بالنسبة للسعر عند البيع . الجي اكس ار قيمته 214900 [ من ابو جميل ] و خلنا نقول ماشي 20 الف . و جيت تبيعه ما رح تتعدى قيمته الـ 185 الف [ هذا اذا كانه مقطوع من الوكاله و على موديله ] ، كم نقص ؟ حدود الـ 30 الف .
و التاهو ال تي زد قيمته عند الجميح 167 ، [ لؤلؤي و طبعاً هاللون يرفع من قيمة السيارة ] .
و فرضنا انك جيت بتبيع و التاهو ماشي 20 الف و على موديله . فـ معارض النسيم يسومونه لك [ الشريطية ] بـ 140 و انت مغمض ، كم ينقص ؟ حدود الـ 30 الف .
يعني احسب فرق السعر [ الشراء - البيع ] . مو تحسب لي قيمته عند البيع ، و تتجاهل قيمته وكاله .!
فـ اذا جينا نقارن بين السيارتين لازم نقارن بعدل . انا مو متعصب للتاهو . و مستحيل اشتريه بيوم من الايام ، لأني افضل سيارات الكروس اوفر على سيارات اللارج اس يو في .
بس الحق ينقال .
اللاند الى موديل 2006 اقولك لو تحصل نضيف بـالـ 120 ، خذهـ و انت مغمض .
لأن جودته عاليه .
اما التاليات ، لا جودة . و لا صيانه زي الناس ، و قطع غيارهـ غاليه ، و خراباته واجدهـ .
و هذا الكلام ترى مو من راسي .
و لاهي وجهة نظر شخصية ، و لا هو كلام ناس . ما جربو و لا استخدمو . انا كان عندي لاند 2002 ، عزاهـ له ، قوة ، و جودة . عاليه .
و مجرب اليوكن حق الوالد فـ البر ، و ع الخط . اكثر من مرهـ ، و ربي اقوى من اللاند بدرجات .
مع العلم ان التاهو اقوى ، و افضل من اليوكن .
و اللي يثبت كلامي ، موقع : usnews
السيارهـ الاولى لعام 2011 [ على سيارات اللارج اس يو في ] : التاهو .
من سيارات تيوتا : السكويا و ترتيبه الثالث .
اللاندكروزر ما له ذكر ابد .
http://usnews.rankingsandreviews.com/cars-trucks/rankings/Affordable-Large-SUVs/
و هذا الرابط .
و عشان ما تقولون الموقع متعصب للسيارات الامريكية .
ترى تيوتا اخذت المركز الاول على سيارات الكروس اوفر و سيارات الدفع الرباعي متعددة الاستخدامات بسيارتها : rav-4 .
http://usnews.rankingsandreviews.com/cars-trucks/rankings/Affordable-Compact-SUVs/
http://usnews.rankingsandreviews.com/cars-trucks/rankings/Affordable-Crossover-SUVs/
و حتى هونداي . اخذت المركز الاول على السيارات الصغيرة بسيارتها : النترا . لعام 2011 .
آسف على الاطالة
اخوكم : ابو شهد
