انا معايا كابرس 1991 دفرنس حق السياره عادي
وابي اركب عليه دفرنس مربع لان يقولون المربع قوي يعطيك سرعه وقوه وعزم في السياره
المهم رحت التشاليح قيمه الدفرنس 1700
اول محل رحته واحد مصري قالي الدفرنس بـ 1700 وقالي افكه لك من هذه السياره كابرس 93 ltz
المهم قالي وعليه ضمان اسبوع
المهم قلت له انا برووح ااسأل التشاليح المجاوره قالي روح اسأل
وقالي الي بيعطيك الدفرنس خليه يوريك السياره الي بيعطيك منها الدفرنس
قلتله ليش قال علشان بعضهم يفك الدفرنس الخربان ويصلحه ويبيعه لك ويقعد معاك كم شهر
او سنه وينعدم
المهم رحت محل ثاني كلها دفرنسات مستعمله المهم راعي التشليح سعودي بغييض
قال الدفرنس بـ 1700 وضمان 10 ايام
قلت له الدفرنس مفتوح قالي لا ما عليك شد بلد انت ما لك الا سياره تمشي
وكل ما اساله عن شي يقولي انت مالك دخل ما لك الا سياره تمشي يا زين الاجانب تسولف وتطقطق عليه وانت مرتاح وكمان يعطيك من خبرته في الدفرنسات
الخلاصه وش افضل المحل الاول المصري و لا السعودي مع العلم ان المصري كذب عليه في شي
لكني كفشته وقام يصرف
والسعر ممتاز ولا مضحوك عليه هذا غير التركيب
