نقاش: اسعار السيارات الخياليه

عندي معلومة

راح يرتفع سعر السيارات اليابانية ( كالعادة )

وراح يرتفع سعر الجديد والمستعمل

الجديد وخذ بالسعر القديم يعتبر محظوظ الان

تحرك السيوله بسوق الاسهم .. المفروض يكون علية انعكاس علي بقية الاسواق مثل سوق السيارات والعقار

ولكن عندنا دائماً عكس .. تحرك السوق واشاعة العقار بنزولة

العقار في المنح والضواحي انخفض 30٪ بس لانه بالاساس مزايدات فقط
سوق السيارات .. تجارة سريعة لمن يمتلك الكاش ولكن تحرك سوق الاسهم
يجذب الشريطية لجني المكاسب السريعة

ومن ملاحظتي خلال 3 سنوات الماضية

رفع اسعار السيارات سببه تجار المؤقتين في السوق ( الشريطية)

لما يتعطش السوق يقوم برفع الاسعار وسحب الكميات الباقية
لدرجة اسعار السيارات الامريكية طارت اسعارهم بسبب الطلب علية من قبل هذي الفئة من التجار (( انقطاع موديل & لون مميز & مواصفات معينة )) الخ

بس شركات السيارات والوكلات التجارية لقت انهم سهل تصريف الكميات علية وهم من ينفذوا نجاح مبيعات الوكلات

الله يرحم زمان السيفيك لما شريت من الوكالة عام 2006
الفل ابشن وكلش مبسوط وحالتي حاله بـ 66 الف كاش !

الان 2012 مايقارب 80 الف واكثر بعد !!

هههههههه سيفيك بهالوقت قيمه الاكورد الفل ابشن

يا جماعة القيمة الشرائية للعملة هي اللي تنخفض مو سعر السيارة اللي يرتفع
أفلوسك عبارة عن ورق مطبوع لا أكثر وقيمته الشرائية تنخفض بفعل التضخم
صحيح.. احيانا ترفع الاسعار لكن السبب الأساسي هو التضخم السنوي

وللتبسيط الدينار أو الريال عام 1970 قيمته أكبر بكثير عن عام 2012

الاحتكار + عدم وجود مواصلات عامة

والله ياشباب ودي نبدا بحمله خلوها تصدي على ( البلاك بيري ) و ( الواتس اب ) بحكم ان هالوسائل هذي مافي احد يحكمك فيها او يشرط عليك فيها بشئ مثل المنتديات وغيرها من الوسائل اللي مالك يد فيها

وانا متفائل جدا بنجاحها وبقوه بإذن الله
لكن نبي حماسكم ياشباب

انا اليوم دخلت موقع شركة دودج لقيت موديلات 2012 زادت 100 دولار فقط عن
2011
والله اعلم كم زادت عندنا

والمشكلة عقلية الناس المتحجره عندنا :a1120(82):

جماعتنا وابوي وإخواني متعصبين لشي اسمه تويوتا حتى لمن أتناقش معاهم في المجلس عن اسعار تويوتا الخياليه يقولون لي حتى لو غالي تويوتا يستاهل يندفع فيه هالمبلغ لانه شيك في الجيب :a120(115): (نظريه غريبه)

ودائما يعلقون علي انه سيارتي باثفايندر وانه لازم أصير معهم راعي جيب تويوتا لانه النيسان كله خرابات ومشاكل (مع أنه سيارتي موديل 2005 بس الشهاده لله هالسياره قليلة مشاكل ولا عمري سويت لها صيانه فقط بنزين وزيت والان ماشيه 204 الاف وكل شيء تمام ..... بس بالنسبه لمتعصبين تويوتا لا يقتنعون ويفتون من عندهم في السيارات الثانيه وهم حتى ماجربوها؟؟؟)

