زيوت السيارات تتحمل 12000 كلم او اكثر وهنا الدليل

يعطيك العافيه عالتوضيح يالغلا ماقصررررررررت

بس هي حسب الزيت فيه يمشيك 10 وفيه 15 وفيه 5 وكلن وقيمته

وازيدكم من الشعر بيت كان عندنا ماركيز ممشاه فوق الاربعمية الف وكان نفس الحكايه

الزيت مايتغير الا كل ١٠ الاف وتمتد بعض الاحيان لل١٥ الف او اكثر وماقد توضب ولا شي

انا عندنا ماركيز 2006 الحين طق فوق الميتين الف ماشا الله وانا نغير الزيت بدون انتظام

بعض الاحيان كل عشره الاف بعض الاحيان توصل 20 الف على المزاج وللحين ولا احلى

مافيه الا العافيه سالفة تغيير الزيووت كل 5 الاف فيها مبالغه مع تقدم المحركات وانواع الزيوت

الشركه الصانعه على بالها الزيوت الي عندك سنعه ماهي مغشوشه او معاد تكريرها

تعتمد على نوع الزيت

معامل الطقس يختلف عندنا عن غيرنا هذى الشي الاول

يعني هم اصلن برى يستخدمون زيت خفيف وهذى اعتقد افضل يستخدم زيت خفيف وقت الشتاء لديهم

لكن احنا جونا طوال السنه بصفه عامه حار اضف على ذلك

احنا سيارتنا دايم قومات وندعس امها ونشد على الموتر ونطلع طعوس وغيرها

وهذى يؤثر على الزيت ايضآ

انا بالنسبه لي عمومآ عندي ياريس مكتوب في الكتالوج عندي ان كل 1 لتر تمشي عليه بحد اقصى 1000 كيلو

وسياتري تشيل 4 علب يعني المفروض على كلامهم في كتالوج ما امشي عليها الا 4000 كيلو

وجميع الوكلاه عندنا اغلبهم يقول صيانه كل 5000 كيلو مهمه صيانه دورية مع تغير الزيت واكيد سوى وكلائنا او الي برى اهم شي عندهم فلوس


الواحد صار صراحه مايدري وش يسوي

لكن انا عن نفسي كل 4000 الى 5000 كيلو اغير زيت وسفون مره وحده واريح راسي

زيت بترومين 4 علب مع سيفون بـ 80 ريال كل شهرين او كل ما اقطع 5000 كيلو ايهم اول اغيره يعني تقريبآ يكلفني بالسنه حدود 500 ريال


اخاف اتهور امشي اكثر من 5000 ويصير شي بالمكينه عاد المكينه اغلى واخس حاجه اذا خربت بالسياره

فما عندي مشكله ادفع 500 ريال بالسنه واريح دوشه الراس بخصوص زيت ولا اقعد امشي على سياره اكثر من 5000 وكل شوي اوسوس واخاف تخرب سياره

ياخوي لمن يكون الزيت الي عندنا اصلي بمعنى كلمة اصلي اقولك ايه

لكن لمن يكون مكرر انسى حده 5 الاف وتصير تشوفه اسود بمعنى كلمة اسود


وتبي تتاكد روح للبناشر قول لهم الزيت وين يروح ...!

يقولون لك تجي تشتريه الشركه عشان ترجع تكرره وترجعه لكم ..!!

و الله يمكن على حسب نوع الزيت اللي ينحط بالمكينة !
لكن على العموم الإحتياط واجب كل 5 آلاف كيلو جيد

أنا ذكرت فورد تحديداً عشان سالفة الصيانة المجانية هذي
إذا كانوا يغيروا لنا الزيت مجاناً كل 8 آلاف مع إنه يتحمل إلى 12 ألف فهذي خسارة لهم مو لنا ! ..
وأنا شخصياً إذا خلص عقد الصيانة المجانية لسيارتي راح أودع الوكالة وما عاد بشوف وجوههم إلا إذا شريت سيارة ثانية من عندهم :smile:
والزيت أغيره في الورش بنفسي وأمشي عليه حسب المسافة المحددة له ..

صحيح الزيوت المحلية ما تقارن بالامريكية

كتلوج الفورد مصور علبة الزيت موتركرفت ويقول عبوا من هذا الزيت

او اي زيت آخر يتطابق مع مواصفاته

ووكيل ميركري يستورد نفس هذا الزيت من امريكا وبرضه البعض يشتريه ويمشي عليه 5 الاف ويرميه

يعني المشكلة فينا

ووكالة ميركري نفس الشي موعدك عندهم كل 8 الاف لتغيير الزيت

يعني الشغلة والله اعلم فيها استنزاف اموال

على فكرة الكتلوج وضع تغيير الزيت كل 8 الاف كيلو للاستخدام العنيف فقط

اما العادي كل 12 الف

الا على شان يشفطون جيب المستهلك اكثر وانا لو ماعندي صيانة مجانية منهم مارحت الا كل 10 الاف كيلو ...

وانت احسبها على 8 الاف كيلو و 12 الاف كيلو وشوف كم راح توفر على مدى 5 و 10 سنوات !!!!

وعليكم السلام
في كتلوج سيارتي الموهافي كل 10 الف
وانا اتبع كل التعليمات الموجودة بالكتلوج ومنها الزيت للمحافظة على السيارة

تحياتي اليك

لا تلتزم بكل كلام الكاتلوج
لأن الزيت الي يستخدمه مصنع السيارة يختلف عن الزيت الي يغيروه الوكلاء عندنا
مثلاً وكيل فورد عندنا يغير الزيت كل 8 آلاف كيلو .. إذا كان المصنع قايل لهم كل 12 ألف , ليش هم يغيرون لنا كل 8 آلاف ؟ عشان سواد عيوننا !؟ :bigggrin:
أكيد لأن زيتهم يفرق عن زيت المصنع
والزيوت مو مثل بعض
بعضها يمشيك 3 آلاف وبعضها 5 وبعضها 15 وكل واحد أدرى بزيوته :tongue:

الشركة الصانعة هي الأدرى بمحركها لا الولاية ولا غيره
الأفضل هو ترشيد الاستهلاك وتقليل المشواير اللي مالها داعي

صحيح كلامك

واللي متاكد منه الكتلوجات لكل سيارات فورد

من 2007 وفوق للاستخدام العادي ينصح بان الزيت يتغير كل 7500 ميل يعني 12 الف كيلو

لكن حنا ما نقرا الكتلوجات واذا قريناها ما اقتنعنا