وش اشتري سيارة؟ ساعدوني يا اهل الخبرة

والله انصحك باماليبو 2011

حدد حاجتك في السيارة شنو عشان نقدر انساعدك
تبي سيارة جديدة او مستعمله
تبي فئة صغير او وسط او كبيرة
انت بتاع اخطوط ولا مشاويرك داخليه
افراد العائلة
وشكرا

^^
انا ايضا اقولك القي نظرة على الفورد .. جراند ماركيز او كراون فكتوريا

70000 ريال تجيب لك موديل 2010م استخدام امريكي نظييييييييييف كأنه وكالة

ولكن انتبه الامريكي لا يغرك الشكل والنظافة الخارجية الي تلاحظها من اول نظرة

خذ معك واحد يفهم في السيارات من ناحية السمكرة والرش والصدمات

وشوف لك موتر نظيف استخدام امريكي

70000 مبلغ معقول لشراء سيارة انا اقدر اقولك فورد فيكتوريا او جراند ماركيز وعارف وش ردك ورد الاخوان بس بصراحة سيارة عملية جدا وسعرها معقول وصيانتها معقولة او افالون امريكي 2007 او 008 اخو الجديد والصالات مليانة والمواقع الالكترونية والساحات مليانة بس وين النظيف بس بصراحة صيانتها مكلفة شوي وعندك السوناتا جديدة مدري كم سعرها بس اذا تبي جديد اشتر على قد فلوسك ولا تجــــــــازف جرب السيارة حتى لو نستاجرها يوم وبعدين اعلمك السيارة ما تعرفها الا لما تمسك خط يعني لو اخذتلك كورولا جديدة صح سيارة عملية بس الددسن ماتوكل معة عيش افخم وعزم وارسى منها اتبع ميولك اذا نفسك في الجديد لاتشتري الاجديد اذا مستخدم دور لك واحد باخص في السيارات السوق كله مغشوش مايجي النظيف الاياكلونة الشريطية ويدبل سعرة ارجو اني افدتك

انا تحت خدمتك يا قلب

والله انت ملك
افدتني وساعدتني كثير
شاكر لك ردودك ووقتك ياغالي
وعسى يخدمك المال والبنون.

طبعا اخووي المستعمل ما تضمه في هذا الوقت لكن اذا تبي تاخذ مستعمل ابعد عن الامريكي خااصة لان الاميركي حق دعس عشان كذا ما تضمن استخدامه

وما عندي صرااحة فكرة عن المستعمل بس اكتب في قوقل موقع حراج ..

هذا موقع كبير جداا وراح تاخذ فكرة كبيرة صدقني وادخله ..



المهم الي يقولون عن الشفر ابعد عنه

شف يوم نزل السوبربان والتاهو 2007 كلهم قالوا انه ماراح يمشي سوقه لان خراباته كثيرة وشكله غبي .زز

المهم شف الحين نص السيارات الي تشوفها جموووس

وانا معي اللومينا 2010 وعندي سوبر 2007 والله ما اشتكيت من السوبر وهو له 5 سنواات

والومينا لها سنة ونصف ما اشتكيت .ز ولا تنسى اذا ما كنت حق مقاومات ودعس طوول الوقت لا تخااف ابدا والله لا تخااف اكثر الي يشتكوون من الشفر يشتري كابرس ولا لومينا وكل يوم يقاوم ويدعس ويقوول بعدين خراباتها كثيرة اكيد راااح تخرب اذا كنت تدعس عليها..

والحمد لله وانا جااهز لاي سوال..

تسلم اخوي لبى قلبك..


المهم اولا الله يعطيك الزوجة الي تتمناها ..

شف اخووي اذا تبي سيارة تتكشخ فيها انصحك بلومينا 2010 بالبيد مسوي عرض عليها ب 79 الف

وال تي زد


واذا تبي سيارة اقل من اللومينا بشوي خذلك ماليبو والله سيارة ممتازة
وسعرها تقريبا 71 الف وعزمها ممتاز جدا وفخمة
بالنسبة للسوناتا والكامري

انا كانت معي كامري 2007 المهم اول ما استلمتها طبعا كنت فرحاان محد قدي المهم وانا ماشي بالشارع اناظر يميني ال باكستاني معه كامري نفس حقتي ( تاكسي ) اقسم بالله اني انغبنت

تنقهر عشاان كذا اخذت لومينا فيها عزم ورساوا وكشخنة

وبالنسبة لقطع الغياار مررة رخيصة وانا صارلي حادث بالومينا وكلفتني 6500 وراحت علي الوجهيا كاملة غيرت الكبوت والديتر والصدام والشبك والصاجه كلش والرفرف وقربة الزيت واشياء كثيرة والسمكرة

وبعد الحادث السياارة ماشية تمام التماام اهم شيء خذلك السيارة الي تقتنع في وسلامتك

بسم الله الرحمن الرحيم اولا اخوي افضل لك انك توضح تبي سيارة جديدة ولا مستعملة

تبيها عائلية ولا سيارة صغيرة ...

لازم تختار من هذه الاجوبة عشان تبني عليها السيارة الي تبيها وعشان يساعدوك الشباب