أخوي صاحب الموضوع
تبي تقتنع بالسيارات الكورية او ما تبي تقتنع هذا شيء راجع لك وانت حر فين تبي تحط فلوسك الله يوفقك وييسر امرك ومركب السعادة والهناء ربي يعطيك خير سيارتك ويكفيك شرها هذا اولا
ثانيا انا كانت معي كامري على يدي وكالة استخدمتها 3 سنوات وكرهت السيارة
ما اقول مشاكل وخرابات الامان بس ايرباق واحد للراكب بالرغم انها نصف فل جي ال اي يعني لا تقول لي ياباني ولا كوري مع وكلائنا الموقرين المحترمين هم يطلبوها كذ عشان تخف عليهم سعر السيارة
يعني بدل ما اجيب سوناتا بكامل انظمتها السلامة وابيعها على حسب التسعيرة في كوريا 80 الف ريال لا انا اطلب سوناتا واقول لهم نقصوا بالانظمة عندنا الشعب ما تهمه فيصنع لي سوناتا ناقصة انظمتها ويطلب مني ابيعها 50 الف ريال وانا الوكيل ابيعها 75 الف ريال
50 الف ارسلها لحساب هيونداي و 25 الف ريال في جيب الوكيل
تبي سيارة انظمتها كاملة ارخي جيبك ادفع اكثر وخذها بكامل انظمتها
بتقول الياباني اكثر امان من الكوري باقول لك استريح مثل ما قال اخ من قبل عن الجودة استريح تراهم حول بعض والجودة حول بعض
انا مجرب لكزس 2009 es350 صح جودة الديكورات افضل من سيارتي الازيرا بس كلهم نفس التحمل ما عدا دعاسات البنزين الي تعلق في اللكزس ولا تعلق بالازيرا
الحين الازيرا معي قربت تكمل 5 سنوات وشفت التحمل الي تتحمله وحق كرف بالرغم من انها سيارة فاخرة ومواصفات والكترونيات اثبتت نفسها عندي رحت شريت جيب فيراكروز 2012م لاني عرفت قد ايش تتحمل هيونداي
قالها واحد متعصب مثلك الازيرا سنتين وبيعها تشليح
الحين قربت 5 سنوات ولا تبيني اشد عليها سفر بس بنزين وزيت ولا يحتاج اروح اشيك
حفر اكلت مطبات اكلت موية دخلت فيها طعوس طعست فيها ومقصات ومساعدات ماشاءالله تمام هذا يدل على جودتها وتحملها رضيت او ما رضيت
مو ملزم علي اني اقنعك انت براحتك انا بعد تجربتي لهيونداي مراح ارجع لتويوتا
بتقول متعصب لهيونداي انت اصلا فاتح الموضوع متعصب على هيونداي
انا من صغري الين توظفت ولله الحمد وبعد ما توظفت 4 سنوات كل استخدامي لمدة 25 سنة تويوتا وياباني من لكزس ل تويوتا لهايلوكسات لجيوب
5 سنوات بس في حياتي قضيتها تجربة لهيونداي ما عاد حبيت تويوتا
جودة المواد الداخلية ديكورات تراها مثل تويوتا مو بعيدة على تويوتا
اصوات ديكور وغيرها كلها موجود سواء تويوتا او هيونداي
لكن باقول جودة المواد الداخلية للكزس افضل من الازيرا وتحت لكن هيونداي جينسيس او سنتنيال مثل جودة اللكزس ما اذكر احد اشتكى من ديكورات الجينسيس جودتها عالية
ابي تعلمني الامان الي بالسيارات اليابانية عشان تقول لي انه فيها امان والكوري مافيه
عدد لي من الكامري وتحت
الافالون صح كل فئاتها فيها ايرباقات ومواصفات الامان من abs وغيره
لكن سعرها كم تعال شوف الازيرا بنفس مواصفات الامان الي في الافالون وشوف سعرها كم
لو الازيرا 2012م الفل كامل نزلت بعلامة تويوتا كان سعرها 160 الف ريال
اذا انت ما تبي تقتنع انا مقتنع بسيارتي
