تحياتي للجميع
منتصف 2011 كنت ناوي أطلع سيارة فخمة رياضية ودفع رباعي بحدود 400 ألف وفكرت في الكايين والرنج سبورت.. ساماكو قالولي تنتظر من 6 إلى 9 أشهر حتى توصل السيارة.. رحت للرنج وأنا قلق من عدة نقاط (التحمل، خدمات الوكيل) مع شوية امتعاض من (سعر الصيانة، وأسعار قطع الغيار)..
الأسبوع الماضي مضت على السيارة حوالي 7 أشهر وقطعت 13000 كيلومتر، ومريت بتجربة انتهت بقناعات حبيت أشارك أخواني في المنتدى بيها..
بالبداية اتصلت على الوكالة أحجز موعد الصيانة الأولى مع توقعي إنه بيقول تعال بعد اسبوع أو اثنين،
المفاجأة ردت علي موظفة خدمات العملاء وسألتني ايش الموعد اللي يناسبك قلت بكرة الساعة 10 صباحاً،
قالت خلاص تم حجز الموعد |261||261|
ثاني يوم جاني اتصال الساعة 9 صباحاً من الوكالة قال لي احنا في انتظارك الساعة 10 |261|
رحت على الموعد لقيت موظف الصيانة في الانتظار وفي دقائق سجل السيارة وخلصت الإجراءات |261|
في نفس اليوم اتصل الموظف قال لي سيارتك جاهزة إذا تحب تستلمها تفضل ولكن ننصحك بتركيب قطعة على الضمان إذا تحب نركبها تستلمها بكرة وإذا ما تحب نركبها على الصيانة الثانية.. قلت له ركبها وفعلاً اتصل ثاني يوم قال تعالي سيارتك جاهزة واستلمتها والحمد لله دون أي ملاحظات..
في اليوم الثالث اتصلت علي موظفة تسأل عن مستوى الخدمة وأي ملاحظات أو شكاوى..
رابع يوم أجاني واحد الله يصلح حاله حك الصدام الخلفي وفي داخلي قلت أكيد صدام مع رش فوق 10 آلاف ريال..
أمس رحت الوكالة حسبو لي الصدام بدون تخفيض 3300 ريال وقالوا لي أجرة الرش حوالي 1500 ريال قبل الخصم.. تفاجأت من الأسعار اللي أشوفها رخيصة مقارنة باسم رنج روفر..
سامحوني طولت عليكم..
السيارة ما شاء الله تبارك الله بعد 7 شهور و13000 كيلومتر لا توجد عليها أي ملاحظات.. والمساعدات ما عليها أي ملاحظات مثل ما كنت أسمع لواحد من الشباب يقول اذا كملت 6000 لازم تغيرها!!
الخدمة أفضل من خدمة أبوجميل ويحسسوك الموظفين بأهميتك ويقدروا وقتك..
أسعار قطع الغيار والأجور عادية جداً مقارنة باسم رنج روفر إذا عرفنا أن صيانة 12000 كلفت 2300 ريال والصدام الخلفي سعره 3300 ريال..
أشكر الناغي على هذه الخدمة
وآمل أن يواصل بنفس المستوى
وتحياتي للجميع
