" نوكيا تيوتا البسام "اتفضلو هنا لاهنتو

اجل ياحبيبي وش تحسبه يكسب ؟ 10 الاف ؟ 20 الف ؟هذي للشريطيه وبعد قليل
ابضرب لك مثال واقعي وانت احكم عمي في 2006 بغى يطلع فان اوديسي من هوندا على ايامها والوالد يعرف واحد يشتغل في الوكاله تدري بكم جابها له ؟ جابها له على انه الي يشتغل في الوكاله مطلعها لنفسه فل اوبشن ب 75 الف وش رايك ؟؟؟ بدل 105 الف وهذا والوكاله كذا موخسرانه بالعكس ربحانه !!!
يااخوك اذا ماجاء مربحه 45% انا ماافهم

تخيلوا ددسن 2011 خليجية فل كامل على الزيرو ب 61 الف وجنبها هايلوكس 2011 فل كامل ب88 الف ؟؟

فرق 17 الف وكلها سيارات وكلها قوية وممتازة ومرغوبة وتعيش معاك
17 الف تجيب لي سيارة ثانية من جد

عندك الايفون اول مانزل اتوقع وصل 4 الاف وكانوا اصحابها كاشخين ومايردون السلام ولكن من نزل الجالكسي اس تغيرت النظرة شوي هههههههههه
ومن نزل جالكسي اس تو اصحاب الايفون راحو يبعون جوالاتهم بالحراج هههههههه
الهدف من القصة سامسونج نزلت جوال احسن من الايفون مواصفات وجودة وسعر اقل مما اضطرت شركة ابل الى خفص سعر الايفون الى 2400؟؟ فرق 1600 ريال مو سهل
دائما هناك بدائل ممتازة وحلوة وقبل مانشتري اي شي نسوي مقارنه بين شيئين وبالنهاية ماراح تختار الا االلي يرضيك من ناحية المواصفات والجودة والخدمة والسعر

هذه النظرة المفروض تتغير من زمان عند [العقلاء]. لكن العقلاء عندنا قليل.
و ما شاء الله تبارك الله على السيارة 87 الي عندكم , و لكن..

هل تويوتا الجديد بقي كذلك؟!
طبعًا الجواب عندك و عند البقية [العقلاء بالتأكيد].



يا سلام عليك كفيتني الرد الطويل. هذا الانحدار هو الواقع مع كل أسف. لو قلت ذلك في بداية ردك كان اختصرت :xyxthumbs:

آنتم تتكلمون وتقولون عبد اللطيف فيه وفيه وفيه .
مآاختلفنا حرامي وريحته طالعه بعد .
بس مالاحظتم ليه الناس متجمعين عليه ., الناس اذواق .
ماقد سمعتم .بالمثل
كل فوله ولها كيالها
يعني لولا اختلاف الاراء لبارت السلع ., عشان كذا
تويوتا لها تآثير كبيير في الشعب السعودي خاصة عن كل الشعووب
عندنا جيب 87 احد الان بحالة جيدة ويخدمك ., ماشاء الله بس .
مع انا كارفين امه طلعة الديرة وخرجات .
لآتستغرب اذا فضل احد تويوتا على هونداي
ونوكيا نفس الشي سهل الاستخدام حتى جدتي تستخدمه . ههه
لكن جب لها سوني اريكسون تحفر خخ
ومثلها البسام وبروجيه والدنهل والخ ...\\
سمعتها الجيدة وجودتها استعمالها هو االي خلاها مرغوبة لحد الان

......

مع اني الاحظ تويوتا في انحدار بس متى توقف االله اعلم

للمعلومية ايضا الدولة لا تأخذ جمارك على عبداللطيف جميل

انا ما لفت نظري غير
بروجيه وهونداي والبلاك بيري عملوا عمايلهم

البلاك بيري معاك حق
هونداي مو لوحدها معاها شركات كثير
اما بروجيه !!
والله انه شماغ مضروووووووب
انا مجربه ياخي بعد كم غسله لونه يروح ويبدأ يصفر لدرجة انو ما تقدر تلبسه خلاص (انا مجرب الشماغ الابيض)
اما البسام والله انو مررا ممتاز طبعا مو البسام لوحده ممتاز
بس بروجيه سيييييء جداااااا

يعطيك العافيه اخوي الغالي على الموضوع اللي الهدف منه التوعيه و تنوير بعض العقول قد نختلف و لكننا بالأخير نبقى إخوة

