بالفعل جيلي شركة صينية للسيارات , ولها فترة من يوم وصلت السعودية , يمكن فوق الشهر او الشهرين ما أدري بالضبط لاني بديت اضيع :bigggrin: ..
لكن رحت لهم اول ما فتحو بالسعودية رسمي , رحت الوكالة وركبت كل السيارات اللي عندهم , السيارات اسعارها منافسة جداً , وفيه سيارتهم الكبيرة ما اذكر اسمها اللي من نفس فئة الكامري والسوناتا , هذي عجبتني بصراحة بسبب سعرها , الفل كامل بـ 61 الف ريال فقط ( سعر الكامري الفل الحين فوق الـ 100 الف !!!! والسوناتا كذلك ) فهذي ميزه قوية بصراحة لهم وهي السعر , ايضاً الفل كامل يجي بمواصفات جميلة ما اذكرها كلها لأن من زمان رحت لهم , لكن اذكر ان قالي شاشة بالاضافة الدركسون يجي مخشب والفل يجي جلد من الداخل طبعاً وفتحة سقف واشياء كثيرة ..
فيه موضوع مهم لازم تشيك عليه وهو الآمان بالسيارة وهالموضوع لا تهمله
لأن الين قريب جداً , الين السنة اللي راحت تقريباً وسيارات جيلي ممنوعة من دخول السوق الأمريكي والسوق الأوروبي لأن امانها ضعيف جداً ..
لكن بنهاية عام 2011 سمحو لها السوق الأوروبي لأن امانها تحسنت , فأنت تأكد هل الدفعة اللي جت لنا هي الدفعة اللي تحسنت فيها بالأمان ولا الدفعة اللي كان امانها سيئ
اسأل عن امان السيارة وشيك ولا تهمل هالموضوع ابداً
وسيارات جيلي صرت اشوفها الحين بشكل شبه يومي وبدت تنتشر
