تبادل خبرات واستفسارات لكل ملاك فورد ( ايدج )

هلا بك اخوي Herqules وتشرفنا

ومبروووك ,,,,, يعطيك خيرها ويكفيك شرها

بالنسبة لمشكلة السيارة زي ما قالو لك الاخوان يمكن فية مشكلة بالكفر او الجنط ولا تروح الورش والسيارة جديدة ودها الوكالة وهم يحلون المشكلة لن السيارة تحت الضمان ..

و مشكور اخوي kei على الاطراء :xyxwave:

و مشاءالله عليك oussi حليت المشكلة وانا كنت اتوقع ان المشكلة بعد ضغط الملف و فكة لن اغلب مشاكل الملفات المنزلة من الحركة هاذي ...

هلابكم اخواني الايدجين :wavey:

أخوي من غير ما تسأل أي أحد سواء من الرابطة أو من غير الرابطة ..
سيارتك جديدة ودافع فيها فلوس
أي حاجة تشك فيها على طول أنشب لهم في الوكالة ..

ونصيحة لاتسوي أي حاجة برى الوكالة خصوصاً في بدايات السيارة يعني بما أنها جديدة - [SIZE=3]الله لايجيب الشر إن شاء - [/SIZE]لأن الوكالات يبغون أقل سبب يتحججون ويخلون مسؤليتهم منه ..
يعني لو تروح ورش وبعدين تروح لهم بيقولون لك : أحنا محنا مسؤلين مو غلطتنا ... الخ ...!؟

تحياتي :smile:
[/CENTER]

الصور فعلا بصيغة JPG حاولت فيها كثير
بالاخر صغرت كل صورة بحجم 1 بكسل علشان تشتغل
حجمها الاساسي 378X790
لازم تسويها 377X789 سويتها كذا واشتغلت معايا
في حال ان احد الاعضاء ماشتغلت معاه يسويي زي وان احتجنم اعطيكم اسم برنامج استخدامه جدا بسيط يفيدكم بهالموضوع
بصراحة روووعة الصور يعطيك الف عافية
وسويت وحدة من الخلفيات صورتي :bigggrin::bigggrin:

سؤال : هل اقدر اتحكم بحجم الصوت للمسجل من الاوامر الصوتية ؟

اهلا وسهلا بك
وتشرفنا بوجودك اخ عزيز بيننا بالرابطة
بالنسبة لسيارتك يومين مستلمها وفيها رجة :confused1::confused1:
انصحك أنك تروح الوكالة يمكن في مشكلة عندك بأحد الكفرات محبل ولا جنط مطعوج
حرام سيارتك جديدة وتوديها ورش وترصيص
نصيحة ودها الوكالة ويشوفها لك على الضمان افضلك

مشكور على المعلومة ...

وبالنسبة للصور تاكد انها بصيغة JPG او حولها الى هالصيغة لنها شغالة عندي وما ادري ليش

ما تشتغل عندك ...

فعلا طلعت تشتغل هههههههههههههههه
بس لمن تشغلها الانارة بالطبلون ماتشتغل الا لمن يصير ليل صدقت اخوي والمعذرة

بالنسبة للخلفيات نزلتها وسويت الطريقة الي تقولي عليها لمن اضغط على الصورة علشان اضيفها يطلعلي كلام كأنه امتداد الصورة غير مناسب او حجمها غير مقبول ويرفض يضيفها ضمن قائمة الخلفيات
جربت صورة من عندي زبطت لمن الخلفيات الي حطيت انت رابطها مو راضي يقبلها
بصراحة الخلفيات جدا روعة بس مني قادر اضيفها
ياليت ان عندك افادة تفيدنا وجزاك الله الف خير

بالنسبة للشاشة انا وديت السيارة يوم الاحد وقالولي اليوم الشركة بأمريكا مقفلة لأنه أحد
قلتلهم وش دخل الشركة بأمريكا
قال التحديث عن طريق النت عن طريقهم اتوقع التحديث راح يفيدك ان شاء الله
بالتوفيق

^^^^^^^^^^^

الحمدالله على سلامة شاشة الايدج ههههههههه وزين قلت لي خلني بعد العيد اسوي لها تحديث ...

وبعدين اذا تقصد كشفات الليد غريبة ليش ما تشتغل يمكن فيها مشكلة مع اني ما اتوقع ...

واذا عن البرمجة ما في برمجة بشاشة الايدج لكشافات الضباب الليد هي وحدة من الثنتين

اما تشتغل اوتو او انت تشغلها ... وبعدين اذا انت شغلتها بالنهار ماراح تكون واضحة

وزي ماقلت لك وقفها بظل وراح توضح اكثر ....

وهذا مقطع لتشغيل الايدج عن بعد وفي العادة اذا شغلتها عن بعد راح تشتغل كشفات الليد اوتو

لاحظ في الدقيقة 00:35 اشتغلت اوتو ولكن مو واضحة ...

http://www.youtube.com/watch?v=I_6NALMD3pU

وهنا لاحظ في الدقيقة 00:44 بعد التشغيل عن بعد اشتغلت ولكن مو واضحة

http://www.youtube.com/watch?v=7jOQOzPcl6o

و هذا عيب كشفات الليد ماتكون واضحة بالنهار ....

