السلام عليكم ورحمة الله وبركاته ..
كيفكم إن شاء الله بخير :ch19: ..
ياأخوان أنا قررت أشتري لي توروس 2012 نص فل من الامارات بحكم إنه أرخص وأفضل مواصفات من اللي عندنا بـتشغيل البصمه + الفتحه + سماعات سوني + الألوان السبعه + كاميرا
وفعلاً حجزت لي وحده من هناك وقالوا لي بتوصل بعد شهر تقريباً بعد عشرين يوم من الآن المهم وأنا أدور بالنت بالصدفة طحت على بي ام دبليو الفئة الثالثة موديل 2011 مستعمل نظيف وأعجبني شكلها جداً ولونها أيضاً جداً أعجبني وسعرها مثل سعر التوروس اللي بشتريها تقريباً بمية ألف كل الثنتيين عموماً احترت وطاار راسي مع التفكير واتصلت على وكالة فورد بالامارات قالوا لي اذا ماابيها اقدر اكنسل الحجز وجلست بحيرة من أمري ..
- مرة أٌقول خلني أخذ لي بي ام بس أحسن وأكشخ واسم ورزه واللي يركب ألماني مو مثل اللي يركب أمريكي وأكيد إن الراحه فيها مختلفه عن التوروس ..
- ومرة أقول أخذ لي الفورد بس يكفي إنها بتكون جديدة بقراطيسها وفيها مواصفات مو موجودة بالبي ام مثل الالوان السبعه والكاميرا والمكينة أقوى بفارق كبير ..
فتكفون ياشباب ردوا علي تكفون وشوروا علي أنا بأمس الحاجة لكم ولرأيكم وش رايكم وش أخذ البي ام المستعمل " نظيفه " أو الفورد التوروس جديــــده والله شوي وانجن تكفون أفيدوني الله يسعدكم يارب بانتظار ردودكم على أحر من الجمر عشان أقدر أكنسل التوروس قبل مايفوت الوقت أو أبقى عليها تكفووووون ياشبااااب لاتبخلون علي الله يفرج عليكم !!
