مساكم الله بالخير إخواني جميعاً
عندي كامري2008 ومرتاحلها كثير كثير بس للحاجة الملحة لشراء سيارة 7ركاب دفع رباعي قررت أبيعها !
ولما تبيع حاجة غالية على قلبك كثير لازم تاخذ سيارة تنسيك حبك القديم :smilie20:
الحين ميزانيتي ما تسمحلي إلا بسيارتين لا ثالث لهما إما الكيا سورينتو أو الهيونداي سنتافي !
السيارتين طبعا 6 سلندر 3500 سي سي والرحابة تقريبا متساوية و7 ركاب وأحس إن جاذبيتهن أيضا متساوية لأني بصراحة حبيت شكل السيارتين !
السعر عندنا بالسلطنة متساوي انا أريد أشري رقم2 فول توماتيك والثنتين بــ 9500 ريال وسيرفس 30 ألف كيلو وتأمين وتسجيل مجاني!
وللشعبية الطاغية للسنتافي عندنا مقارنة بالسورينتو عقلي أرشدني لها بس بزيادة السؤال لاحظت فيه فرق بين السيارتين خلاني أعيد التفكير!
السنتافي مضمونة 5 سنوات بس محدودة بـ 100 ألف كيلو فقط لاغير وانا أقطع ال100 ألف كيلو بسنتين معناتها السيارة لحد سنتين بتروح عني ضمان المكينة والجير والكهرباء وغيرها بينما السورينتو ضامننها *بهوان* 6 سنوات بدون تحديد المسافة يعني بوصل لحد ال300 ألف كيلو بإذن الله والسيارة بمكينتها وجيرها والكهرباء مضمونة
عقلي توجه مرة باتجاه السورينتو بس كل ما أمر بالشارع ما أحصل أبدا سورينتو بالشارع والسنتافي مليانة المكان فأحتار مجدداً !
والله يرحم والدينكم ساعدوني بنصيحة وخصوصا اللي عنده وحدة من السيارتين ويش أفضل لي السنتافي ولا السورينتو :confused1:
