قناة السيارات
![Al3as]-[iQ غير متصل](images/metro/blue/statusicon/user-offline.png)
السلام عليكم ورحمة الله وبركاته
يا اخوان هذاموضوع محيرني وقاعد اضرب احماس في اسداس وابحث في النت بس ما لقيت شي مفيد
انا عندي دورة في المانيا اقل من شهر فحبيت استفسر عن مواقع بيع السيارات عندهم وافضل الاماكن الي ممكن اشتري منها
بعد كذا .. الخطوة التالية بعد الشراء وهي تصديرها للسعودية . كيف تتم ؟
الى ان تصل الرياض او جدة او الدمام المهم انها تدخل السعودية وش الخطوات الي اتبعها بالضبط ؟
مع حساب تكاليف الشراء والجمرك والشحن وما الى ذلك
ياليت الي عنده خبره في الموضوع يفيدني
تم نقل الموضوع من قسم اعلانات بيع السيارات الاوروبية الى منتدى السيارات العام
حسب المدينه اللي بتروح لها
عموما بحث السيارات عن طريق الانترنت هي الافضل واللي يعتمدون عليها الشعب هناك
فيه معارض تروح لها وتتفاوض معهم عادي وتكاسر في السعر بعد ( اخر كم؟؟) وكسر روسهم ماعليك احسب حسبتك صح كم تكلفك وكم شحنها وكم جمركها وشوف تخارج معك او لا؟؟
هذا الموقع الاول
http://www.autoscout24.de/
وهذا الموقع الثاني
http://www.mobile.de/home/index.html
شيك عليها وشوف الاسعار التقريبيه وعلي فكره تري اذا بتصدر السياره يخصمون التاكس ويعطونك سعر حلووو
ومشكلتهم اغلب السيارات من جوا اللون اسووووود !! يفضلونه عن غيره من الالوان والشي الثاني سياراتهم يمشونها كثيرررر عندهم هاي واي يفتح النفس
عن تجربه كنت في برلين ومعارضهم قليل والمعارض غير نظامها عن هنا يعني في السعوديه مجتمعين في مكان واحد هناك لا فالافضل تشوف المواقع وتتصل عليهم
الشحن مايطول مثل امريكا اتوقع اسبوعين الي شهر بالكثير (ماجربت لكن اسمع)
الف شكر اخوي ما قصرت ربي يعطيك العافية
دامها كذا خلني اخبص معهم واشوف وش يطلع معي
بس خلك حولي ههههه تراي من جنب القدة
بس من ناحي السيارات ونظافتها واسعارها ماعليك حنا KSA مايقدرون علينا
ولو مصرح لنا بالصناعة كان أفضل صناعة هي الصناعة السعودية ولكن ... قدر الله ماشاءالله فعل
مشكلتي انا بس شغلات بسيطة مثل عملية الشراء وتحويل المبلغ والأوراق المطلوبة ولجمرك ومن هالسوالف
لأني اول مره اسافر دولة صدقية هههه
حياتي كلها ماطلعت الا الامارات اسبوعين والبحرين 3 ساعات طفشت ورجعت افتر بالشرقية
لكن ان شالله ماتقصرون بستدل على دربي ع طريقك انت والاخوا بالموقع
شاكر ومقد حسن تعاونك معي
على فكرة
شلون احسب فلوسهم بفلوسنا !
هم يتعاملون باليورو ! بس كيف حسابة .؟
^ ^ ^
1 يورو = 4.9 ريال << هذا السعر حالياً مع أزمة انخفاض اليورو ..
وعسى الله يوفقك في رحلتك وفي صفقة السيارة
رد مع اقتباس