قناة السيارات
السلام عليكم ورحمة الله وبركاتة
اسعد الله صباحكم
يا اخوان انا سيارتي فورد 97 غيرت زيت المكينه قبل اسبوعين
واليوم مشيت 140 والسيارة ما تعدت 140 وثم طلع صوت طقطقة من المكينة
مشيت بعد الصوت يمكن مايقارب الـ3 او 4 كيلو ووقفت وشفت الزيت مالقيت فيه
ولا قطرة زيت خليت السياره مكانها ولا حركتها
الي ابي اقوله يا اخوان المكينه هل عليها ضرر او لا تكفون طمنوني ...!
غريبه ولا فيه احد يبي يرد علي للحين..؟
تكفون يا جماعة آفيدونـي
up
up
===
وين راح الزيت ؟؟
مالاحضت اي تسريب تحت السيارة او شي
على العموم عب زيت وامش عليها
الصوت طلع عندك لان مافيها زيت لو عبيت زيت مرة ثانيه ممكن يروح الصوت لو ماراح اكيد الماكينه تأثرت من الداخل ولازم فك المحرك وتشوف ايش صار فيه
الله ييسر امرك ويسهل عليك
المشاركة الأصلية كتبت بواسطة فني سيارات
والله يا خوي هذي المشكلة الي ابي اعرفه (وين راح الزيت) مافي اي تسرب
ع العموم انا جبت الزيت وبروح للسياره الحين اذا راح الصوت الحمد لله
واذا ماراح الله يعيني اشتري مكينه
ع العموم مشكور اخوي ماقصرت الله يبيض وجهك..
تحياتي.
تأكد من الصره لا يكون ما شدها زين
او صوفة المكينه هربت عندك
او السيفون ما ركبه البنشري
او كرتير المكينه مهرب او منشق
وش السالفه يروح الزيت !!!! ......... اكيد فيه تسريب قوي
المهم الظاهر ان مكينتك باي باي
الله يعينك بس ...
عادتا الزيت لو اختفى بيكون طلع من السرة من اسفل الكارتير او من الفلتر حصل فيه تهريب نتيجه عدم شده بشكل الصحيح
ويكون التهريب منه واضح على المحرك
تهريب من طبات الزيت على اجناب المحرك وهي ايضا تكون واضحه عليها التهريب
التهريب من الشكمان وهذا يعني انعدام المحرك ويظهر زيت من الشكمان وما يسمى (السيارة تحرق زيت )ولكن ليس لدرحة ان مافي المقياس زيت و المشي بسيط جدا
في انتظار ردك الله ييسر امرك
الله يعطيك العافيه اخوي
بس المكينه انتهت خلاص
انا الحين ادور ع مكينه جديده
يعطيكم العافيه يا اخوان
المكائن يالطيب في الوقت الحالي طايرين فيها علشان القرار الجديد
انصحك بالتوضيب في قطع درجه اولى وفي رائئي احسن من الاصلي
وراح تكلفك اقل من سعر شراء مكينه مستعمله ماتدري ايش بداخلها
جرب وخذ زياره لااحد المحلين الي راح اذكرهم لك وسعر القطع اولا
الفوزان والمنيفي
كان الله بعونك وبالتوووووووووووفيق
رد مع اقتباس