كيف حالكم ياخواني
حبايب قلبي ابيكم تفيدوني الله يجزاكم الف خير افاده بمعنى الكلمه
ابي الحل ايش اسوي ؟
بالنسبه لي انا اخترت حل اني استرجع الدفعه الاولى واخذ سياره طرنق عن خشومهم من فرع اخر غير فرع الجبيل
يعني الدمام مثلا
هذي بعض المشاكل الي حصلتها في السياره
طبعا استلمت السياره يوم الاحد الماضي من وكالة الجبر بالجبيل واليوم الجمعه السياره الي الان ماشيه 960 كيلو اعتقد
1- صوت طقه في القير عند تشغيل السياره
2-صوت في الكفرات اعتقد من كثر وقفة السياره وكانك ماسك عليها بريك بقوه
3-صوت في الهوبات علما انه تم خرط الهوبات الاماميه وهي ماشيه 422 كيلو في الوكاله
4- توجد قطع في المكينه عليها صدى ومستغرب بصراحه كيف جاها الصدى
5- يوجد رش بويه على الجنط الايسر الامامي بس يمكن ماتلاحظوه لانه رش نقط صغار جدا
6- توجد حكه بالصدام الامامي جهة اليمين وتم تغطيتها وترقيعها توني اليوم اشوفها الصباح
7- دخول الرطوبه داخل الانوار الاماميه يمين ويسار مثل اللي تشوفها بالصوره شسالفه مادري
8- صوت تنسيم في الابواب الاماميه الراكب والسائق ورحت للوكاله طلبت 2 وعملو لها فاتوره
وقلت لهم 2 هاه بعدها بدت القرقره حقت الهنود وقطعو الفاتوره وعملو فاتوره بربله وحده حقت السائق ؟؟؟؟؟؟؟؟؟
لكم الصور
وابيكم تحكمون شنو اسوي الله يعافيكم
الافاده ايش العمل والطريقه
انتظر ردودكم
تحياتي
