.. ونصيحة للجميع قبل شراء سيارة

كلامك صحيح اخي بارك الله فيك , النص فل لا يوجد به نظام مانع الانغلاق في الفرامل , وليس فيه ايرباق للراكب وانا ضحكوا علي يوم اخدت السوناتا 2009وقالوا ايراباق الراكب موجود خلف فتحة المكيف أقصى اليمين , استغربت من الكلام معقول يوجد ايرباق ولا هو مكتبوب على الطبلون ايرباق ؟, طيب الشركة كتبوها على الدركسون وعجزوا يكتبونها على الطبلون ناحية الراكب ؟ ثم اكتشفت انها كدبة وطاحوا من عيوني ,, السيارة ماشفت منها الصراحة مشاكل كبيرة وعمليه وناعمة يمكن لأني ناعم معها ولكن .. موضوع الفرامل وموضوع الايرباق للراكب والسائق مهم جدا وانا ارى سيارة حوت كل هدي الامور بسعر مناسب ومنافس وضمان رائع وهي فيوجن ناويها صراحة اول ماتنزل ان شاء الله ,,

الف الحمدلله على السلامة

خلك من السيارة اهم شي انت والحديد يتعوض ان شاء الله

السلام عليكم

الحمد لله على السلامه ،،


اللوم يقع ليس على الوكيل فقط بل على هيئة المواصفات والمقاييس الفاشلة بكل المقاييس في مجال السيارات ، يفترض ان يكون ال ABS الزامي وعلى الأقل ايرباقين في محاولة للحد من الحوادث الكارثية في بلادنا واعطيكم مثال بسيط يوضح فشل الهيئة:
الباث فايندر موديلات 2004 كان يباع في الوكيل بكفرات تتحمل حرارة B ( واللي مايعرف المستويات هي ثلاثة , و الأعلى هي A)
اتمنى افهم المنطق الي يجعل الهيئة تسمح باستيراد سيارة بكفرات قدرة تحملها اقل بكثير من الاستخدام الأغلب انه سوف يكون مناطق صحراوية بحكم انها سيارة دفع رباعي وفي بلد من احر بلدان العالم!!

كل من مواصفات الوكيل البايخه عشان يخفض سعرها
مأدري يكسب من السياره اكثر يطلب السياره بدون ABS
وبرضو الجمارك والتجاره والمقايس وغيرهم يتحملون الغلط
لانو مافي مواصفات أمان ألزاميه على الوكلاء

الحمدلله على السلامه وكويس جات في الحديد

بس انا افضل لو تروح تكشف من باب الاحتياط يعني ان شاء الله مافيك الا العافيه

وبالنسبه للنقطه اللي ذكرتها أنا أحيي فيك المشاركه حتى يستفيدو بقية الاعضاء من تجربتك

كثير من الشباب يهتم بالمظاهر والمواصفات الكماليه على حساب الجوده خصوصا في السيارات الكوريه

الكماليات والمواصفات حلوه بس لاتخليها تنسيك المواصفات الاساسيه والجوده

وتحياتي لك ,,,

الحمد لله على السلامه

في الحديد ولا في العبيد

والله يعوضك باللي احسن منها

الله يبارك فيكم ويسلمكم جميعا كل واحد بإسمه على هذي الردود الطيبة

وتعقيب سريع على أبرز النقاط في الردود
أول شي أنا بخير وصحة والحمدلله
وسيارتي صلحتها بـ10000 ريال تقريبا في أفضل ورش الرياض مع ضمان 4 سنوات على البويه

وبخصوص كلامي عن الوكلاء وأنظمة الأمان الأكيد أن بعض الوكلاء من أصلهم وهم يجيبون السوناتا مع مواصفات الأمان
أنا شريتها من الأقرب في ذالك الوقت والحين أشوف أن الوضع تغير وتعددت الفئات وصارت عند الوكلاء مثل المجدوعي 11 نوع

وبالنسبه لكلام الأخ سوناتا V6 بالفعل أنا مخطي لأني ماسألت عن مواصفات الأمان
ولكن هذا لايعفي وكيل السيارة من المسؤلية عن التقصير والإستهانه بالأرواح
والهدف من الموضوع تنبيه الجميع بأهميه المواصفات الأمنية للسيارة
وكلامك صحيح أن الأسفلت له دور كبير خاصه الدائري عندنا يكفيكم مقطع الشباب السعوديين اللي يتزلجون على الزفلت :)

http://www.youtube.com/watch?v=lps8vVN6Jdc

كله من نوعيه الزفلت بس ممكن أن هالنوعيه هي الأفضل للطرق السريعه والله أعلم

وأكرر شكري وتقديري لكم جميعا

الحمد لله على سلامتك أخي أبو فهد

والحديد بداله حديد

أخوي الغلطة هنا غلطتك لأنك أخذت سيارة شبه خاليه من مواصفات السلامة

وأعذرني على هذه الصراحة

معظم وكلاء السيارات في بلدنا لا تهمه سلامتك ولا تهمه حياتك ولا سيارتك بعد خروجها من الوكالة

والجهات المعنية مثل هيئة المواصفات والمقاييس ووزارة التجارة وحماية المستهلك

ترى وتسمع لكن لا تتكلم ! يعني شريك أساسي في عملية النصب والإحتيال

هل تصدق أخي ابو فهد أن السوناتا في أمريكا وكوريا يوجد بها جميع أنظمة السلامة العالمية

ويوجد بها عدد 6 أكياس هوائية حتى في سياراتها أقل فئة !

