لمجربين الاكورد من 2008 وطالع .. ارجو الدخول } ~

^

+

ايضا ودي اعرف كم اسعار الاكورد من 2009 وطالع ( مستعمل نظيف )
يـ سبيشل او فل ( 4 سلندر )

وكم باقي من فتره على موديل 2013 بما انها تبي تتغير شكلها
بلكن يطيح سعرها شوي : )

kaka84

r3bob

لايف ستايل

:: ابو العز ::

FiReFiGhTeR

أكورد.

ttoo


الله يعطيكم العافيه اخواني ,

ماتوقعت ان عزلها الارضي سيئ جدا .. وكذلك عزل الهواء

اجل نقول عيبها او عيوبها محلوله عند الوكاله , ان شاء الله

والحمد لله الكل يثني على اعتماديتها ..

طيب الصيانه بالوكاله هل هي سيئه ؟

غير ذلك , وش تنصحون بـ سياره بفئتها غيرها ( الافضل ) بنفس السعر تقريبا .. بعيد عن تويوتا

وتكون اعتماديه وقطع غياره لابآس فيه وتكون متوفره .

اخوي لحن المشاعر ...

اعرف 3 معاهم اكوردات .

الأول اكورد 2004 : السيارة ماشاء الله وطبعا الرجال من ابو شغل وامشي ومهمل في الصيانات والتصليحات ومع ذلك السيارة ماشاء الله ماسكه نفسها وزي الحلاوة وماشةي ماشاء الله 266 الف تقريبا .

الثاني اكورد 2007 : بصراحه من افضل السيارات الي سقتها سيارة اعتمادية وممتازة جدا وماعرف كم ممشيها صاحبها ووقتها كان يبغا يبيع لو كانت متوفرة الفلوس والله ماضيع الفرصه وبصراحه حاب اخرب عليك شوي واقولك ايش رايك لو تاخد 2007 نظييف ترا سيارة جدا ممتازة خاصة لو فل كامل وطبلون ليزر تحسها دلع من جد .

الثالث اكورد 2009 ((قير عادي )) سبيشل : ماشاء الله استخدامه بس خطوط تقريبا وماشتكى ولا شي من السيارة الا يمدح فيها ماشاالله لكن العزل ماعجبني او انه عشان عزل التاون كار افضل بكثير الله اعلم .

واستخير والله يكتب الي فيه الخير ..

تحياتي .

انا سألت عن القطع الاستهلاكيه بالوكاله لاني حاب اغيرها

الفحمات الخلفيه 220 ريال

فلتر الهواء 15 ريال

فلتر المكيف على مااظن 260 ريال

السير حول 350 ريال

صوف العكس الثنين على 55 ريال

بواجي 360 ريال او حولها


لكن غير الاستهلاكيه غاليه مره

يعني سلف الاكورد بـ 3000 ريال لكن مايخرب حمد لله لاني لما سألت النعماني موزع معتمد

قال خرب عندك !!! قلت لا

قال اشوا لان مافيه احد من 2008 وفوق جاء وطلب مني سلف أبد

عليكم السلام

عندي أكورد 2009 هي أول سيارة امتلكها

ماشية لحد الان 195 الف يعني على مشارف 200 الف

اول ماطلعت السياره عانيت من الفحمات الخلفيه كانت تستهلك على 20 الف تقريبا

اما الاماميه ماغيرتها الى هاللحظه تدوم معك

لكن بعدين جاء استدعاء لسيارات 2008 و2009 ان فيها عيب مصنعي بالكليبرات

وغيرت الكليبرات ومعها الفحمات على ممشى 133 الف والحين 195 يعني مشت 62 الف بدون صرصره

عيوب السياره انها لما تكون على طريق غير مستوي تحس بها حذفه

والعزل الارضي كنت اعاني منها والسبب الكفرات لما ركبت قودير خف شوي لكن يظل دون المستوى يعني مثلا الالتيما تتفوق على الاكورد بالعزل وعن تجربة

ميزتها الرساوة حلوه فيها وصرفية البنزين اروح من الرائعه

عبيت بشقراء ومشيت للمدينه ورحت مسجد قباء ثم جبل أحد وماعبيت بنزين الا لما جيت اطلع من المدينه

بخصوص الطرمبة انا كلمت مهندس بالوكاله ان مافيها عيب مصنعي وماجاء عليها استدعاء وانا اعبي زيت هوندا الاصلي وعبيته مره وحده بس ولا نقص معي ابد
لانهم يقولون فيه تهريب بس حمد لله لا يوجد اي تهريب

واصلا نفس الشركة طلبت بتعبئة زيت هوندا فقط
السياره وسيعه وراء وهي الاوسع في فئتها

السياره قاسية بالنسبه للالتيما
اشوف انها تتفوق على الالتيما بالركوب يعني بالاكورد تركب وتحس انك فعلا جالس جلسه صح ومتعة القياده افضل من الالتيما واتكن في الخط

المراتب قاسيه بس طبيه راح تتعود عليها مستحيل تتعبك بالخط لللي تعود عليها
السياره الحمد لله لحد الان لم تطلب مني شي يعني سياره اعتماديه ماشاء الله تبارك الله
رغم اني قاسي باستعمالي
العزم لك عليه
السياره فيها أمان عالي

وانت استخر ولاتستعجل يمكن تلقى الافضل

السلام عليكم ورحمة الله وبركاته


كل عام وانتم بخير وعيدكم مبارك ..