اولا الحمد الله استلمت السيارة والشاشة تمام التمام
حتى البطئ الي فيها اول خف مدري اذا انهم سوو تحديث او غيرو الاصدار لكن فرق طيب وواضح بين سرعة التحكم بالشاشة سابقا والان
ثانيا مشكور فايربوكس على التعلميات للطوارئ في حال البطارية خلصت
ثالثا الطرقة الي قلتلي عليها مو راضية تزبط الانوار ياخي ماتشتغل
تأكدت مية بالمية مو راضية تشتغل وانا متأكد انو في برمجة لها من شاشة الاعدادات لكن الانجليزية حقتي مش ولا بد فرجاء خاص اخوي تشوفلي ياها عندك وتعطيني خبر وش يصير معك والف الف شكر لك

ما صار شي جديد حول بطئ الشاشه .. والخرائط .. ؟!

الى جميع ملاك جوهرة فورد ايدج 2011 وعندهم مفتاح التشغيل الذكي ( معلومة ) ...

تخيل انك طالع مشوار بالغالية ايدج وطفيت السيارة ونزلت منها عشان تخلص شغلك ...

وبعد ما خلصت الشغل جيت تبي تفتح الباب بالريموت ما انفتح تحاول تشغل السيارة عن بعد ما

اشتغلت ولاحظت ان بطارية الريموت ضعيفة او الريموت متعطل :smilie20: وش راح

تسوي بهالحالة وانت بعيد عن البيت :blue: ؟؟؟؟

ابد الجواب عندي ....

اول شي افتح الباب بالمفتاح الاحتياطي الي بخلف المفتاح الذكي ...



ثانيا حط المفتاح بمكان التشغيل الاحتياطي تحد مسند اليد و بالضبظ تحت منفذ الطاقة وهذا مكانة



وخل علامة فورد الى اعلى و الازرار الى تحت



وهذا وضع المفتاح الطبيعي بالفتحة



وبعدين شغلها بطريقة التشغيل العادية زي المقطع هذا فيها طريقة تشغيل النيسان مع اختلاف المكان الي تحط فيها المفتاح

http://www.youtube.com/watch?v=yznoUPulWDU

وهاذي طريقة الطوارئ اذا كانت بطارية الريموت ضعيفة او كان فية موجات تشويش وتقدر تشحن الريموت بنفس الطريقة الي بالصور ....

ونفس المكان الي بالصور تقدر تبرمج نظام My Key ولكن انتبة انتبة لا تبرمج النظام الا اذا كان عندك المفتاح الثاني لنك من تسوي حفظ للاعدادات بالمفتاح الاول ما تقدر تلغي الاعدادات الا بالمفتاح الثاني ....

وترى نفس المفتاح الاحتياطي الي بالصورة الاولى تقدر تقفل الباب الخلفي ( حبة تقفيل الباب للاطفال ) عشان الاطفال ما يفتحونة من الداخل

وشكرا

ابد ما سوينا شي يالغالي وكنت جايب لك صورة جنط اسكليد 22 اينش نفس الفكرة جنط المنيوم مصفح بالكروم او علية طبقة كروم....



وشكرا

مشكور على الايضاح ياfirebox

نفس الي عندي :xyxthumbs: وهذا يالغالي جنط المنيوم بالاساس وعليه طبقة منفصلة من الكروم او خلنا نقول المنيوم مصفح بالكروم :xyxwave: مو طيس لن الطيس تجي بلاستك مو كروم ومعروف ان الكروم سعرة غالي ولونة يلفت الانتباة وافضل من الالمنيوم

الجنط الي عندي رقم 3 اخدتها من توكيلات الجزيره فرع الدمام

هلا بك اخوي انا ما ادري وش تقصد بطيس ستيل لن هاذي ما هي من خيارات جنوط الايدج ....

ولكن انت قول لي الجنط رقم كم بالصورة هاذي ؟؟؟!



وانا راح اذكرها زي ما هي موجودة بالموقع الرسمي لشركة فورد و فورد الشرق الاوسط

[COLOR="Black"]رقم 1 ) جنط الامنيوم 17 اينش و ستاندر في فئة ايدج SE
رقم 2 ) جنط الامنيوم مطلي 18 اينش وستاندر في فئة ايدج SEL
رقم 3 ) جنط الامنيوم مصفح بالكروم 18 اينش ستاندر في فئة الليمتد واختياري في فئة SEL
رقم 4 ) جنط الامنيوم مصفح بالكروم 20 اينش اختياري بفئة الليمتد و فئة SEL
رقم 5 ) جنط الامنيوم مصقول ومكسو باللون الاسود 22 اينش استاندر في فئة الاسبورت

واذا كنت تقصد جنط رقم 3 هذا جنط الامنيوم علية طبقة من الكروم مو طيس والكروم هنا مفصول عن الالمنيوم و المعروف ان الطيس بلاستك مو كروم ...

وهذا موقع فورد الرسمي
http://www.ford.com/crossovers/edge/features/#page=Feature6

وهذا فورد الشرق الاوسط
http://www.me.ford.com/servlet/ContentServer?cid=1178819756018&pagename=Page&c=DFYPage&site=FMEAR

و من هنا تقدر تنزل كاتلوج ايدج 2011
http://www.me.ford.com/servlet/ContentServer?cid=1248876380020&pagename=FMEAR%2FDFYPage%2FFME-Default&c=DFYPage&site=FMEAR

وتعرف انواع الجنوط و بعض مواصفات السيارة ......

وشكرا[/COLOR]

ياغالي هذا الكلام مستحيل

انا بكرة الظهر نازل عالوكالة عندنا بالمدينة المنورة بتأكد مع اني متأكد مية بالمية انها جنوط كروم مو جنوط وعليها طيس
وبصورها لك بعد وبنزلك الصورة

انت من اي منطقة مشتريها ؟ ؟