اخوكم محتار و ما خاب من استخار ولا ندم من استشار

السييرا و الباث خيارين ، قوية . [ الباث ما يحتاج امدح فيه ] لأنه معرووف و محد يجهلة بالبر بسم الله ماشاء الله عليه < تنقصة قوة الجر .

السييرا مريح ، و [ مكينة ] و فـ البر جباااااار ، لأنه رغم كبر حجمه الا ان وزنه خفيف . و يشيل 4 طن < و يسحب 4 طن لجسم ثابت [ و هذا حد الوكالة ] .

غير مواصفات الامان ، و رغم انه حوض ، الا انه كشخه ، و محد يستنكرهـ .

أنصحك فيه و بقوهـ .

والله التويوتا شايلها من الحسابات لارتفاع سعرها والمبلغ اللي عندي ما يجيب اللي ابيه

والباجيرو والله الكل يمدح لكن يذمون الوكيل

والخيره فيما اختاره الله

الله يكتب اللي فيه الخير

مشكور حبيب قلبي الله يسعدك وينور دربك

هلا بك اخوي

انا ما شفته ويوم رحت ما حصلته وهذي وكالة العالمية

و بالعيسى غير موجود لاني اتصلت عليهم و قالي مافيه سلفرادو موجود عندهم سييرا ٤x٤

اتصلت بالجميح قالولي السعر و متاكدت انه موجود او لا

لاني كذا كذا بعد العيد ان شاء الله

الله يسهل امري وامرك وجميع امور المسلمين

ياقلبي ابعد عن التيوتا لانا مقاعدها مقاعد مدرسا .! والميستوبيشي من قديم الازل وهو ناجح ولاتنسى صلاه الاستخاره

طيب اخوي انت وقت م شفت السلفرادو , هل هو LT لان لو حصلت ال LTZ افضل ك شكل ~
وانا ابغي اعرف لو عندك معلومه بكمل السلفرادو LTZ ’ ولا هو مو موجود ب الوكاله ؟

الله يسعدك اخوي ابو شهد ويكتب لك الخير اين ماكان و يرزقك من واسع فضله

بالنسبة للنيترو مايوجد وكيل عندنا وسالت عنه وقالي ب٨٦ الف حطيته بالخيارات بس الصدق مو متحمس له واجد

مادري اشوف الليبرتي احسن وكمان الرانجلر الطويل بس الظاهر رفعوا سعرهم غير ان وكالتهم غير موجوده فصرفت النظر

فالخيار والله اعلم مابين الباث او السلفرادو وانا جالس احسبها واقول الحوض بينفعنا اذا ورانا شيء نحمله بدال تدور لفلان وغيره :bigggrin:

ان شاء الله بعد العيد وربك يكتب لنا ولك اللي فيه الخير


نورت استاذي


هلا بك استاذي مرة ثانيه

الله يسعدك

والله انك جبتها

بالنسبة للباث من جد صيده لكن مادري احس ٢٠٠٨ مو قديم شوي <<<يتشرط :c0214:

لكن الواحد يستخير واللي فيه الخير يكتبه ربنا

بالنسبة للفوجي عاجبني لكن سعره مطلعه وبقوه من الخيارات :c0038:

القراند شرروكي ممتاز لكن سعره وعدم وجود وكيل ماخلاني افكر فيه

شكرا لك والله يسهل الامور

أخوي قاقا كنت بقول له القراند شروكي ، بس سعرهـ فوق @@

أخوي بلاك . لا يفووووووتك الباث 2008 . صييييييدهـ .

اخوي الاكستيرا والباث موجوده بالمعارض
وحصلتلك باث 2008 فل مخزن شفه بالرابط
http://www.saudisale.com/SS_a_car.aspx?carid=9715
ووش رايك بالف جي؟:smilie16:
http://www.saudisale.com/SS_a_car.aspx?carid=12499
ونفس كلام اخوي z2
مر المتحده وشف سياراتهم وخاصه القراند شروكي