ومن فكرتي الي اخذتها من هيونداي مو خسارة فيها ادفع فوق 100 الف ريال اسعارها اشوفها ببلاش
تتحمل وجودة وكرف وقطعها متوفرة واعتمادية بقوة عن تجربة مو سمعت
بتقول انك جربت سوناتا وكانت سيئة انا معك جودة الاكورد افضل من السوناتا ما انكرها
وجودة الاكورد افضل من الكامري بعد بس السوناتا والكامري نفس الجودة
الشيء الثاني القطع الاستهلاكية
الكامري الي كانت معي اغير لها بواجي كل 40 الف كيلو
الازيرا ماشي عليها 120 الف ولا تحتاج تغيير وشيكت عند الوكالة المفروض يقولون غيرها عشان يكسبون بس باقي جديدة ما تحتاج
الاقمشة في الازيرا بالرغم من ثقل السيارة اطول عمر من اقمشة الكامري
انا ما ابي اقارن بسيارات ما جربتها اقارن بين سيارات جربتها واعرف مستواها
السيارات اليابانية الي صح اشوفها راسية الي تحتوي على نظام esp غيرها خرطي فاضي سواء كوري او ياباني او امريكي او الماني الي جرب هذا النظام يعرف ايش معنى رساوة
الوكلاء عندنا ما يهمهم سلامتك احنا مو في امريكا
الوكلاء همهم جيبك قد ما تدفع قد ما تحصل مواصفات سلامة
بعدين يا اخوي لاتحكم على تجربة سوناتا استخدمها اكثر من واحد
حتى الاكورد لو يستخدمها اكثر من واحد تبدأ مشاكلها
بعدين اذا السيارات الكورية ماهي بجودة اجل ليش محتلة المكرز الثاني بعد تويوتا في المبيعات في السعودية وليش احتلت المكرز الاول في المبيعات في الشام ومصر وغيرها
اذا جودتها سيئة ليش تحصل على مراتب عالية في jd power
ليش السيارات الكورية صارت مطلوبة بالسوق وليش صارت تمسك سعرها واحيانا تمسك سعرها اكثر من الكامري للموديلات من 2005- 2010 السوناتا؟؟
ياليت تجيبني على الاسئلة هذي
المهم زبدة الكلام وهو اجابة على السؤال الي طرحته في بداية الموضوع
ليش صرنا نحب الكوري مع انك ما تحبه؟؟؟
الاجابة
لاني جربت ولقيتها سيارة تتحمل كرف وامانها عالي في الفل كامل ورساوة
اقتصادية قطعها طويلة بالعمر خراباتها قليلة وين ما ابي امشي عليها شغل وامشي امن لها بنزين وزيت بس وادعس
بتقول ليه قلت امان في الفل كامل يعني انه السياحي في تويوتا او في الشركات اليابانية في الامان كل الانظمة فيه
على فكرة الجينسيس سيدان السياحي برضه تيجي بكامل انظمتها ايرباقات امامية وجانبية وabs و esp وغيره
فلا احد يتطرق للامان من غير ما يدري
الفل في الكوري فيه امان واحيانا النصف فل مثل الكادينزا
ونفس الكلام ينطبق على السيارات اليابانية
واخوي الي يقول انه هيونداي مالها تاريخ
في كلامك نسبة من الصحة انه هيونداي قبل 2005م مالها تاريخ مشرف
يعني ما تستحق احد يشتري فيها
لكن بعد 2005م فرضت نفسها على باقي الشركات وقدرت تنافس وتتفوق احيانا عليهم
اتمنى محد يزعل من ردي ولكن الحق يقال والمجربين يتكلمون والي سمع رجاء لا يجيب شيء قالوه الناس
ومعي سيارتين انا كورية وكلهم فوق 100 الف ريال ومرتاح لخياراتي وما افكر ابيعهم واحس انهم بيجلسون اكثر من 10 سنوات بالرغم من اني باكرفهم الاثنين
