الفزعه للي يسوقون عايدي !!

السلام عليكم ورحمه الله وبركاته

اسعد الله ايامكم بكل خير ..

اخواني اعضاء هذا المنتدى الكبير عندي بعض الاستفسارات اتمنى انكم تجاوبوني عليها ..

انا شاب عمري 22 سنه تعلمت السواقه من 8 سنوات تقريبا خلال هذي السنوات لم اضطر لقياده سياره عايدي !!

الان شريت سياره عايدي وورطت معها والمشكله اني ما عرفت اظبطها تمام ..

فيا ليت اللي يقدر يفيدني بالاسئله ذي انه ما يبخل علي لاني من جد بديت اطفش من السياره مع انها ما كملت معي اسبوع واحد ..

اول شي سرعه التقويمه انا اعرف اقوم السياره ولكن تاخذ مني وقت اطول من اللازم والمشكله ان السياره واقفه في طلعه مو مرتفعه كثير ولكن لما اقوم السياره ترجع تقريبا متر الى مترين فما عرفت وش اسوي ..

ثاني شي ماني عارف متى ابدل نمر يعني تعشيق السياره يعتمد على RPM او انها تعتمد على سرعه معينه

ثالث شي لما اكون ماشي تقريبا 100 وابغى اهدي السرعه وش افضل طريقه انو ابدل نمر يعني من الخامس للرابع والثالث او انو اخليها على الفاضي وبعدين احطها على نمره

رابع شي لما ابدل من نمره لنمره يجي في السياره زي النتعه ماني داري وش السبب هل عشان اني لما اشيل رجلي عن الكلتش ما ادعس على طول بنزين .

اخر شي لما اوقف السياره اشم فيها ريحه حرق ما ادري وش هي له ؟؟

اتمنى انكم تساعدوني السياره جديده ما ودي اخربها

ولكم مني جزيل الشكر .