بخصوص طرمبة الدركسون وانا اخوك فانا قد كانت معي اكورد v4 2007 وبصراحه ما عنيت من المشكله هذي والان معي اكورد 2010 v6 ونفس الكلام ما عنيت الى الان من اي مشكله خصوصا من طرمبة الدكسون..

في الغالب تكون المشكله من الناس اللي تعبي علبة البور ( الدركسون ) بزيت او سائل لونه احمر وهذا مع الحراره يؤثر بشكل سلبي على القازقيت او الجلد ولكن في زيت هوندا خاص بعلبة البور.


بصراحه انا مجرب السيارتين وباقولك بامانه لو ان الاكورد2007 ما تحملت الكرف والخطوط ما كان شريت اكرود 2010 .. وزي ما تفضل احد الشباب عيبها العزل ايضا الفصله على 215.

غيرها لا يوجد.. وفي النهايه خدمة السياره تعتمد على السواق ان كان جيد طولت معه وان كان سئ الله يعينه على الخرابات ..

شكرا...

اخوي معه 2008 اشتكى فقط من الفرامل تخلص بسرعة وضعيفة , وبعد 3 سنوات اكتشفوا انه فيه عيب مصنعي وغيروا له الكليبرات ولا ادري هل تحسنت او لا .!
غيرها مافيه عيوب , وبالنسبة للي اشتكوا من علبة الدريكسون هذا بسبب انهم استخدموا زيت للدركسيون غير الزيت المطلوب استخدامه من الوكالة ( يعني استخدموا زيت مختلف) .

كانت عندي 2008 تعرف كيف حلوا مشكلة طرنبه الدركسون ؟؟؟ يعملوا لها وزن اذرعه !!!!!!!!!!!شوف المسخره
ومشكلة الفرامل الخلفيه لا تزال بلا حل تعرف ليش ؟؟؟؟يقولون انها مصنوعه من مواد غير ضاره بالبيئه عشان كذا تهتري بسرعه !!!!!!!!!! استغفال
العزم ضعيف يقولون اهم شي توفير الوقود وفي الشغله هذه فقط معهم حق

شف يا الغالي

أكورد سيارة عملية جداً ... كنت أمتلك موديل ٢٠٠٥

روعة مرة وبعتها بدون سبب ارتفع سعرها وهذي فرصة

كان فيها عيب مصنعي في لي الدركسيون وصلحت علي الضمان

وعرفت من الخدمة السريعة بلغوني فيه عيب ولازم تصلح

وكذا قطعه غيرتها على تحت الضمان

موديل ٢٠٠٨ حلو بس كان يعاب عليه بعض الاشياء مثل

نقص فيها ، طبعاً سياسية الشركة اليابانية وكذالك الوكيل

مثل نقص في الاربكات وشاشة الملاحة وبعض الفخامة اللي مفروض تكون اساسية ومرة اتصفح مجلة اماراتيه تخصصها بالسيارات كان لقاء مع مندوب الشركة الام وكان الحديث عن نقص المواصفات
وقال سياسية الشركة ترى انه ليس داعي توفر مثل تبريد وتدفئة المراتب و الانوار الزينون والعدسات للشمعه حتى في فئات السيارات الفخمة

بس موديل ٢٠١١ .. انا اشوف انها الافضل بصراحة

لوجود ٦ اربكات اساسيه + تدفئة المراتب .. وهذي ليس تغير سياسة الشركة ولكن

النظام للسلامة بامريكا يجبرها على أضافة هذي المواصفات .. وحدوث كارث اليابان تحول التجميع للامريكا حتى لاتخسر الشركة

ونزل موديل ٢٠١٢ نفس الموديل السابق .. ولكن موديل ٢٠١٣ سوف تتغير كلياً

لو ماراح تتغير كان اشتريت ٦ سليندر بصراحة

وشركة عبدالله هاشم المحدوده

تجيب سنوياً ٣ دفعات حسب الطلب

وكل دفعة زياده اربع الالف ريال لين تكون الزيادة السنوية ١٢ الف مع اشاعة السنوية ارتفاع الين والخ

سنوياً الزيادة بحدود ١٠ االالف ريال لجميع السيارات اليابانية عكس السيارات الامريكية لثقة المستهلك في المنتجات اليابانية

والامريكي ينخفض ويزود ولكن في الفترة الاخيرة زيادة الاسعار من الوكلاء المحلياً بحدود ٢٥ الف ريال مع العلم لم يتغير شكل السيارة نهائي.

آسف على الاطالة والتطرق لعدة أشياء

عندي النسخة الأمريكية 2011 الي وصلت لكم السعودية

وراح اكمل سنة من شرائها وللحين ماشية 12 الف

السيارة رائعة بكل من معنى كلمة من بعض الملاحظات والعيوب البسيطة

مثلا العزل الأرضي سيء جدا وايضا عزل الهواء من ذاك الزود لكن مقبول لسيارة بفئته

مميزاتها معروفة للجميع راسية جدا يعني مطمئن وانتا خلف الدركسون

ولم اواجه اي مشاكل بالسيارة للحين ماشءالله وماغيرت فقط زيت المحرك والفلترر

الله يعطيك العافيه يالغالي , لاشك بعمليتها وتحملها ويكفي انها ياباني اصيل

لكن بعد 2012 صارت امريكيه

بس المشكله ان فيها عيب بـ طرمبه الدركسون ويشتكون منها

ودي ادري وش سالفتها بالضبط , ويقولون بعد ماصارت امريكيه حلوها

طيب كيف اسعار قطع غيارها الاكورد ؟