اذا ما تهمك المرتبة الثالثة ، فأنصحك تمر للمتحدة للسيارات اذا كان فيه فرع لهم قريب منك .
و شوف الدودج نيترو 2011 . سيارة خط لأبعد درجة . و ثباتها عالي جداً ، رساوة غير طبيعية . [ دبلها ضعيف شوي ] يعني مو حق طعوس قوية . < يعني ما ينفع للسحب و الجر . [ يخارج نفسه بس ] . و اذا لحقت على 2011 باقي ما خلص ، ترى سعرة بـ 84 الف ، يوصل للـ88 الف مع التخليص و التأمين و كل شي ، قطع غيارهـ ارخص من تايوتا و من هوندا و من نيسان و من شفر .
عيوبه : وجهه نازل نسبياً للأرض < و يعوض عن ذلك قاعدة العجلات البارزة .
لا يوجد به تكييف خلفي < و يعوض عنه مكيفه الامامي الجبار .
رفارفه بارزة و يبيلك فترة عشان تتعود على وزنيته .

مواصفات المحرك : 6 سرندل ، 3.7 لتر . 210 حصان .

الفئة اللي حالياً عليها عرض بـ 84 الف ، يجي فيها شاشة ملاحة ثابت ، و 9 سماعات ، مع نظام انفينتي السمعي . الداخلية مطعمة بالكروم من موبار .

مانع انزلاق ، مانع انغلاق ، 4 ايرباقات ، مثبت سرعة . حساس خلفي مرئي و سمعي مع امكانية اغلاقه بسهولة . مرءآة خلفية قابلة للتعتيم . شاشة مراقبة لضغط الكفرات و تانكي البانزين و درجة الحرارة و للتحكم بسستم الغلق الالكتروني للأبواب .


و مواصفات كثيرة . سردت اهمها على سبيل التوضيح لا الحصر .

فـ اذا كان فيه وكاله لهم حولك . مرهم و شوف . بالنسبة لصيانتهم كل 10 الاف ، و ما ياخذون واجد . و المبلغ اللي ياخذونه ، يشتمل تغيير القطع الاستهلاكية .

. انصحك تمرهم . و تسأل بنفسك عن قطع الغيار ، مع العلم ان السعر هذا هو عرض لتصفية موديل 2011 ، على 2012 بيكون سعرها 94 نفس قيمة تايوتا rav-4 اللي بدون اي بي اس و بدون شاشه و بدون مانع انزلاق [ مكينة و فتحه و مسجل و كفرات ] .



أما اذا كنت فـ منطقة لا يتوفر فيها وكيل للمتحدة او تسافر لمناطق لا يتوفر فيها الوكيل او احد موزعيه . فأنصحك بالسلفرادو فهو الخيار الامثل . و الفلوس اللي بتحطها فيه يستاهلها ، و الباجيرو لا يقارن بالسلفرادو نهائياً .


اذا كنت فـ منطقة الرياض ، و تبي تشوف الدودج نيترو . فـ اي وقت كلمني و اقابلك تشوف الدودج ، اذا ناسبك فـ لا تتردد ، دعواتك يالغلا .


أخوك ابو شهد .

هلا استاذي قاقا نورت

بخصوص الفورشنر انا ماهضمته لكن سالت عنه بالوكاله ب ١١٩ الف vx 1 و البرادوا اربع سلندر وقير تماتيك قالي ب١٢٤ الف و الاثنين موب موجودات حط فلوسك وصف سرا

وسعرهم بالمعارض مبالغ فيه

بخصوص الباث و الاكستيرا حطيتهم بحساباتي لكن للاسف مريت وكالة نيسان قالي موديل ٢٠١١ مانزل وماعندهم خبر واحنا على ابواب ٢٠١٢ ومادري اذا موجودة بالمعارض او لا

شكرا لك والله يعطيك العافية

هلا اخوي تركي

الله يسعدك يارب

اتصلت على واحد عنده بايجرو قالي مايحتاج ومدح فيه يقول عندي سنتين مادخلته الوكاله بس زيت و الخفايف

و قالي ابعد عن التايلندي يقول عزمه تعبان رغم انهم نفس المكاين :c0214:

وبالنسبة للقطع يقول اسعارها معقوله مع الارتفاعات الحاليه لكن المجك هو توفرها

وانا صدق اميل للسيرا لكن مستغرب انها مب موجودة وسعرها ب١٣٠ كثير و خارج نطاق التغطية

شكرا لك اخوي والله يوفقك بالدنيا والاخره

انا اشوف الفرونتشر والبرادو من تويوتا
والباثفيندر والاكستيرا من نيسان افضل الخيارات لك