اسمحوا لي بأن أقول فيه تجار ماهمهم إلا فئة من الناس تختارهم و مقتنعين بما يقدمونه من خدمات و الإهتمام اللامحدود لعميل و لايعرفها إلا من اشترى منهم وقد يكون سعرهم مرتفع عن التاجر الآخر
و فيه تجار همهم الجشع و أخذ كل مافي جيب العميل و يبيع الزين و الشين له و خدمة ماتسوى ريالين و ياخذ منه ألفين و قطع ردييييييييئة وصينية الصنع و يقولك أصلي.
نجي للمهم
الحمدلله جربت كل الأشياء المذكورة بالموضوع و اكتشفت اني بغمام طوال تلك الفترة القصيره فالحمدلله شماغ دانهل يسحب بالبسام تسحيب بس غالي و له ناسه و السوني اريكسون قوة و جودة و بطارية أطول و شاحن يكرف كرف و النوكيا كل ساعتين و انا اشحن و الا اشتري شواحن الشكل القبيح و المحلات ياكثرها بس نوكيا ((شطحت بالموضوع و مسوي دعايه ))
نجي للموتر التويوتا الياباني لايختلف اثنين على قوتها و متانتها و لكن هذا المفهوم استمر في التسعينات فقط و لكن مع بداية الالفيه الجديده بدأ الصانع بالانحدار بالتصميم و رداءة الصنع و الحمدلله تنورت العقول و انتهى زمن التويوتا و صار من الماضي إلا لمن لا زال يبكي على إطلاله و تأخذه العزة عليها :(
الحين محلات تويوتا وش كثرها صحيح لكن ماتلاحظون الزحمه عليها ليش ؟؟؟ (( مسوين تخفيضات )) لا .. لكن لسوء الصناعه و ردائته و خرابه السريع و العالم مبسوطه وتقول محلاتهم وش كثرها (( حتى فرن حاررتنا يبيع قطعهم )) و رخيصه ادخل على المواقع الصينيه لقطع الغيار أو الأمريكيه لو حبيت ترتقي وشف الاسعار الرخيصه واذا بتقول مو صيني اقلك ان ابو جميل براسه و أذانيه يبيع صيني ((يعني اذا رب الدار للدف ضارب فشيمة .... )) و بعد مدة إلا وانت دفعت أضعاف مادفعه غيرك بوكيل آخر إللي قد يكون غير نفس قطعتك بسعر أعلى و لكنها تدوم معه و علشان كذا نشوف الوكيل مو منتشر.
وعقلك براسك واعرف خلاصك:a1120(121):

ويسلمووووووووو على الموضوع الحلو:xyxthumbs:

أول ما قريت عنوان الموضوع نوكيا تويوتا فهمت المضمون على طول.
الحمد لله الوعي التجاري بدأ , و الي هو مطلب شرعي قبل أن يكون اقتصادي.. هل تعلمون ذلك؟! لكن ما زال في بدايته و القادم أكثر إن شاء الله.

يقولك ابو متعب الله يحفظه

تعوذوا من ابليس

هههههههههههههههههههههههههه

اعتبر من الناس ولاتكون عبرة لهم
مافي أحد يحميك أبدااا احمي نفسك بنفسك
السيارات والجوالات هذي وسائل لا أقل ولا أكثر كل فترة بترميها وتجيب غيرها مهما كانت مواصفاتها وأشكالها
السوق عندنا مافيه عدالة إما شركات محترمة وإما دكاكين تبيعك بنفس قشرة وإن تضررت ماطلوك وكرهوك في السيارة
لذا جيب وكيل بمواصفات أبوجميل لنيسان وسوبارو وهوندا وغيرها وبتشوف الناس تتجه له
حتى النوكيا معروف بسهولة استخدامه وقبوله لأي تطبيق وتوفر إكسسوارات وقطع غيار له فليه أتجه لسوني أريكسون وإذا خلص الشحن لازم أرجع البيت

باختصار اختيارات الناس تحكمها الراحة كم واحد غيّر عن تويوتا وبحث عن طبلون مايقرقع وبحث عن شاشة يشاهد فيها دورات وطرق مل منها وبحث وبحث وبحث وفي النهاية باع سيارته لميكانيكي بأبخس الأثمان وممكن باعها مخارجة (ثمن تصليح ) الاختيارات موجودة والوكالات في كل محل والضحايا بازدياد تبغى تحرك فلوسك اشتري مواصفات وكلها شنة وإنت مال منها أو طلع أفضل منها .
خذها حكمة لاتطارد سراب

ياغالي انا مقدر تعبك على ردك لكن كلامنا على الاسعار وانه يربح اكثر من 60 الف الكلام الغير واقعي

اذا تبي تناقشني عن المواصفات افتح موضوع اخر اتمنى نركز على محور الموضوع الي هو الربح !!!

واذا مو مصدق الاسعار ادخل على الموقع بنفسك وتأكد ,.

297 الف جايز ...
بس شوف السعر هذا عندك بالسعوديه وشوف المواصفات

مليون في الميه اذا كانت السياره عند ابو جميل للسيارات المنتوفه
تلاقي سبعطش الف ميزه ناقصه عن المواصفات الامريكيه بنفس السعر اللي انت ذكرته
وهذي مايبغي لها كلام

بفيدك اكثر ،،،، الوالد شرى VXR 8 سلندر حلو موديل 2005
طبعا الوالد طلبه طلبيه بدون فتحه وبدون جلد لانه مايحب لا الجلد ولا الفتحه والسياره مو ناقصها ولا شي وارد البريمي

فيه واحد من من الاقرباء شرى نفس الموديل بس ناقصها مميزات هههههههههههه
ياخي مايخلي سوالفه ابو جميل

نتف عليه التخشبيه الي بالدركسون ومافيه بلوتوث وغيره من مواصفات ...ايش رايك شغله عدل ولا (،،،،،،،،،)


تحياتي

طيب ياغالي سعر الجيب اللكزس بامريكا 79,455 دولار واتوقع بدون تاكس
بالتحويل الى الريال السعودي = 297,995

كلامي ليس دفاعا عن عبداللطيف جميل او شماغ البسام .. الخ

انما احقاقا للحق .

