قناة السيارات
السلام عليكم جميعا
وكل عام وانتم بألف خير
أخواني عندي صوت في مكينة السيارة ومسوي لي قلق (طق طق ... متواصل) من وقت ما أشغل السيارة إلين اطفيها من غير توقف سواء كانت السيارة باردة او حارة.
المشكلة طلعتلي بعد ما غيرت زيت السيارة من قلف 40-50 إلا كاسترول ماقنيتك اللي العلبة ب 45 ريال 10-30 وسافرت عليها للجنوب ومن وقتها والسيارة صوتها كذا ...
سويت تنظيف للمكينة ورجعت لزيت قولف 40-50 وما في اي تحسن.
ارجو منكم المساعدة لأني كرهت الورش من كثر ما يفتون وحيروني.
البركة فيكم يا شباب
وعليكم السلام ورحمة الله وبركاته
للأسف اكبر غلط هو تغيير نوعية الزيت او بالاصح اللزوجة الموصى فيها من الوكالة
وتغييره يسبب ظهور صوت اما في تكايات البلوف او طرمبة الزيت او حتى الجنزير
والافضل مراجعة كتيب السيارة وملاحظة ماهي نوعية اللزوجة الموصى فيها من المصنع
سواء كانت 20-50 او 10-30
لمعلوماتك زيت كاسترول مجناتك 10-40 وليس 10-30
طبعاً من ناحية تأثر الماكينة لا اعتقد فيه مشكلة سواء صوت لا غير مادام مافيه اي دخان او علامة واضحة في السيارة على عطل ما
أخوكـ
السلام اخوي امير
بصراحة ما تغير علي شي غير هذا الصوت المزعج برغم أني غسلت المكينة ٣ مرات ورجعت للكتلوج وحصلت ان لزوجة ٤٠-٥٠ هي اللي موافقة.
يعني ياشين الفلسفة.
علا العموم الورش دوخوني.
اللي يقول شدادات الجنزير
واللي يقول تكايات الزيت
واللي يقول طرمبة الزيت
واللي يقول السبيكة
وهذا أنا محتار في ذا الصوت .
احذر ثم احذر من الغسيل لانه ينشق ويقطع الجلد والصوف الداخلية , طبعاً بخصوص الزيت 40-50 ماتوقع فيه زيت بهذه اللزوجه ؟المشاركة الأصلية كتبت بواسطة Topstars
ولكن ممكن تقصد 20-50 واي صوت يكون داخل الماكينة صعب تحديده لان له اسباب كثيرة اما تكايات بلوف او شدادت او جنزير او حتى طرمبة زيت وسبيكة مثل ماتفضلت
ولكن صدقني توكل على الله ومايصبك الا الي يكتبه الله , واهم شئ انك تحافظ على الزيت الصحيح الموصى فيه من المصنع
سواء في شتاء او صيف ويكون معها تغير لفلتر الزيت بشكل دوري
أخوكـ
السلام عليكم جميعا
تم حل المشكلة
لقد تم تغيير الجنزير الليوم مع الدكايات بالرغم انها كانت لا بأس بها.
وتم تغيير طرمبة الماء لأنها كانت علا الطريق وكانت في وضع ممتاز ولاكن قررت تغييرها بما أني اشتريتها.
الجنزير كان مرتخي ومسبب هذا الصوت كما هو مبين في الفيديو
التكلفة الأجمالية مع القطع من الوكالة
جنزير 225
شداد 125
تكاية الرئيسية 140
تكاية فوق في النص ب 100
شغل يد 500 ريال.
المجموع تقريبا 1100 ريال
والقت ومن الساعة 7 صباحا لين الساعة 5 متواصلة مع وقفات الصلاة والأكل والسواليف.
طرمبة الموية ماكان محتاج اغيرها لان الأولى كان وضعها جيد بس غيرتها وسعرها 260 ريال
مئوية رديتر اصلي مع ماء مقطر ب 60
تغيير الزيت تقريبا 70 ريال
يعني كلفتني ٤٠٠ ريال لوحدها
وذهب الصوت ولله الحمد والشكر.
بصراحة ما بعد التعب الا راحة
ى
وعليكم السلام ورحمة الله
بارك الله فيك على متابعتك الموضوع , وجعلها الله آخر احزانك
أخوكـ
اخي الكريم نفس المشكله والمعانه ممكن تدلني علي هالورشه اللي انت سويت عندهم
.. بالتفصيل في ردي علي موضوع احد الاخوان علي الرابط http://www.assayyarat.com/forums/thread251648.html
أشكرك على إعلامك بالحل. جزاك الله خير. لك أفضل تقييم.
الأخ koko77777 و الموضوع بالأساس لـ: راكب الشفر هنا:
http://www.assayyarat.com/forums/thread251648.html
قد يكون نفس السبب و قد يكون أشياء أخرى وضحتها في ردي. الأسباب عديدة و الصوت متشابه تقريبًا. فلا تحط شيء واحد في بالك.
رد مع اقتباس