك الراجحي وبيسددها المشتري
350 تأمين على السيارة وبيسددها المشتري
150 ريال للمكتب حق التعقيب واصدار العقد ويسددها المشتري
بخصوصك انت ما بتدفع غير المتأخرات الي عليك بس

الله يسعدك يا أخي.

يعني على كذا نقل الملكية صفحة من ورق (وليس كرت او شيء ثاني).

والله يا أخي رحنا عند محل في جدة آآخر شارع ماجد الصناعية الشمالية. فيه سوداني.

لا اعطاني صورة - رغم انه وعدني يعطي صورة للمشتري و انا آخذها منه، لكن قال لي انه اعطى المشتري الأصل. و لا المشتري تذكر الموضوع، تلفنت له يقول انه نسي موضوع الصورة (صورة المبايعة اللي لي) و انه ما اعطاه اوراق، فقط الإستمارة الجديدة و التأمين. يعني كرتين.

مدري كذا يصير فيه مشكلة علي انا؟
واذا فيه مشكلة كيف احل الموضوع هذا، هل يكفي اني آخذ صورة من الإستمارة الجديدة (بإسم المشتري).

و الصراحة هذا لمحل أخذ علينا مبلغ و قدره. مني انا أخذ 450 و من الشاري أخذ 650 ريال. و لا رضي يعطينا ايصالات و لا صورة من التنازل اللي وقعناه في وقته.

سألته عن المبلغ اللي انا بأدفعه رد علي:
150 استمارة،
100 رسوم تأخير (تجديد الإستمارة منتهي من 3 شهور تقريبا)،
100 مبايعة و
100 معقب.

و الـ 650 ريال حقت المشتري، منها 350 تأمين و على كلامك 150 نقل الملكية، يعني يبقى 150 ريال مدري لإيش، يمكن للإستمارة الجديدة.؟

افيدوني عن موضوع نقل الملكية الله يسعدكم و يوفقكم، الظاهر انها ضاعت. هل صورة الإستمارة الجديدة (بإسم المشتري) تكفيني؟ و الا لازم اروح اتمشكل مع المحل؟

و سامحوني على الإطالة، اول مرة ابيع سيارة.

بعد البيع بتستلم صورة من نقل الملكية من المعرض موضح تاريخ واسم المشتري والسعر

بالنسبة لاعادة باقي مبلغ التامين فلا اعتقد بيرجعوه لك لانه بيتعامل بالسنة وليس بالشهر

المبايعه حسب الاتفاق وما اعتقد 250 ريال راح توقف البيعه لكن دائما معروق المبايعه على الشاري وليس البائع

بيّض الله و جيهكم و بارك الله فيكم يا أخوان و يجزاكم خير ان شاء الله.

المبايعة على المشتري، و الاّ البائع؟

و ماهو نقل المكية؟ يعني هل هو ورقة ام بطاقة يعطونها المشتري (وياخذ البائع صورة منها) و الا فقط "عملية" تغيير الإسم اللي على الإستمارة في المرور؟

اسأل علشان اذا ابغى استرجع باقي التأمين (من التعاونية) حق حوالي 4 شهور، ايش يطلبوا اثبات اني بعت السيارة؟ هل هو صورة من "نقل الملكية" ام ماذا ؟

و ايضا اثبات اني بعت السيارة لا سمح الله لو احتجته في المستقبل.

نوروني الله ينور علينا و عليكم دنيا و آخرة؟

كما قال الاخ