المهم لي كمن يوم افكر أخذ لي جيب اخر بس يكون جديد وبسعر معقول (البديل دائماً موجود صح) وقلت اشوف المتسوبيشي باجيرو 3.8 لتر موديل 2011 أصفار فل الفل والله ياشباب انه سعره ومواصفاته جداً خياليه تخيلوا حصلته ب 130 الف ريال :bigggrin:

طبعا التويوتاوين اللي عندي في البيت سووا لي زوبعه يوم دروا أني افكر أخذ باجيرو؟؟؟ وزعلوا كثير (خصوصا أبوي والوالده) وسعمت كلام غريب مدري من وين جايبينه عن السياره؟؟؟
قالوا لي خذ لاندكروزر 2012 او 2011 جديد أحسن لك من المتسوبيشي الفاشل (على فكره جيب كروزر سوح السوح ب 190 الف)

:c0214: سبحان الله كيف يفكرون؟؟؟
مع انه السيارتين نفس الحجم وكلهم صناعة اليابان ومعروفين بالجوده!؟ لكن خلاص مايعرفون في هالدنيا غير تويوتا؟؟؟
:bigggrin: ماعلينا زهقتكم بقصتي


بس الخلاصه ترى لاتلومون الوكالات لحالها لأني اكتشفت انه حتى الشعب له دور (مثل اللي عندي يفضل جيب كروزي سوح السوح ب 190 الف على باجيرو فل أصفار ب 130 :a1120(121): )

ارتفاع اسعار السيارات عالمي ...ولكن ارتفاع معقول....اما عندنا فـ للأسف التاجر يرفع على كيفه والتجار ما عليهم ملامه لان مافيه احد يوقفهم عند حدهم ...اغلب الدول الخارجيه لو رفع التاجر سعره بدون سبب الدوله تمسح فيه الارض ...اما هنا يلعب على كيفه محد يكلمه ...حتى مواصفات الأمان الوكلاء يجيبون السيارات بمواصفات ضئيله ...لو فيه نظام صاحي كان الوكلاء يمشون مزبوط

اخوي من ناحية اقتصادية ومالية :: ريال امس مو مثل ريال اليوم

والسبب في ذلك :

1\ الندرة النسبية للموارد
2\ وزيادة التعداد السكاني

فلا تقارن الماضي بالمستقبل

السلام عليكم

بالنسبه لارتفاع الاسعار هذا موظوع دايم يشغل بالي باستمرار

لكن انا اشوف ان المشكله ان الشعب ماتكاتف وسوا حمله مقاطعه صارمه بكل المقاييس ولابد ان المقاطعه تتم اقل شي مده سنه ونصف عشان توظح النتائج على السطح لان السيارات تاريخ صلاحيتها طويله

وعلى فكره .. حملة خلوها تصدي نجحت نجاح باهر وسجلت خسائر ماكانت متوقعه من التجار ولاكن بعد ماتم منع هذه الحمله من قبل منتديات كثيره انهارو المنظمين لهاذه الحمله لتوقف الحماس والتذكير بها

لكن الان طلعت برامج تدعم مثل هذه الحملات وبلا قيود مثل برنامج ( الواتس اب ) فيا ليت يتحركون الشعب ويبدون بهاحمله وبجديه لا رجة فيها الا بتغير في الاسعار وهذا سلاح قوي بين ايدينا

وسننجح بإذن الله زي مانجحنا في خفظ سعر حليب المراعي وهذا مثال واقع عندنا مايحتاج نشوف الارجنتين ولا غيرها
والحمله هذي نجحت لان تاريخ صلاحيه الحليب قصيره فلذلك الحمله لم تاخذ وقتا طويلا

فأسال الله ان يجمع بيننا وان يسدد رأينا وان يكتب لنا الخير في الدنيا والاخره

واسف على الاطاله

للأسف كل سنه تزيد قيمة السيارات بمبلغ وقدره
اذا استمر الوضع كذا رح يجي يوم 200 الف ما تطلع لك سياره وكاله
الحين 100 الف ماتقدر تطلع فيها سياره مرموقه من الوكاله

