سلام عليم يا خواني كيف حالكم
انا والحمد لله عندي كابرس 94 ltz والحقيقة السيارة لي رغبة فيها ولا افكر ابيعها وودي اني اجدد السيارة وارجعها نفس شكلها الاصلى وعندي ميزانية حدود 15,000 ريال طبعا اللون بنفسجي عودي
يعني اقصد البدي البويه والازياق والصدمات والدرايش بغيرها مساطر الدرايش عندي شاريها من اول
الجنوط نظيفة بس بلمعها والاسطبات الانوار نفس الشي وعضلات السيارة بغيرها كاملة وجلد البدي كاملة لان عندي طقطقة خفيفة واحس الموتر مو زي اول مناحية الثبات والراحة وطقم كفرات جديد وافكر اركب بريلي لانه عريض ويركب على جنط الصابونة يعني...
وبالنسبة لداخلية السيارة ماشاء الله عليها لا تشقق ولاتكسير بس عني ديكور باب السواق لانه انفك اكثر من مرة انشعر وبعدين اهملته وانكسر (عندي سؤال هل اقدر افصل نفس الديكور الباب ) ياليت الي سمع اوعنده خبر يقولي وغير كذا المحركات ماشاء الله موجيدة الا ممتازة الحمد لله وممشاها حلو بس ابغى ارجعها وكالة هل ترجع ولا لا انا صراحة فكرة في الموضوع كثير بس ماستشرت احد شورو علي بالله عليكم وشكرا.