بما اني ما اعرف اسوي مقدمات راح ادخل في الموضوع على طووووول
انا توني متخرج من الجامعة ولله الحمد << مبسوط هو ووجه وتلقا معدله مخيس زيه
والوالد الله يحفظة قلي خذ لك سيارة وحدّك 80 واقساط بعد .. قلت له ااااااابشر
المهم وبعد البحث رسيت على 5 سيارات واحترت فيهم :
- فورد فيوجن
- هوندا اكورد
- ميركري ميلان
- نيسان التيما
- هونداي سوناتا
وعشان اكون صريح معكم .. بصراحة ما ادري كيف خليت هالسوناتا في القائمة .. لكن بصراحة شكلها الخارجي حلو وكمان داخليتها .. ولكن الخوف من التحمل وما ادراك ما التحمل اخاف انها ما تكمل معاي سنتين إلا وانا موظبها !! .. بصراحة لي تجربة مع الكوري الييييييمه لكن كانت سيارة استأجار كما ان جارنا عنده هونداي فان ما ادري وش اسمها .. خبطت عليه المكينه والسيارة وكاله وما كملت ثلاث سنوات حتى !!
طبعاً لحد يقولي كامري أو تويوتا، على الرغم من إن عائلتنا الكريمة من اكبرهم الى اصغرهم (وانا معهم بعد:wavey: ) كلنا تويوتا وحارتنا بعد كلها تويوتا إلا واحد نفر بس معاه فورد اكسبديشن مدري اكسبلوجن مدري كونكلوجن حتى !! المهم خلينا في هرجتنا ..
بالنسبة للأسعار انا تقريبا توقعت اسعار كلاً من الخمس سيارات بأنها حول الثمانين ولكن لضيق وقتي لم اذهب إلى الوكالات لأتأكد .. ولكن ابغى الفزعة منكم في الأسعار واقصد اسعار رمضان لأني راح اشتري السيارة في رمضان بالكثير الأسبوع بعد الجاي ..
بالنسبة لإستعمالي .. انا احب الرسااااوه والفخاامة والهدووء ولاني حق قومات وسرعة .. يعني بالكثير في الخطوط السريعة الطويلة وليست القصيرة امشي من 140 إلى 150 لفترة من الطريق فقط ثم ارجع إلى 120 ..
ولو تكون السيارة فل كامل يكون افضل ..
ملاحظة / الوالد قال لي حدّك 80 .. لكن بيني وبينكم (ولا يسمع الوالد) لو زادت لل90 وكانت تستاهل السيارة الزيادة ما في مشكلة .. راح اسوي فلم هندي لمدة يومين وإن شاء الله تزبط الأمور .. بس اتم شدو حيلكم وساعدوني تكفون ..
وإذا عندكم اقتراحات لسيارات اخرى أو عيوب سيارات ذكرتها فلا يتردد احد ..
شاكر لكم .. واعاننا الله واياكم على صيام رمضان وقيامه .. وكل عام وانتم بخير
