عاجل طرمبة دركسون سيارتي !! ( صورة )

وصباحك يالغالي
الحمد لله انا ماعاني من مشكلة حاليا بعد الاصلاح الاخير صحيح فيه تنديه بسيطه لكن مامنها ضرر باذن الله

وراح اجرب طريقتك
يعطيك العافية اخوي ماقصرت :xyxthumbs:

أسعد الله صباحك بكل خير

بخصوص زيت الدرقسون انتبه تكبر السالفه ترها بسيطه لا يضحكون عليك

الشكله هي عندك سحب هواء في الطرمبة لا أكثر و لا أقل روح لأي ورشه وقله ربطلي ليات الدرقسون ألي من الطرمبة و خلافه تقريبا أربع ليات شد عليها لا تكلف أكثر من 30 ألى 50 ريال فقط

و لا يضحكون عليك يقولون أصلاح و خلافة ترا الدعوى ما تستاهل

أعرف انو أصحاب الورش ألي في المنتدى بيزعلون لأني طيرت عليهم زبون محتمل

الرجال الظاهر فك الطرمبه كامله ودخل فيها هواء فعلا وهو اللي سبب لي ثقل
قبل الاصلاح ماكان فيه ثقل ابد ابد بس كنت خايف على الدينمو

نعم صدقت هذا شيء معروف بالهوندا , عندنا أكورد 2007 و أسمع فيه الصوت مع ثقل خفيف جدًّا بعدين مع المشية يروح. هذا مشكلة معروفة بالهوندا هي و كراسي المكينة.
بس غريبة ليش 5 علب؟! علبة واحدة و ما تكملها حتى أيًّا كانت السيارة.

بالنسبة أنك كيف تلف الطارة.. عادي تفر المفتاح طقة وحدة لا أكثر علشان يلتغي قفل الطارة. بس لا تشغل السيارة. و نفذ العملية و شوف كيف راح تخفف عليك بإذن الله , أنا سويتها.

شكرا لك على المقطع بس كيف اقدر الف الطاره والسياره طافيه بيقفل الدركسون
اللي في سيارتي مهوب حنه هو ثقل بالدركسون عند بداية التشغيل بس ثم الامور عاديه عند الممشى
والسبب ان اللي سوى لي العلبه فك الطرمبة كامله ويقول دخل فيها هواء ومع الوقت بيروح واذكر غير لي 5 علب زيت !!

واغلب اللي اسالهم يقول الزيت علبه وحده للعلبه نفسها هل هالكلام صحيح ولا لازم فك الطرمبة كامله وانزال الزيت كامل ؟

والمشكلة بالنسبة لي مهيب مقلقه لان ماعندي تهريب سفلي بس هالتنديه مادري ليه تطلع رغم اني مازود الزيت فوق الخط ولا تحت الخط الثاني

وعلى فكره كل الهوندات كذا

ماتركب وانا اخوك

هذا هو المقطع:
http://www.youtube.com/watch?v=AAeH6P9qfQw

و مجربها , لكن كما قلت حل مؤقت و بعدين يرجع الهواء من موضع معين فيه تهريب بالأساس. فيجب معالجة التهريب.



الترهيم بنوع ثاني ليس بهذه السهولة. و المحترفين لمثل هذا الشيء قلة.

اذا رجعت المشكله فشل الطرمبة وارمها لان صناعتها اقل من المستوي المطلوب وشفلك من ماركة مختلفة مستوبيشي مازدة تويوتا ....

مرحبا فيكم
الموضوع قديم يااخوان والحمد لله سويت اصلاح وغيرت الربلات الداخليه والامور تمام بس رجع تنديه خفيفه الان والعلبه ماتنقص .. بس احس لو اجرب اصلاح لسيارة ثانية على الاكورد راح يضبط خصوصا لا صارت الربلات افضل واسمك شوي
وفعلا الطرمبة داخلها هواء خصوصا بعد الفك اما قبل الفك ماكان فيه هواء وانا ماستخدم الا زيت هوندا الاصلي
ومافيه ثقل بالدركسون الحمد لله والمشكلة عندي شبه انتهت لكن قررت مع كل صيانة 100 الف للسياره اسوي اصلاح والسعر 120 غير مكلف

السياره مافيها تهريب من اسفل الحمد لله .. واشكركم على الردود الطيبه وبحاول اجرب طريقة اخوي سفاري في لف الدركسون والله يجزاكم خير جميع

أولاً: مستوى الزيت إياك أن يزيد عن الحد الأقصى max و إلا سوف يتسرب بأي طريقة كانت بسبب زيادة الضغط.
ثانيًا: مصادر التهريب كثير , و منها:
* اللي الواصل بين الطرمبة و العلبة (بالنسبة للسيارات الي علبتها مو راكبة بنفس الطرمبة)
* وجوه الطرمبة gasket و الربلات. و هذه الأشياء بتشوفها في ورشات الهيدروليك الي يوضبون الطرمبات.
* غطاء العلبة.
ثالثًا: مشكلة أكثر السيارات في أيامنا هذه أن الطرمبة فوق الدينمو. و قد صارت معي من زمان و هرب زيت على الدينمو و خرب و صار ما يشحن أبدًا. و لو أنك ششفت كيف الزيت المحروق على ملف الدينمو سوف تظن أنه قطعة ربل أسود سميكة جدًّا و ليس زيت! و اسأل مجرب. طبعًا غيرت الدينمو و أمري لله. بس حبيت أنبهك علشان ما تتكلف مثلي. الدينمو ما هو رخيص أخوي.
رابعًا: إذا الزيت ما ينقص و كذلك الدركسون خفيف ما فيه مشكلة , لكنك تسمع صوت الحنة ثم يزول بعد فترة من تشغيل السيارة , فاعلم أنه يوجد هواء بسبب موضعٍ ما فيه تسريب و منه يدخل الهواء.
و يوجد حل مؤقت -إلى حين أن يتم إصلاح التهريب- و قد جربته , و هو لف الدركسون إلى أقصى موضع حوالي خمس مرات في كل جهة , طبعًا و السيارة طافية (مع التنبه إلى فتح علبة غطاء علبة الدركسون.. للأهمية).
يوجد مقطع يشرح ذلك و جربت العملية , لو تذكرت مقطع اليوتيوب بأحطه إن شاء الله.

الحل تروح لحقين الهيدورليك في الصناعية وتخليهم يفكولك الطرمبة ويغيرون الجلد الي بداخلها ويرجعون يركبونها زين
وحبذا لو ترجع لنوعية الزيت الموصي بها

شيك تحت السيارة في تهريب لانه انا عندي نفس المشكلة وكان التهريب من تحت السيارة

يارجل الزيت على الدينمو ولا في اي مشكلة الكهرباء ميه ميه مافي مشكلة بس التهريب من زيادة الزيت للمكينة فقط

انا سيارتي زيت القير تشوفه بالمنطقة اللي حوله ومع ذلك مو ناقص . . مره اغير زيت سألت قالي هذا الزيت ترتفع حرارته والربلة عندك فيهرب دخان مع الوقت تحسه تهريب :)

+111111111111111111111111111111111 :xyxthumbs:

كفانا واياكم الشر

هذا اللي بيصير بحاول اسوي لها اصلاح يوم الاربعاء بإذن الله

يعطيك العافية اخوي