استفسار بخصوص رينو فلوانس

الان في ميكانيكي رينو ميه ميه في جده شارع السبعين بجوار مستوصف السلام انا روحت لا بو سعيد وقالي ان السياره تبي ماكينه ب 3000 ريال لكن الرجال دا صلحلي السياره وما كلفتني 1300 ريال اسمو ابو حمزه راجل فاهم شغلو كويس وجوالو 0569303573انما سعيد وابو سعيد حراميه

^^^^^
"صرت مشهور :bigggrin:"

هو صحيح انا استخدمتها مده كافيه والحمدلله السيارة ممتازة انا ما استخدمها الحين لاني مسافر للدراسه ..... فما ادري اذا كانت ماشيه تمام الى الان ...
بس اذا كنت تحب التسارع فلسيارة مو صوبك ... اذا التسارع مو مهم والسيارة عاجبتنك اعتقد تكون السيارة ممتازة و المفروض تكون في اعلى القائمه ...
السيارة مريحه .... يعني تمشي وانت مرتاح في الثبات والعزل و حتى الكراسي مريحا اكثر من بعض السيارات

مثل ما قالو الشباب السيارة ... مكينه وقير ومكيف من نيسان ... يعني اعتماديه جداً

بلتوفيق

الوكيل الجديد موفر كل شيء.
فلوينس أو سافران أنا أقول لا تقلق بشأنهما مثل أجيال رينو السابقة لأن الصناعة كورية (هي سامسونج بالأصل) و لن تكون مكلفة في القطع مثل الفرنسية. و لو تزور الوكالة و تسأل بنفسك عن بعض القطع و أسعارها أحسن لك.
السيارة أفادنا عن استخدامها العضو nGuy من البحرين و استخدمها لفترة كافية تقريبًا 100 ألف كم. و ما يذكر السيارة إلا بالخير.
المحرك 1.6 و لا يوجد 2.0 على فلونس. و أشوفه مناسب جدًّا.

ابو سعيد اكبر حرامي و اكبر واحد يلف و يدور و له سوابق كثيره و معايا برضوا حتى جبتلو الشرطه حتى يرجعلي فلوسي على عكوس كانت عندي خربانه و قالي اعطيني 900 ريال و كنت مستأمنه لان الكل يصلح عنده و معروف في الصناعيه ... قالي اجبلك عكوس و سحب عليا سيفون بس الحمدلله رجعتلي فلوسي


لكن بشكل عام تعامل الوكيل الجديد جداااااااااااااا راقي و مواعيد ادخال السياره الصيانه و استلامها كلها ممتازه و قطع الغيار متوسطه مع ان سيارتي ميقان سبورت يعني في قطع رياضيه لكن تعتبر متوسطه و اقدر اقولك اسعارها كأنها اسعار قطع غيار هوندا .


اما صراحه السياره الفلونس مادري عنها و عن احد استخدمها و عن تحملها لكن تأكد انها ميكانيكلي هي نسيان محرك و مكيف و قيربوكس .

صراحه انا انصح فيها لكن لو كان محركها شويه اكبر يعني لو 2.0 اقولك حلو اما 1.6 عن نفسي ما تخارج .

تحياتي لكـ

طيب يعني ما اشتريه وانا سواقتي على رواقة وانت كيف طبيت بالحفرة

وما سالت بكم تتصلح الاذرعة

دام انك في جدة .. واذا تبغى رأيي بصراحة .. لا ما انصحك ..

الرينو سيارات فرنسية راقية وهذا الكلام لاشك فيه واذا كان عندي رينو اعتز اني راكبها .. لأنها بإختصار فيها تقنيات مرررة متطورة وحلوة بس ماتنفع لشوارعنا وخاصة جدة !! ..

1-قبل كم يوم كان عندي شغلة فالبغدادية واكلت حفرة زي جهنم ! الأذرعة عندي انعدمت ! والى الأن ماصلحتها .. (( اللهم عليك بكل خاين في البلدية وماحولها :smilie20:))

2-واتخيل ان السيارة اوديها للمحل اقله عبي الفريون .. يقول ما اعرف وواحد ثاني اقوله بغير الشمعة الأمامية .. ما اعرف ! ..


.................................
بالنسبة(( للورش المتخصصة بالرينو )) .. هيا ورشة وحدة ف كل الصناعية في جدة !!! اتخيل !!
... واحد ميكانيكي فلسطيني اسمو سعيد واخو معرووف عند كل الصناعية وتقدر تروح وتتأكد من كلامي .. (( هوا ماشاءالله فاهم ومعلم ويجيب قطع من الوكالة بنفسو او من التشليح اللي عندو ويركبها ))

وصاحب الورشة .. نفسو واحد شايب .. يقولي (( اللي معاه رينو الله يعينو )) صادق والله

وواحد ثاني اسمو تونسي عندو ورشة اسمها امواج .. بس انتا تجيبلو القطع وهوا يصلحها (( بحكم انو كان عندو رينو ميغان )) بس بالنسبة لنوع سيارتك ما اتوقع راح يفهملها

ومحلين لبيع قطع الغيار .. برضو في الصناعية ..

والمفاجأة اللي من العيار الثقيل !!

ان معظم الأربعة يعرفو بعضهم !!

اروح لمحل القطع .. اذا ما عجبني السعر .. ((يتحداني ويقولي : خلاص روح عند سعيد وشوف السعر )) !! وهكذا !!

يعني بالعربي ((( منتهى الإحتكااااار)))

ولا تتوقع الأسعار قليلة .. انا امس اشتريت اسطب النور الأمامي .. بـ 450 ريال وتايواني يعني تجاري وبدون حتى نص شمعة ..! ... والأصلي بـ 850 ريال .. هذا غير التركيب ..

وحط فـ بالك الفلوانس راح تكون اغلى .. ومعظم القطع ان ماكنت كلها من عند المحلات اللي ذكرتها فوق .. راح تكون وكالة .. لأن ما في تشليح بالنسبة لها ..

..
القرار ف النهاية يرجعلك .. :blue: الله يعين ..

اي استفسارات انا حاضر ..

يعني اخوي تنصحني فيها وابي اسال هل المحلات الي تبيع قطع غير ارخص من الوكالة وهل في محلات في جدة وشكرا