مشكلة في كهرباء التاهو ..تكفون فزعتكم

اذكر هالمشكله كانت شائعه في التاهو وسببها البطاريه تكون قريبه تنتهي صلاحيتها. لكن الغريب ف الموضوع انك تقول ان البطاريه جديده. عموما شيك لو المشكله بدأت من بعد تغيير البطاريه

1. تأكد يمكن اصابع البطاريه مشحمها لك الي حطها وسببت لك هالمشكله.
2. انتبه لا تكون البطاريه امبيراتها ماهي مناسبه للتاهو.
3. تأكد من اسلاك الظفيره الي شابكه ف البطاريه انها سليمه وموب مجرحه.
4. بعد هذا كله تأكد من البطاريه نفسها ,, ربما تكون جديده ولكن مخزنه من زمان وتعبانه.

,, اخبر واحد كان يقول التاهو حقه مسكون بجني ,, يسوي اشياء من حاله (يفك النور ويطفيه ,, يفك الابواب ويقفلها .. يفك الباب الخلفي ويسكره وتطفي السياره وهي ماشيه وهذا كله من حالها ) غير اشياء كثيره جدا جدا جدا وغير الكمبيوترات الثلاث ولا ضبط ( كمبيوتر الكهرباء وكمبيوتر السياره الاساسي وكمبيوتر الأنوار ) ولا ضبطت ,, اخر شي طلعت المشكله في اسلاك البطاريه التوصيل فيها ضعيف ومخليه الكمبيوتر يخبط.

عمومآ حسب خبرتي المتواضعه المشكله ماتتعدى البطاريه و كيابل الظفيره ان شالله ,, وان شالله ربي يوفقك وتحلهآ ,, واليآ حليت المشكله عطنا خبر وش كان السبب :)

ودي . . ~