السلام عليكم
عندي كابرس 96
كان تمام التمام
لين فجأه ارتفعت الحراره يوم فتحت الكبوت اكتشفت ان المراوح ماتشتغل
رحت للكهربائي فحصها قال لي ان مروحة المكيف خربانه ولازم تبديل
والمروحه الرئيسيه شغاله بس تحتاج تبديل الكتاوت وفعلاً بدلت مروحة المكيف
وبدلت كتاوت المروحة الرئيسيه واشتغلت المراوح كلها الثنتين
لكن اول ماطلعت من عنده ارتفعت الحراره مره اخرى
واكتشفت ان المروحة الرئيسيه ماتشتغل الا اذا كان المكيف شغال
يعني اذا وقفت عند اشاره والمكيف طافي ترتفع الحراره صحيح انها
ماترتفع بسرعه كبيره لكن دقيقتين تتعدى النص ولو تركتها فتره اطول
تصير فل
اذا شغلت المكيف تصير الحراره ثابته على الربع حتى في عز الحراره
لكن المشكله في الشتاء مااقدر اشغل المكيف البارد في البرد واكره الدفايه
فااضطر اترك المكيف طافي وهذا يخلي المروحه ماتشتغل والحراره ترتفع عند الوقفه
ابي حل
بحيث المروحه الرئيسيه تشتغل بدون ارتباطها بالمكيف وتشتغل على ضبط الوكاله
يعني فوق الربع تشتغل على طول وتطفي اذا بردت؟
