السلام عليكم و رحمة الله وبركاته
يا اخوان انا طالب هندسة ميكانيكية ، وداخل هالتخصص عن حب.
ومن الاكثر الاشياء اللي شادتني في هذا التخصص هي المكاين ، ومنها مكاين السيارات.
طبعا انا شفت احد اصحابي ماشاء الله عليه طالب ادارة ، وعنده موستنج قدييمة وشغال عليها ، من هنا قطع ومن هنا يركب ويوضب ، الرجال شاد حيله.
ففكرت بطبيعه الحال انا طالب هندسة ، واحب السيارات والمكاين ، فبطبيعة الحال الافضل اني اشتغل بمشروعي الخاص .
معليش عالمقدمة الطويلة ، بس حبيت ابين ان الموضوع جدي ومبني على شغف وحب وليس عن دراسة واتمنى التجاوب وشاكر لمساعدتكم ، والله اعلم ان كل من يساعدني له دعوة خاصة.
بس بعض النقاط اللي حاب ابينها : اول شي قيمة السيارة ، ماتكون شي غالي جدا بحكم انها اول تجربه عمليه ، برضو نفس شي لقطع الغيار ، لان ماتوقع راح يكون فيه تفصيل او ترهيم لكثير من القطع ، برضو سهولة قبولها لانواع اخرى من شركات اخرى لقطع الغيار ، او تقبل الترهيم بمعنى اصح .
صلاحية البودي ماتهمني بقوة ، بس برضوا ابي اكشخ بمشروعي بعد ماخلص منه ، استعرض انجازي فهالشي ، يعني مابي سيارة معدومة ، ناوي اسمكرها خارجيا بنفسي ولا لي خبرة في السمكرة ، حبيت اوضح هالنقطة عشان الميزانية.
برضوا انا ماليي خبره اطلاقا في شراء اي من السيارات المستعمله ، بس برضوا اتمنى منكم بعض النصائح كيف اعرف ان شاصي السيارة سليم وممكن يعيش ، امكانية اصلاح المكينه ، بمعنى ان اعرف ان هالخراب مب ازلي وان هالخراب يدل على موت المكينه وممكن يتصلح بسهولة. وبرضوا اسلم من بعض الناس اللي ممكن تلعب علي من ناحية السعر.
عموما الميزانية اللي في راسي راح تكون من الفين الى 4 الاف ريال سعودي.
من ناحيتي ارى ان اقرب خيار بالنسبة لي بيكون كابريس او على مايطلق عليه بالعبارة الشهيرة " تسعاوي " وايضا مما ساعد على ها الخيار وجودي في المنطقة الشرقية ، ولشهرة هذي السيارة في هالمنطقة.