نقطة أخيرة

نوع الأسفلت أخي أبو فهد له دور كبير جدا ً في تزحلق سيارتك بهذه الطريقة

أسفلت كأنه رخام من شدة نعومته

وعلى فكرة هذا النوع من الأسفلت لا تجده إلا في بلدنا !

لا إطارات جديدة تنفع معه ولا نظام ESP يفيد ولا نظام ABS يساعد

سيارتي سوناتا 2008

يوجد بها جميع هذه الأنظمة

ومع ذلك لا أرى لها فائدة تذكر مع هذا النوع من الأسفلت الصابوني خصوصا ً وقت الأمطار !!

شكرا ً لك ’’ والحمد لله على سلامتك مرة أخرى

قبل كل شي الحمدالله على سلامتك و في الحديد ولا العبيد زي ما يقولون

بالنسبة لي ما اشتري السيارة الا اتأكد من مواصفات السلامة, والحمدالله سيارتي فيها مانع الانزلاق و الانغلاق مع اني ما اعرف ولا واحد فيهم وش يسوي :confused1:

و السياحي و الفل يجي فيها 6 ايرباق

الحمدلله على السلامه

وعندنا وكالات حراميه
وربي شي يغبن

كله عشان يزيد ربحه
استغفر الله بس

موفقين

حزاك الله خير على النصيحة والتنبيه
والحمدلله على السلامة وربنا يعوضك خير منها.

جزاك الله خير
والحمد لله على سلامتك
والله يعطيك ألف عافية لحب الخير لأخوانك
وأسأل الله أن يرزقك أفضل منها

معلومة للكل من اثنين اعرفهم كانوا شغالين في وكالة KIA والكلام ينطبق على هونداي......
الي مو عارف في كوريا صاحب المصنع حق KIA هو نفسه حق هونداي
والمصنع واحد لكن مقسم الى نصفين واحد للكيا والثاني للسوناتا

والفرق بينهم انه الجودة حق التصنيع QUALITY للكيا اقل من السوناتا وهذا الشي واضح وباين ويكفي تشوف الدركسون فقط في الكيا وتشوف انه بلاستيك مثل لعبة الاطفال والهونداي افضل من ذلك بكثير.

وبالنسبة للـABS
اكيد مافي عندك.............ليش.؟

الوكالة سياراتهم تطلبها كلها ستاندر وبعد كده في منطقة عندهم حق تجميع المستودع حقهم خاص للاضافات والاكسسوارات حق السيارة من ديكور وشاشات وجنوط وغيره على اساس انهم يوازوها بالمواصفات المطلوبة في الخارج ... الفل ولا نص فل .
والاستاندر الظاهر ما فيه ABS في السوناتا فأكيد سيارتك اصلا استاندر وعدلو عليها ووازوها بالمواصفات الي اخذتها.

حمداً لله على السلامه واخر الشر بإذن الله

وجزااااااااااااااااااااك الله خير

انصحك تراجع طبيب مختص يسوي لك اشعه عشان راسك .

بالنسبه لنظام ESP انس يحطونه لكن القهر نظام ABS ليش ما حطوه !!!!!!!
المفروض هالنظام يكون اساسي لكل السيارات بجميع فئاتها .
والي زاد الطين بله هو الدفع الامامي موهب زي الدفع الخلفي عند الفرمله المفاجئه .

الحمدلله على السلامة

والله صار مثل هالموقف قبل شهر كنت امشي 120
وفيه حادث وياريت الحادث بنفس الشارع الي امشي فيه .. الحادث في الشارع الثاني والناس فجأة وقفت تناظر مدري ليش!! المهم وامسك فرامل قوي الا والسيارة تلعب يمين ويسار والحمدلله انها عدت على خير

esp و abs مهمين بهذه المواقف

سلم لي على الأمريكي حتى في أقل فئة لا بد من وجود وسائل السلامة
هذا مو خطأ التجار ، هذا خطأ هيئة المواصفات والمقاييس

الله يعوضك ع خير ان شاء الله
والله يكفيك شرهاا ويعطيك خيرها

الحمدلله على سلامتك اخوي والله يعوضك، بالنسبة حق نظام الABS و ال EBD مهم لكل سيارة، كان عندي مرسيدس موديل ٨٩ وكان فيه هالنظام بس ماكان الايرباق في ذيك الحزة موجود