هههههههههه الا صايد ابوهم بعد
شوف انا بطلب منك طلب
انت خش موقع تيوتا الامريكي
وخش موقع تيوتا السعودي وقارن بين الاسعار
وقارن بين المواصفات
وانت احكم بنفسك
لااكثر ولا اقل :smilie16:
ياحاميهم انته:tongue:

موضوع طيب من شخص طيب ..بس ماله داعي تعصب ههههههههه
خلي الوضع ريلاكس ..
شوفي ياعزيزي ,, بالنسبه لعبداللطيف جميل للسيارات ( المنتوفه ) استغل الشعب السعودي عامة وخاصه بعض الفئات وانا اقول كلهم ..بجوده تويوتا لانها يابانيه الصنع ..اما الحين شغل ابو تلفيقه ...
فطالما الشعب السعودي يشوف انه سيارات تويوتا مثل الجبل واقوى من الجبل هذي تعتبر لحالها
مشكله عويصه ان صح التعبير ...وهذا عبداللطيف مستغل الشعب السعودي ..ولاتنسى انه ماحولك احد يعني يلعب على راحته والشعب السعودي وراه وراه يشتري وماهمه لا مواصفات ولا تقنيه ولا هم يحزنون..وهذا اللي رااح يخليه يتمادي في اسعار السيارات ويسرقك عينك عين..وفيك خير تكلم
وحتى لو كان فيك خير وتكلمت..اعرف انه صوتك ماراح يتعدى باب السياره اللي انت تملكها ..
فمهما عملتم عندك شعب اصمخ ومايشوف وماعم الشعب كلهم..
فطالما انا اسرقكك عينك عين واشوفك ساكت وبالع العافيه وش المانع اني ماستمر في سرقتك
طالما مافيه لا حماية مستنزف اقصد حماية مستهلك ..وسع صدرك يارجال متعودين على السرقات في كل شي ..
اعطيك مثال عشان تعرف انه اذا شافو حرامي يسرق ومافيه احد يمسكه الكل رااح يسرقكك وانت مفتح عيونك ,,,

جوال ايفون 4 نزلت فيه خدمه الفيس تايم حلو ...مجانا طبعا في الخارج لا فلوس ولا هم يحزنون

من وصل السعوديه بدى النتف فيه ..ههههههههههههه ياسبحان الله حتى الجوالات ماسلمت من السرق..ايش عملو فيه ..راحو يخفون الخاصيه الحلوه من الجوال وقالو ممنوعه ..وهي ماهي ممنوعه ..بس هذي مقدمات للسرقه ...وبعدها بفتره قالو انت يابو الشباب تبي الخدمه هذي ادفع
هههههههههههههه .. لاحظت بعض اجهزة ايفون اذا جيت تفعل الخدمه يقولك راح ناخذ عليك رسوم ههههههههههههههههههههههه
لا حول ولا قوة الا بالله ..كل شي سرق في سرق اي ريال في جيبك لازم يطلع ماله داعي تخبيه لليوم الاسود
والحمدلله اني شريت الجهاز من بريطانيا لاني بصراحه ابي استمتع بالجهاز بالمبلغ اللي يستحقه بدون مانسرق فيه ..

اخر مثال ..سرقة بيوت الناس ..كيف ؟؟
انا اعلمكم ..نزلت مكنسه كهربائيه اسمها ريمبو يمكن سمعتو فيها ..سعرها بالخارج 3500 ريال

سعرها بالسعوديه عند وكيل محتكرها 10500 ياساتر نعنبو شاري مكينه قلاب مرسيدس وانا مادري
فعشان كذا وسع صدرك واركب الهوى صاروخ هههههههههههههههه

تحياتي

مع احترامي لك وللكاتب الي واضح انه جاهل بهالامور اجل الشاص تويوتا تبيعه على عبداللطيف جميل ب 60 الف طيب لو انه فكر شوي وشاف الاسعار باستراليا مثلا او بامريكا راح يلاحظ فروق بسيطه بالاسعار .

النقطه الي باوصلها مستحيل يوصل ربح الوكيل 65 الف بالعقل يعني !!!
مع احترامي هذا استخفاف بعقول القراء قد يكون لدى عبداللطيف بعض المشاكل او الاخطاء لكن بنظري هو افضل السيئين الموجودين انتشار فروع + قطع غيار

بما انك تبحث بالموضوع ادخل موقع تويوتا يو اس او لكزس وشوف لنا كم يربحون الله لايهينك ياصايدهم .