هلا يا شباب ....لي فتره طويله وانا اشوف الناس تشتكي من الاسعار والله يا شباب انا حنا سبب ارتفاع الاسعار شعب ما يفهم ......اذكر ايام حملة خلوها تصدي نجحت اول الايام وبعدين فشلت فشل ذريع .... حنا مشكلتنا اذا جا يشتري سياره ولقاها سعرها زايد عن الموديل اللي قبله اقل شيء 5000 وهي ماتغير فيها اي شيء يدفع ويقول بس 5000 عادي وبعدين يجي يشتكي .....برا لو يرفع الوكيل 100 دولار عن الموديل اللي قبل يحاسبونه الناس وهيئة حماية المستهلك علشان كذا يفكر مليون مره قبل ما يرفع اي شيء لان وراه احد يحاسبه...... انا اقولكم مثال انا اللحين ابي اشتري سياره وكنت ما بين البورش والموستنج المهم رحت في البداية لتوكيلات الجزيره اللي في خريص لقيت واحد نفسه في راس خشمه قلت معليش ...المهم سالته عن الموستنج فقالي ما راح تجي 2013 اللى بعد 3 شهور ولا لازم حجز المهم قبل ما اطلع قلت خلني اشوف الاكسبلور اللي ازعجونا عليه المهم لقيت سعره مبالغ فيه مره ولا ما في الا بعد 3 شهور وبعد رفعوا سعره زياده لانهم شافوا الطلب عليه زاد.... حنا لو كنا مثل سالفة شعب الارجنتين اللي رفعوا عليهم سعر البيض .... وبعدين الشعب قاطعوا البيض مع ان البيض كان اساس ....ولما تكدست البيض في المخازن وبدا يخرب انهبلوا التجار ورجعوه الى سعره الاول ولا احد شرا وبعدين نزلوا في سعره خوف من فساد البيض ولا اجد شرا وبعدها بفتره لما تادبوا التجار بدت الناس تشتري ..... حنا لو نتكاتف لمدة سنه وحده واقصد كلنا مو بعضنا اقسم بالله لتشوفون اسعار السيارات بالحضيض ... ولله في نفسي اشياء كثيره بس تعبت من الكتابه هههه

السلام عليكم

موضوع ارتفاع السيارات اصبح مبالغ فيه بشكل غير معقول وحتى السلع الاخرى

هناك عدة عوامل ساهمت في رفع الاسعار لا احد ينكر ذلك لكن نسب الزيادة التي اصبحت تتعدى 15% سنوياً من سعر السيارة مبالغة وبقوة

اذكر في عام 98 اشتريت هوندا اكورد كامل المواصفات 4 اسنطوانات بسعر 74 الف ريال كاش
في عام 2008 اشترينا للوالد اكورد كامل المواصفات 4 اسطوانات ب92 الف ريال
الزيادة 18 الف ريال خلال 10 سنوات معدل 1800 ريال سنوياً معدل مقبول جداً
الان في عام 2012 وصل سعر السيارة بنفس المواصفات 107 الاف ريال حسب ماسمعت اي زيادة 15 الف ريال في اقل من 4 سنوات

الاند كروزر العام الماضي الفل ب240 الف ريال
الان ب279 الف ريال

من الحلول البحث عن البدلاء وترك عادة تغيير السيارة كل سنتين او 3 سنوات كما يفعل البعض
المقاطعة نادا بها البعض سابقاً ومع الاسف الاسلوب الذي استخدم اساء لها كثراً وكانت النتائج عكسية فالوكالات رفعوا اسعار الصيانة وقطع الغيار لتعويض خسائرهم

عاشق الـruze
والله يالغالي قلته جشع وشعب مايعرف المقاطعه
يعني يخلي التاجر مبسوط يرفع والناس الي على قد حاله
يروح فيها
الله يعين بس

مشكور
black coffee
نعم رفع اسعار بدون حسيب ولا رقيب
انا ودي اعرف وين حمايه المستهلك على الفساد الي حاصل
لاكن لاحياه لمن تنادي
الله المستعان

مشكور يالغالي على التفاعل
خالد شرقي
صحيح كلامك ارتفعت الاسعار الى درجه لاتطااق

يعني ايام التسعينات وبدايه الالفيه الميلاديه حصل ارتفاع

واظطرابات شوي بالسوق لاكن ماصلت للي حنا عايشينه الحين

صراحه شي خرافي وفوق هاذا سيارات بدون ايرابقات

ولاشي الظاهر بكرى بتجي بدون حزام لاتستغرب دامهم لاقين شعب مغفل

يرضى في اي شي

مشكور اخوي خالد على تفاعلك
تحياتي لك
Initial D
ياهلا بعضونا المميز نعم
المصنع اسعاره معقوله لاكن الارتفاع في الخليج فقط

لا وحنا بدون ضرايب جمرك اجل لو بالضرايب كان تصير الكورلا من الاحلام

مشكور ياغالي على التفاعل

تحياتي لك

للأسف اللحين اللي في الواكالات كله غالي؟؟؟

الارتفاع في كل سنه شيء لابد منه لكن للأسف عندنا بالذات شيء لا صار ولا استوى في اي من دول العالم فقط عندنا في الخليج!!!

المثله بسيطه!
الدودج شالنجر ٢٠١٢ زاد سعره في امريكا عن موديلات ٢٠١١ فقط ١٥٠٠ ريال (بعد تحويل العمله من دولار الى ريال)
الدودج شالنجر ٢٠١٢ في قطر زاد سعره عن موديلات ٢٠١١ ب ١١ الف ريال؟؟؟؟؟؟

الكامري ٢٠١٢ في امريكا نفس سعر موديلات ٢٠١١ (مع انها شكل جديد) شوف عندنا كم سعر ٢٠١٢ وشوف كم سعر ٢٠١١؟؟؟؟؟؟


للأسف احنه اللي ندفع الثمن (الناس اللي على قد حالها) واصحاب الشركات والمؤسسات تزيد ارصدتهم على حسابنا

ما نمنع رفع الأسعار لكن ياناس في رفع اسعار جائر وفيه رفع اسعار معقول
يعني اللي يصير برى له مبرر لكن عندنا ليش؟؟؟

هذا ونسبة الضريبه على السلع اللي تجينا من برى فقط ٣٪ اجل لو صارت مثل اوروبا وباقي دول العالم ههههههههههه نحلم ناخذ حتى سزوكي التو ب ١٥٠ الف ريال @_@

اخوي المشكلة من عند التجار الي هنا يرفعون الاسعار متى ما يبغون يترزقون علينا

ومتى ما زادت الفلوس زادو الاسعار ما فيه رحمة يهني بالله هايلكوس 100 يا اخوي اشتري لاند مستعمل مديل 1999 ازين لي وا ارحم منه ؟

لا يجي يقول المواصفات تفرق ولا شي ترى كل راس مال السياراة وا نيييييييت يعني حقت عفش تاصل بالسعر هاذا !
المسكلة يا ليت فيها اير باق للراكب لا بعد لازم فل وين حنى

في امريكا لازم ايرباق للراكب (اجباري من الحكومة ) بدون زيادة على السعر حنى دمنا رخييص وش المشكلة اذا متنا ما تفرق معهم

اما الشاص الي وصل سعرة 160 الف وين حنى يا اخوي وصل سعر جيب الطوارق

الي يقول مرصع بذهب ولا شي ولا مواصفات اما هايلوكس 6 سلندر ومقصرين الشاصي وبس !

المشكلة في التجاااااااااااار مو في البلادن المصنعة

الفلكس واجن الجولف كل ما اجي بعد سنة ملاحظها لثلاث سنوات الاقي سعرها زاد 4000 وهي نفس المديل ما تغير